الضحية في الانتقام وحب جنوني بدون شعور

الفصل التاسع والعشرون

أم مناف بصدمة من ريم: لا يمه يا ريم أيش هذا الكلام وأنا خالتك ومو عشان صارت مشكله بسيطة بينك وبين زوجك تقولين تتطلقين وبعدين أيش راح يقولون عنك الناس لو تطلقتي

ريم وبنفس الوضع: ما علي من كلام الناس واللي يبي يتكلم خليه يتكلم يعني شيء جديد يتكلمون علي

أم مناف باستغراب من كلام ريم: أيش تقصدين بكلامك هذا؟

فيصل في هاللحظة دخل عشان ريم لا تعلم أمها بكل شيء عن ماضيها وبحدة: أقول بدال البكاء مثل الأطفال قومي خلينا نرجع على البيت

ريم بعناد: أنا ما أبي أرجع معك

فيصل بضحكة ساخرة وهو يمسك ريم من معصمها ويشدها عشان تقوم: لا والله... والله عاد مو بكيفك أنتي بترجعين معي غصب عنك والحين قومي لا أشدك من شعرك

أم مناف وهي تحاول تفك يد ريم من فيصل بحدة: فيصل ممكن تترك البنت تخرج

فيصل بشوية عصبية: والله يا يمه ماني خارج من الغرفة غير رجلي على رجلها... ووالله يا ريم لو ما مشيتي معي راح يجيك شيء ما يعجبك

ليان بارتباك وخوف من عصبية أخوها: فيصل خليها بس شويه الين ما تهدا وبعدين روحوا على بيتكم

فيصل صرخ في ليان بدرجة أنها فزت من الخوف: شب أنتي الثانية لأني ما سالتك وانقلعي عن وجهي دام النفس طيبه عليك...

ليان طالعت في أخوها وبخوف: أنا أسفه وخرجت وتركت لهم الغرفة وعلى خروجها دخل أبو مناف

أبو مناف: أيش فيكم أنتم... وأنت ليش تصارخ على أختك يا فيصل

فيصل: مافي شيء يا يبه بس أنا أبي أخذ زوجتي وأرجع على البيت وأمي تقول أخليها هنا وأنا مستحيل أخليها بعد الي صار اليوم

أبو مناف تنهد وهز راسه بالنفي: خلاص لا تروحون أنتم الاثنين وناموا هنا وأظن غرفتك موجوده مثل ماهي

فيصل: يبه وليش ننام هنا ونترك بيتنا

أبو مناف بشوية عصبية: فيصل خلاص انتهى الموضوع فهمت... ويكفي الين هنا

فيصل: طيب يا يبه أنا راح أسوي اللي تبيه أهم شيء ما تزعل أنت وأمي وبحدة/ وأنتي يا هانم تفضلي قدامي

أم مناف: تعشوا وبعد كذا أدخلوا وناموا

فيصل: أن شاء الله يا يبه... وبالفعل نزلوا وتعشوا... وفيصل يتوعد في سره أنه راح يعاقب ريم بطريقته... وبعد ما تعشوا وفي غرفة فيصل

ريم حطت يدها على خصرها: أبي أغير ملابسي لو سمحت... فيصل واللي كان في غرفة ملابسه سمعها بس مارد عليها... ريم دخلت عليه وبحدة/ أظن أنا أتكلم معك فلا تطنشني لو سمحت... فيصل شد ريم من يدها وثبت جسمها بيده على الجدار فمنعها من الحركة وحط يده على فمها