لا يناسبني

عشاء

هديل: الي الشرف طبعا
فعلا دبي فارغة ما بيها شخص يستحق يكون صديق
اغلبهم منفعة شخصية

عصام: بما انج وافقتي اذا كلشي رح يتغير من هاللحظة
هسة تسولفيلي كلشي

ضحكت وعدلت كعدتها
النادل جاب الاكل وبلشو ياكلون ويسولفون

عصام: من شوكت انتي هنا؟؟

هديل: من سنتين

عصام: وليش اجيتي؟؟
شغل لو اثبات ذات

سكتت شوية وبلعت ريكها ورجعت ردت

هديل: هروب

وكعت من ايدة الخاشوكة وظل باهت عليها

عصام: مهزومة من اهلج؟؟

ابتسمت ونزلت راسها

هديل: لا... من الحب

استغرب اكثر وملامحة بعد ما تتفسر اكثر

عصام: الحب؟
بس ما اعتقد يخليج تنزلين راسج

هديل: الوجع.. للاسف يخليك تدفن راسك
مو بس تنزله بس حتى تتخلص من هالشعور

عصام: ما عندي خبرة بالحب.. بس اكدر اكول  انج ما تخطيتي هالشي من انهزمتي  بلعكس شو دا احسة زاد بيج

هديل:صح.. للاسف عفت هواية شغلات ورة ضهري بس حتى انسى وما كدرت

عصام: جانت خيانة؟؟

هزت راسها بلا

هديل:لا... مقامات

عصام: اكيد انتي اقل منه جنتي ولذلك ما تقبلج دوم اسمع بهيج شغلات

هديل: هم لا..

بهت وتراجع ورة وانتجة على ظهر الكرسي

عصام: يعني شنو؟؟

هديل: اني عندي ماجستير بالهندسة المعمارية
وعندي شركة ببغداد اسمها اصداف للهندسة المعمارية تكدر تعتبرها شركة ناحجة وممتدة بكل العراق وهسة اجيت دبي وقدمت على الدكتوراه ودا اشتغل بشركة من انجح الشركات بدبي

عصام: يعني اني هسة كاعد وية مديرة شركة اصداف؟!

هديل: اي..

ظل فاتح حلكة وصافن عليها وهية ضحكت واكلت لكمة وهية تباوع عليه وعلى صدمته

هديل: شبيك؟؟

عصام: تدرين انتي من الاشخاص الي جنت اتمنى اشوفهم ولو مرة وحدة بحياتي
بنية بعمر صغير كلش حققت كل هذا النجاح المفروض يكون الج تمثال
تدرين انتي قدوة لهواية اشخاص وبنات بالذات هنا بدبي

هديل: بس ياريت يقتدون بالرحلة قبل القمة

ضاج كلش تقدم بالكرسي على الطاولة اكثر

عصام: هديل ليش اجيتي؟
ليش ما بقيتي ببغداد والعالم يتمنى يشوفج

هديل: مرات الاماكن شكد ما تكون واسعة تظل ضيقة بنظرك