غير سير كمل شغالك راه تابعك شلا خدامي
عود الريحان:شكون نتي
هنية:انا غير بغيت نعاونك شوفي هاكيفاش كايدورو الحريرة
وبدات توريها تاتعلمات
عود الريحان:شكرا ربي يخليك ..شنو سميتك بعدا
هنية:انا هنية الالة
عود الريحان: هنية فكرتينيي فهنية اللي كانت فدار با
هنية:نعام الالة
عود الريحان:والو ههه ،،ولكن علاش عاونتيني
هنية:جيتيني ضريفة ونية وكلهم حاسدينك راه ماشاء الله ملاك فوق الارض .. واصلا راه كل جارية كاتكون عندها جوج وصيفات تابعين ليها وانا كلفاتني السلطانة ليك نتي سولت عليك قالولي نتي وجيت عندك نعونك
عود الريحان:ربي يخليك فرحتيني بهاد الخبار
هنية:ولكن راه بغاتك لالة السلطانة تكون ليلتك قريبة مورا ماتقاضي ليك حق الشهر
تغبنات وتعبسات ومشات كاتنفخ ماشايفا حد قدامها خلاتهم ودازت حتى تساطحات مع شي حيط
رفعات راسها لقاتو راجل باينا عليه الهمة والشان ولباسو مختالف على لباس الحرس والعبيد تخطاتو ودازت حتى وقفها بكلامو : معلموكش تحني الراس لسيادك
عود الريحان: انا ماعندي سياد من غير مولاي الامير
قرب عندها مبسم :هاد العينين وهاد الشعر كلو للمعتصم بالله مكفاهش جناح الحريم كلو
صرفقاتو عود الريحان حتى تعصب هز يدو للسمى ونزل عليها بطرشة للحنك مكفاهش داكشي اللي دار وامر لجنود يقطعو راسها :الليلة لقا راسها عندي فجناحي مشا فحالو وهزوها الحرس وهي بقات مصدومة وكاتبكي عمر شي حد قلل حياها وزاد من الفوق ضربها
عود الريحان فخاطرها: اه اعود الريحان كيف كنتي فدار باك مهزوزة ومرفوعة اللي بغيتيها تحضر وكيولتي دابا مدلولة بحال العبيد وكتر
وقفات عليهم الشريفة ووصيفاتها
الشريفة: وقفو .. مولاي الامير قالكم حكموها
حناو الريوس حتى قال واحد فيهم: مولاي الامير راضي امر راسها يكون فجناحو الليلة
الشريفة: نسا مولاي الامير هو اللي يحكم عليها حتى واحد ما من حقو يتدخل فيها..رجعو منين جيتو
طلقوها وحناو الراس ومشاو
شدوها الوصيفات
الشريفة:شنو درتي حتى طلب راسك ؟؟
عود الريحان: ماحنيتش الراس ليه وماعارفاش شكون هو اصلا
الشريفة:الامير راضي ولد عم مولاي الامير وولي العهد المعتصم بالله من واجبك تحني ليه الراس
عود الريحان: هو عرف باللي انا من نسا الامير ولكن قلل لحيا معايا اهئ اهئ وانا انا صرفقتوو وحتى هو ضربي وامر يقطعو راسي ولكن انا غير دافعت على راسي
الشريفة: نشوفو الى بقا راسك من هنا لغدا ..دوها لجناح الحريم
....
هزو عود الريحان فجناح الحريم حطوها..
وتما حلفو عليها.. ومن الخروج منعوها ..
مشا الامير مولاي راضي هاز راسو يديه اللور .. دخل لجناح كبير واقفين على بيبانو عبيد
وقبل مايدخل شي امير من الامراء كايقولها عبد من دوك العبيد بصوت عالي اما مني كايدخل السلطان كايتنفر نفار بلا مينطقو ....
العبد:مولاي الامييييير راضي
دخل مع الباب عند اميرة جالسة وناشرة توبها عليها من اغلى الحلي مزين راسها وعنقها ...مرى كبيرة مغطي شعرها توب طويل ..شافتو وتبسمات ليه فوجهو
حنى راسو ليه وباس يديها
الامير راضي: الميمة الى جات على خاطرك ليوما بغيت لالة ياقوت قبل مايتنصص الليل
قالت لالة مريم جداتهم كاملين وام السلطان :جاتك اولدي
.....
دخلات لالة ياقوت لجناح مولاي راضي ضايرين بيها الوصيفات
خرجو الوصيفات وتحنات للامير وقفاا شدها بديه مقاداه فرحة باس جبهتها وداها لجيهت فراشو حتى بغا يتكا عليها وهو يتسمع نفاار كبير
وقف غضبان ومشى جيهت الباب وقف وحل الباب لقى الوصيفات واقفين باش ارجعو لالة ياقوت
راضي:اش كاين
الوصيفة: مكاينة ليلة امولاي
راضي:ياك ليوما الخميس وراه الامير ولي العهد دخل عروستو لهاد الليلة
الوصيفة:العروسة خرجات من جناح الامير ولي العهد اسيدي وقالك الليلة مكاينة دخلة امولاي
دخل غضبان حتى بغا يقول بسم الله وتحرمات عليه
مشات لالة ياقوت وهي وجهها منفوخ بالبكا
واقف فبيتو غادي جاي باينا فيه معصب صدرو عريان كايتنفس بالجهد لابس توب من الحرير حمر طويل وبلغتو فدراعو ليمن وشام التاج وعلى رقبتو سمية المعتصم بالله بالخط العربي الاصيل بين كتافو
دخلات الشريفة عندو كاتجري حلو لها الباب
حانية الراس كاترجف
دار عندها مكشكش وقال: قلت الطيييييير اللي كايغرد .....ماشي ببغاء عليا يترععععععد
نزلات راسها مابقات هدرات
دور راسو كايتنهد حتى برد
الامير: كاتعرفي راسك عزيزة وغاندير بوجه الترابي ..هادي اللخرة
الشريفة: بيدي نقيها ليك ونجبيها حتى لبين يديك
الامير: جيبي ليا مراية السيف دابا ماشي الطير اللي كايغرد
هزات راسها فيه معجبة
!!الشريفة: مراية السيف
الامير: حتى هي معرفتيهاش
الشريفة: اا ماعرفتهااش
الامير: اووف ... مهم سير الجناح الحريم كوليهم البنت اللي كانت معايا فساحة القتال والى معرفها حد امارتها بالعنين
الشريفة: عود الريحان اممم زينها فتنة بين كل ذكر ونتوى مراية السييف امم
هبطات راسها وخرجات
الامير:امم زينها فتنة بين كل ذكر ونتوى اش قصدات بيها الشريفة ....عود الريحان هادي هي سميتها (بتاسم) زوينة
YOU ARE READING
ابتسمي لعل الحرب تخجل
Short Storyعلات راسها وشافت فيه وقالت بكل حقد وكراهية: ههه لهضرة للسارية والمعنى للجارية ،،، تعدبت بزااف باش نوصل لمقامك امولاي هههه،،، ودابا جا الحق ونوبتي وصلات فسمحلي حيت انا مغانرحم حد كيما مارحمني حد والبادئ اظلم ...
