لا يناسبني

حداد على قلب احب

كملت كلامها وانطت الهدية لسرمد وطلعت
ما تحمل اكثر وكام من مكانه

سيف: رح اروح اشوف جدي.. محتاجين شي؟؟

مصطفى عرف شبي وجلال سوة نفسة ما مفتهم شي
كلها ردت( لا) وهو هم ما صدك طلع ركض ومشى وراها وهو يباوع عليها وشلون تمشي الى ان وصلت يم غرفتهة هية حست اكو احد وراها
بس التفتت حط ايدة على حلكها ولزم اديها حيل وفتح الباب ودخلها للغرفة

سيف: لا تخافين.. هنة كلمتين ونطلع

هزت راسها ووخر ايدة عنها جان متوقع انها خافت
زفرت نفس وحطت اديها على صدرها من الخوف
رفعت راسها مرة ثانية وباوعت علية بحقد
شالت ايدها وصفكته راشدي على خده
حطت سبابتها قريب وجههة وضغطت على اسنانها وعيونها كلها غضب

هديل: اياك مرة ثانية تلمسني
اذا اتريد تحجي وياية ف مو بهلطريقة القذرة
اني مو وحدة من الي تعرفهم
الي يريدني وما عندة شي ينظم يحجي كدام الكل
مو تجرني لغرفتك مثل الحرامية

ظل صافن عليها وميكدر يرد

سيف: ليش اني منو اعرف؟
عمري ما عرفت غيرج ولا شفت وحدة بعيني مثل ما شفتج
هذا جزائي؟؟
هذا جزاء كلبي الي راح وياج؟؟

هديل : ما خليت الي اي حل ثاني..
دومك تجبرني على اشياء اني ما اريد اسويها وياك

سيف: على شنو جبرتج؟؟
شنو الي قصرت بي وياج

هديل: هالحجي ميفيد هسة
خلي يخلص المهر وراها نحجي

رادت تطلع بس وكفها

سيف: اني اسف على الي صار هسة

ما ردت علية بس باوعتلة بنظرة ما كدر يفسرها اذا جانت سامحتة او لا
عافتة وطلعت شافها مصطفى بس ما انتبهت علية مسحت دمعتها ونزلت بسرعة حتى محد يشوفها

طلع رواها سيف باوع يمنة ويسرة جان يشوف مصطفى واكف وحاط ايدة بجيبة
ظل يباوع عليه مثل الخايف وبلع ريكة
تقدم مصطفى علية ودفعة ودخلة للغرفة بقوة وسد الباب

سيف: هاي شبيك تخبلت

مصطفى: انت الي شبيك؟

نزلت هديل جوة وكعدت يم امها وجان الكل يباوع عليها وعلى شكلها الي جان ضايج كلش

سمية: ست هديل طالعة كيكاية

ابتسمت بوججها

هديل: مو بكدج يعمري انتي احلا...

اقترت امها شوية وهمست بأذانها

الام: شبيج.. شو ضايجة ؟

هديل: ماكو شي بس ما لكيت هدية زينب
صارلي ساعة ادور عليها

الام: اني حطيتها بجنطتي ما دورتي هناك؟

هديل: لا ما دورت.. عود من اصعد مرة لخ اجيبها

جذبت على امها ومشت عليها
ورة شوية اجة السيد وعقدلهم وبلشت الهوسات يم الولد بالبستان والبنات اجتمعن وهلاهل وهوسات والمزيقة ما وكفت ابدا وراها شغلو dj

وعادل ما كعد بمكانة كد ما ركص وهوس
والولد هم ويا بس سيف ركص شوية وبعد ما تحرك من مكانة
وكفت هديل بشباك المطبخ تباوع عله حفلة الزلم وصافنة على سيف
اجت هدى وحطت الغراض على السنك ووكفت وراها

هدى: ليش صافنة

اندارت عليها ورة ما فزت وحاولت تخفي اثار الخوف

هديل: لا هيج.. بس عادل ما كعد

ابتسمت وهدى هم ابتسمتلها

هدى: انتي صافنة على عادل لو على غيرة؟

هديل: شنو قصدج

استغربت هديل من كلامها وعلت انفاسها

هدى: انتي تدرين شنو قصدي

هديل: واصلج شي!

هدى: اي.. اعرف كلشي
بس الي اريد اكولة الج.. ترة سيف يحبج هوواية.
لا تخسرين شخص مثلة بسبب عنادج
ترة مستعد يحط الكون كلة بجف وانتي بجف ويمكن يشمر كونة كلة ويحطج بالجفين

عافتها وراحت وهديل ضلت واكفة بمكانها متعرف شنو تسوي وشنو ترد

واستمرت الحفلة اربع ساعات وراها العالم تعشت
وبلشت تقل شوية شوية

٢٠٢٠/٥/٩

البارت بدون تنقيج اعتذر اذ اكو سحك هههه