لا يناسبني

طلعة 😉

عادل: كلللش.. فوك ما تتصورين
ومصطفى كلش يحبهة حسيتة نسى ورجع مصطفى القديم
وامي كلش تحبها تكول اشوف هديل بيها

هديل: بيتهم ما خلص؟؟

عادل: بقالهم الاثاث.. بعدها سهام  دترتب بالغراض
وغرفة النوم بعدة النجار ممخلصها

هديل: اي زين مكملين شغلات هووواية

عادل: اي.... بفكرج هسة شديسوون بالغرفة كاعدين وحدهم...

ضحكت وضربته على رجلة

هديل: وانت شعليك... بكلشي حاط روحك

عادل: فضول...

هديل: خبال..

صارت ب٧ غيرت ملابسها ونزلت لكتهم كلهم كاعدين منتظريها

مصطفى: شو تاخرتي مو عوايدج؟؟

هديل: جنت ادور على عباتي ما لكيتها.. القديمة كلش تعبت

عادل: ديلة فضوها امي وابوية اذا رجعو من العرس مرح يخلونا نطلع

هديل: ماشي يلة امشو

عادل:وين نروح؟؟

سهام: خلو هديل تختار بعتبار صارلها فترة مجاية

مصطفى : اوك وين نروح هدهد؟؟

هديل: مدري بس عاجبني اروح للمكان قريب دجلة.. كلش مشتاقتلها

عادل :اوك لعد.. اعرف مطعم هناك...
بس اول شي خلي نروح نفتر بالسوك وراها نروح للمول او للالعاب

مصطفى :يلة امشو

صعدو سيارة مصطفى كلهم وهية وكفت كدام الباب

هديل: اريد اطلع بسيارتي

عادل: وصخة كلش.. من ارجع انظفها وباجر طلعي بيها

ضاجت كلش من هيج حجة ونزلت راسها

مصطفى : ادري تحبيها بس مستحيل تصعدين بيها وكلها تراب محد نظفها من رحتي لحد هسة امي مخلت احد يقترب منها علمود عادل لا ياخذها تدري بيج تحبيها وخافت عليها
ويمكن حتى ما تشتغل كد ما واكفة

عادل: لا لا تخاف ابوية جان كل فترة ياخذها يفتر بيها شوية ويتكبر على العالم

ضحكو بس هديل بعدها ضايجة

عادل: هدهد شبيج يمعودة... شو الي يشوفج بالبيت يتخبل من  يشوفج بالشغل
مشيها هسة والله من ارجع اغسلها وانظفها ونطلع بيها اليوم مو باجر هم

هديل: وعد..

عادل: وعد وعد...

افترو شوية بالسيارة وراها راحو للمول
ورة ما تسوكو حطو غراضهم بالسيارة وراحو يتعشون بمطعم يطل على النهر
كملت هديل اكلها

هديل : رح اوكف شوية يم الشط.. من تخلصون صيحولي حتى نروح للسوك

عادل: اوك اخذي راحتج بس ديربالج لا توكعين والقرش ياكلج