....لجناح الحريم نساتهاا
ايوا هاحنا وصلنااا
طلعات عود الريحان راسها لقاتو قدام باب كبيييير قدامو عبيد حانين الراس لابسين لبيض
تفتح باب الحريم كانو كايتسمعو صوات البنات هاللي ضحك هاللي تغني هلى تعزف الناي
وقفو حدا الباب خرجات عندهم وصيفة سمرة وغليضة لاوية على راسها شدة مزيراها مكايبان عليها مزاح
شافت فلوصيفة ومنبعد حركات عود الريحان
اللي كانت مخبية وراها
تفتح فمها على جوج مامصدقاش ديك الحورية اللي حداها فاقت من صدمتها ووكضات راسها ورفعات حاجبها شكون هادي وشكون جابها
الوصيفة:شوفي هدي هدية لالة كبيرة للامير راه قرب يوم ميلادو وهدي هي هديتها ليه راه شانو كبير وبحالو خاصو حاجة كبييرة تقد مقامو اولا وهادشي اللي قالت لي لالا كبيرة ونقولو ليك وتبلغيه للسلطانة ديها تشوفها الى بغاتها وقبلات بهديتها راه هداك هو النهار الكبير
الوصيفة التانية:اممم واخا وصية لالة كبيرة وصلات
دارت عند عود الريحان وقالت:سميتك
قالت عود الريحان وراسها للارض: عود الريحان
دوراتها لوخراا تشوف وتعبر ومن زينها تبهض وتقول شفت تاعييت فالزيين ولكن عمرني شفت بحالها ندووور تانعياا فالحرييم مانلقا بحال زينها ولاوحدااا تفوتهاا سلالتها زينة باينا غااتنووض الحرب من مووراهاا
جراتها والوصيفة لوخرا مشات
شداتها من دراعها وقالت :شوفي نتيي زينكك فتنة بين غااع النسا والرجال نصحك نصيحة تبتي لرض ومتنوضي صداع ولا نهايتك تكون بحال مثالك غانديك للسلطانة عرفي كيفاش تقدمي راسك ونوريك تحية السلاطين مني تدخلي تحناي وموراها ركعي ومن بعد نوضي الى قالت ليك اجي سيري وبوسي توبها وبعدي من بعد كلسي فهمتيي
عود الريحان هادشي فاهماه وحافضاه من ديما باها كايوريها ويعلمهاا فكاع الاشيااء حتى فالسياسة لبلاد عارفااها وسبحان الله اي حاجة تعلماتها كاتقنها وتبدع فيها
حركات راسها عود الريحان وتمو داخلين للمحرم
كان بحال شي قبة وااسعة وكبيرة سقفها عالي منقووش بالحرووف العربية وفوصطها ترية مدليية حيوطحا مزلجيين بالزليج لبلديي متقوون
دخلات عود الريحان كاتمشى بحال خطاوي الاميرات اللي شافها يحلف عليها حتى سلطانة من السلطانات
كولشي وقف مبهووض شي عجباتو ودخلات لخاطرو وشي حسدها على زينها واخا معارف شكون هي ومنين اصلها وفصلها
كتمشى بخطاوي تابتة مرزنة كاتشوف جهة الوصيفة وتابعاها تقتها فراسها مشجعاها وزينها زاد شجعها
هادي هي عود الريحان كتاخد من كل حاجة بسيطة نقطة قوة ليها وماتخليش راسها بهيمة فوسط الدياب ماحدها دخلات لهاد الحرب واخا مادارت لابديها لبسنيها
خاصها تحمل المسؤولية وتحارب واخا ماعارفاش شنو تابعها ولكن باقي كلام الشريفة كايدور فراسها ومانسات حتى حرف من ياللي قالتو
وصلو لجناح السلطانة كان باب كبير مفتوح داخلو كان بيت كبيير مزلج ومفرووش بالزرابي كالسين فيه سلطانات والاميرات مع السلطانة الكبيرة رحمة
ايوا مشات الوصيفة عند واحد من العبيد اللي حارسين الباب وقالتلو يقولها باللي راه كاينا حدا الباب ويسمح ليها تدخل
داكشي اللي دار
مني جا قاليها دخلي
تبسمات عود الريحان وقالت دابا غاتبين اللي علمها باهاا
جراتها الوصيفة ودخلات معاها كانت حانية الرااس حتى دخلات الوصيفة وقالت لالة السلطانة الكبيرة جيت وجبت ليك معيا خبيرة
السلطانة وهي كاتشوف فعود الريحان اللي مبايناش مزيان :خير انشاء الله
الوصيفة:لالة كبيرة سيفطات ليك جارية هدية لمولاي الامير
وجرات عود الريحان
عود الريحان باقا حانيا الراس ماهزاتوش تحنات شوية وهزات قفطانها جيهة ليمن طلعاتو شوية ومن بعد وقفات وطلعات راسها مبتاسمة بكل ثقة
كولشي تصدم لا من الاميرات ولا السلطانات
السلطانة:كولشي اخرج ونتي اجي
حناو ريوسهوم وتمو خارجين وهي تحنات وحنات راسها معاه حتى خرجو كاملين وتقدمات عند السلطانة الكبيرة وباست ليها توبها ورجعات اللور وكلسات حانية الرااس
السلطانة:هزي راسك ابنتي
هزاتو وبقات كاتشووف فيها حتى نطقات:ماشاء الله تبارك الله
تبسمات عود الريحان بخجل
السلطانة:شنو سميتك
نطقات وريدتنا:عود الريحان الالة
نطقات الوصيفة:هادي هي هديت لالة كبيرة قاتليك كاتمنى تليق بمقامكم وتقبلوها فجناح الحريم والى قبلتوها هداك هو النهار الكبير
تبسمات السلطانة:تليق تليق .. اجي اجي
مشات الوصيفة كاتجري هزات السلطانة خاتم من يديها وعطاتو ليها :هدا ليك وكبيرة هديتها عندي
الوصيفة:الله اخلف عليهك الالة السلطانة الكبيرة لهلا يحرمنا منك
السلطانة:يالله سيري وخليني معاها
مشات الوصيفة وخلاتهم الراس فالراس
ايوا الالياتي كلسات عود الريحان مع السلطانة خبيرة تديهم وخبيرة تجيبهم لقات راسها عامر وعندها ماتقول عجبها الحاال وداااز الوقت وامحسات بيه معاها
حتى نطقات السلطانة :راسك عامر ابنتي عجبتيني وراني من اليوم دايراك بحال بناتي سيري دابا لجناح الحرييم ونشاء الله تكوني من عريسات ولدي
هزات خاتم من يديها وعطاتو ليها
السلطانة:هاكي هذا خودييه هدية لييك وافرحيني وفرحي ليا..
YOU ARE READING
ابتسمي لعل الحرب تخجل
Short Storyعلات راسها وشافت فيه وقالت بكل حقد وكراهية: ههه لهضرة للسارية والمعنى للجارية ،،، تعدبت بزااف باش نوصل لمقامك امولاي هههه،،، ودابا جا الحق ونوبتي وصلات فسمحلي حيت انا مغانرحم حد كيما مارحمني حد والبادئ اظلم ...
