الضحية في الانتقام وحب جنوني بدون شعور

الفصل الخامس

************************

المهم بعد مرور أربع أيام من اللي صار وريم في غرفتها تستعد علشان تروح المشغل..
هدى وهي ترتب أغراض أختها: ريم فين فستانك علشان أخذه معي على القاعة وخذي كل اكسسوارات شعرك وأعطيني عقدك الالماس علشان أخليه معي إلين تجين القاعة
ريم وهي تنشف شعرها بعدما استحمت: الفستان في غرفة أخوي خالد والطقم عند أمي والحين أنا مع مين بروح
هدى بابتسامة: بتروحين مع رابية وأن شاء الله سارة راح تلحقكم
ريم بتعجب: ومع مين بنروح يعني من يوصلني على المشغل
هدى: السواق يا قلبي
ريم بشوية خوف: طيب أنتي ليش ما تروحين معي والله أنا ما أبي أروح لوحدي
هدى وهي تحتضن ريم: علشان أنا لازم أكون مع أمي في الاستقبال والحين يلا ألبسي ملابسك وألبسي بلوزه بزرار علشان لو جيتي تلبسين فستانك ما تخرب تسريحة شعرك والحين أنا بروح القاعة لأن الكوافيرة بتوصل بعد شويه
ريم بتردد: طيب ليش سارة ما جات بدل ما أروح لوحدي
هدى بخوف: ريم أيش فيك أنتي اليوم منتي دايما تروحين المشغل لوحدك أيش معنى اليوم ما تبين تروحين
ريم بابتسامة باهتة: خلاص حبيبتي روحي أنتي الحين وأنا بخلص كل شيء وبلحقكم
هدى بتردد: طيب وأنا راح أقول لسارة لا تتأخر عليك... وكمان أنا قلت للكوافيرة تسوي لك تسريحه ومكياج ناعم أوكي يا حبيبتي... هدى باست أختها وخرجت وتركتها ريم غيرت ملابس وبعد كذا اتصلت على أسماء
أسماء: هلا والله بعروستنا الغالية
ريم بعتاب: أسوم فينك مو المفروض تكوني عندي من الصباح
أسماء: والله أسفه يا ريم بس فستاني مره ما عجبني علشان كذا نزلت السوق علشان أشتري جاهز... والله لولا كذا كان جيبت من الصباح يا قلبي لكن أوعدك أني بمجرد ما أخلص من السوق راح الحقك على المشغل يا حبيبتي أوكي
ريم بتنهيدة: لا يا حبيبتي خلاص أنتي روحي على القاعة وهناك أن شاء الله نلتقي يا حبيبتي والحين مع السلامة وقفلت الخط... وهي تفكر بأخر مكالمة لها هي وفاضل بس في نفس الوقت استعاذت من الشيطان وقامت ولبست عبايتها وخرجت من غرفتها وقبل ما تخرج من البيت أتغطت وأخذت رابيه وخرجوا وراحوا على المشغل وأول ما وصلوا وقبل ما يدخلون حست بنغزه في قلبها فوقفت من الخوف ولا كملت طريقها
رابيه الشغالة الجديدة: أيش في ماما أنت كويس
ريم بابتسامة: أي أنا طيبه والحين روحي أنتي مع السوق علشان يوديك عند أمي
رابيه هزت رأسها بالموافقة: طيب ماما مع السلام. وراحت وخلتها... أما ريم فسمت بالله ودخلت
جمانة استقبلت ريم ودخلوا: أهلا أنسة ريم كيف حبيبيتي
ريم بابتسامة بارده: هلا جمانة أنا بخير أنتي كيفك
جمانة بابتسامة: الحمد لله منيحة يا حبيبتي.... ممممم المدام هدى قالت لي أني أعملك تسريحة بسيطة ومكياج ناعم
ريم: أي حتى أنا أقول كذا
جمانة: أوكي يلا نبدأ... ريم هزت رأسها بالموافقة وجلست على الكرسي واسترخت وجلست تدعي من قلبها أن ربي يبعد عنها هذا الخوف والقلق اللي هي فيه
ريم بتوتر: جمانة أنتي كم ساعة راح تأخذين في تجهيزي
جمانة: أن شاء الله ساعتين أو ثلاثة ساعات يا حبيبتي
ريم: أوكي وهو كذلك يا حبيبتي... جمانة أستشورت شعر ريم الطويل ماشاء الله... وبعد ما خلصت بدات بوجهها بمكياج ناعم بلون موف ليلكي وذهبي فاتح وفي هاللحظة دخلت وحدة عليهم
الحرمة وهي تشوف ريم المسترخية: السلام عليكم
جمانة باستغراب: وعليكم السلام أهلين حبيبتي بدك شيء
الحرمة: أي ابي البنت اللي معك... وطلعت بخاخ وبخته على وجه جمانة صرخة بخوف.. وريم اللي فزت وقامت بسرعة... الحرمة وقفة تطالع في جمانة اللي طاحت على الأرض، وريم اللي كانت تترنح وهي وافقه الين طاحت وغابت عن الوعي تماما...