Ang Nakaraan

3: When Your Past Catches Up With You & You Are Warned Not To Be Disappointed

Nakadama ako ng guilt sa sinabi niya.

"Sorry kung bigla na lang natigil ang contact natin."

"Wala iyon. Alam ko naman na ang daming adjustment lalo na at nasa ibang bansa ka. Nae-experience ko na din iyan ngayon. Pero in fairness, ang sarap ng simoy ng hangin dito. Imported!"

Tumawa ako sa sinabi niya.

Nagpaalam na siya dahil pupunta sila sa grocery.

"Message ko sa'yo ang number ko. Pag nareceive mo na, text mo ko agad."

"Okay."

I said goodbye.

Paguwi ko sa bahay ng hapon na iyon, nagpalit ako agad ng shorts at sando.

Kinuha ko ang vacuum na nakasabit sa laundry room.

Nilinis ko ang carpet sa kuwarto ko.

Pagkatapos kong mag-vacuum, ang banyo naman ang hinarap ko.

Pagkasuot ng rubber gloves, kinuha ko ang toilet brush at inatake ang toilet bowl na parang ang laki ng kasalanan sa akin.

Hindi naman madumi ang banyo pero gusto kong maglinis.

Gusto kong i-eliminate ang mga imaginary dust bunnies.

Gusto kong pabanguhin ang kapaligiran.

Pagkatapos kong linisin ang banyo, kinuha ko ang air spray at pinaikutan ang apat na sulok hanggang amoy apple and cinnamon ang washroom.

Kung hindi pa ako nakadama ng tapik sa balikat, hindi ako titigil sa pagi-spray.

"Tita, kayo pala?"

Nakatayo siya sa tapat ng banyo.

Malalim ang linya sa noo.

"Okay ka lang ba, hija?"

"Opo naman." Pilit akong ngumiti.

"Ba't ka naglilinis eh kalilinis mo lang kahapon?"

Oo nga pala.

Linggo kahapon.

Pagkagaling sa simbahan, nagvacuum na ako at naglinis na ng banyo.

"Hindi po kasi ako kuntento sa linis na ginawa ko."

Nagsalubong ang mga kilay niya.

Kulang na lang magdikit ang mga ito.

"Mabuti pa, maghugas ka ng kamay at umakyat ka. Dumating si Mercy at may dalang cake. Kumain ka muna."

"Sige po." Tumalikod na si Tita Nena.

Narinig ko ang yabag niya papunta sa kusina.

Nang hindi ko na naulinigan ang tunog ng tsinelas niya, umupo ako sa toilet bowl.

What the hell am I doing?

Daig ko pa ang nakatira ng shabu dahil sa paglilinis na ginawa ko.

Walang kinalaman ang drugs kung bakit ako nagkakaganito.

Maliban sa inom, hindi ako sumubok ng yosi o drugs.

Alam ko kung ano ang reason kung bakit ako naglilinis.

It had everything to do with a girl named Hazel Torres.

Nang sinundo niya ako ng gabing iyon, napasipol si Kuya Edwin ng makita si Hazel.

Siniko ko nga siya dahil nakakahiya naman lalo na at ngayon niya lang makikilala ang family ko.

Baka isipin niya, pinalaki kami na walang manners.

"Pasensiya ka na kay Kuya. Bihira lang kasi iyan makakita ng maganda."