فجناح السلطانة رحمة كان واقف بهيبتو مخنزر
المير: شنو واقع تاني
لالة رحمة: ماواقع والو ؟! مالك اشواقع بسلامة ومالك مخنزر
المير: قالو لي بلي ياقوت هزاات عليك سوطها وسط مجمع النسا هاد الهدرة كاينة!!
لالة رحمة: ههه الله وصلاتك خباري
المير: هي هاد الهدرة كاينة
لالة رحمة: تكون ولا ماتكونش هاديك الى مازكاتش غانربيها بيدي الى مكانتش مربية
المير: الى بغيتي لغي الخطبة انا معاك وماعندي ماندير بمرا تهز الصوت على مي
مشا وخلاها مبسمة وهازة حاجبها منتاصرة
////////////////////////////////////////////////////////////////
فبلاصة وخرا وفجناح من جناحات القصر كايطل على الجهة الشرقية كانو كالسين بجوجاات عقروشات مسميمات
لالة نجمة: واش حماقيتي ياهاد البنت تهزي الصوت على السلطانة
لالة ياقوت: هم مابقاتش امي السلطانة انا هي السلطانة ودابا انا اللي ولا كولشي يدير ليا الحساب اما هي صافي ساعتها سالات
لالة نجمة: تبتي لارض ياهاد البنت واه كيفما خطراتك تختار غيرك ونتي مزال ماسخنتي بلاصتك وبديتي تنقزي وتبيني عودك
لالة ياقوت : هههه ماعندها مادير ماحد سيدي المير المعتصم بالله بغاني وماتقدر تفسخ خطبتي غير الى هو بغى واما ديك العودة الدميمة اللي دايرا عند راسها ملاك فوق الارض بغات تديه ليا وبشوية بشوية بغات توصل لمقامنا ولكن ماتقدرش تاخد ليا اميري حيت هو ليا وانا ليه من بعد ماسمعت خبار هاديك اللي ماتت كانت اكثر حاجة نسمعا تفرحني والى ماتت هادي غاتكون ثاني اكثر حاجة غاتفرحني ..يااك امي امم تعاونيني
لالة نجمة: ابنتي الله ماكفانا داك السحور اللي شربناه لمولاي السلطان باش اختارك وتحلاليليه فوجهو باش اختارك والسم اللي عطيناه باش اموت ودغيا المير اشد الحكام باش تانتي تشديه معاك الى مشينا تازدنا درنا شي حاجة وخرى غايبداو اشكو فينا
لالة ياقوت: عافاك امي هاذي اخر حاجة عرفتيي الى مشينا تاقتلناها كاع البييان غايتفتحو قدامنا وزيد عليها راه بحال والو ارجعها لجناح الحريم وكولشي خايف على بلاصتو منها وعندي بنت من الحريم هي اللي غاتعاونا وتاحد مايشك فينا شنو بان ليك
لالة نجمة: اووف ابنتيي اووف منك
مشات وخلاتها ولالة ياقوت ضحكات ضحكة شرييرة حيت حطات الورقة الرابحة وعرفات راسها منتاصرة
كان المير عند الشريفة كالس مركز معاها ومع كلامها
الشريفة: ايوا اولدي ماخلط الجواهر بالرز لاينقبو الدجاج
واللبن والزبدة كانو خواتات مايفرقهم غير العيالات
واللي يفوح بالقوة يموت بالضعف وقالولك جيت نبيع الحنة وكترو الاحزان .. الفرح باينة ربي مابغاه يتقام هاد ليام
المير: كيفاش زعما نلغي الخطبة
الشريفة: لا ولكن العرس خصو الوقت مازال
المير: نشاء الله اكون خير
مشا المير وخلاها ....
الشريفة: شنو نقوليهم ياربي تعاوني واش نقولها والى كنت غلطانة والى دابا قولتها راه اقطعو راسي حيت عرفت من زمان وماقبتها لحد ..... واقيلا نسكت وليام هي اللي غاتورينا المكتوب
//////////////////////////////////////////////////////////////
فجناح السلطانة كانت كالسة لالة رحمة حتى دخل عليها مصطفى
مصطفى: مولاتي الحبيبة
لالة رحمة: ماموالفاش ليك تحي جوج مرات عندي فالنهار!!
مصطفى: هاد المرك ماشي زيارك ولكن باغي نطلبك طليبة
لالة رحمة: خير انشاء الله
مصطفى: خير خير غيير وكان جيت باش نطلب يد عود الريحان من عندك امولاتي الى كنت تبغي
لالة رحمة: وشنو عجبك فيها ياك ميكون زينها فتنك اولدي الزين رايح وكايذبل
مصطفى: لا ماشي غير زينها ولكن ثباتها وعقلها الرزين وميف كاتعامل مع الناس وقلبها لحنين .. الى خطبتيها ليا امي كانواعدك غانبقا فلقصر ومغانخرج منو
لالة رحمة: حتى انا بغيتها تكون من سلالتنا ومايكون غير خاطرك ليوم نطلبها ليك واسير خبر باك
مصطفى: هه هي اللولة .. خليت لييك الراحة
//////////////////////////////////////////////////////////
داز الليل وصبح صباح جات عود الريحان كيف عادتها لعند سلطانتها توجد ليها كسوتها وماكلتها وتفيقها تصلي لفجر وتفطر
ايوا مني سالات كلساتها لالة رحمة
لالة رحمة: عود الريحان كلسي ابنتي عندي ليك خبار
عود الريحان: خبار الخير
كلسات حداها مصنتة مبسمة
لالة رحمة: ايوا ابنتي ليوما جيتك راغباك طالباك لولدي مصطفى اش قلتي ،،، راني دايراك بحال بنتي وبغيتك تولي بنتي دابا شنو بان ليك
عود الريحان تصرفقات حدرات الراس وسكتات عارفة راسها ماتقدرش ترفض طلب لسلطانتها وماتقدرش توافق على هذا ولكن ماعندها غير تسكت واللي فهماتها لالة رحمة هاداك هو جوابها
لالة رحم: ايوا ابنتي كايقولو السكوت علامة الرضى
يدوز عرس المعتصم ونخطبوكم دابا راه هدرنا فيك وحتى السلطان قبل عليك ودابا غاتولي الاميرة الصغيرة مرت المير الصغير ومكاين اللي غايحط من مقامك
عود الريحان: لهلا يخطيك علينا امولاتي .. سلطانتي غادي نطلبك طليبة .. خاصني ضروري نخرج ليوما لمدينة
لالة رحمة: علاش؟؟ واش عندك شي حد
عود الريحان: لا لا كيما قلت ليك راني يتيمة غير خاصني نمشي نشوف واحد المرا كانت هي اللي طهلات فيا وبغيت نرجع ليها احسانها ليوم قبل غدا
لالة رحمة: صافي غانوصي لجنود اوصلوك تال رحبتها ودي معاك صندوق من المخزن فيه الفضة وعطيه ليها
عود الريحان: لا بلاش بلا مانعدبكوم مابغاهاش تشوفني هكاك ويسحاب ليها ماعفت شنو باغا نكلس معاها فراحتي
لالة رحمة: ايوا ردي البال راسك راك مابقيتيش وصيفة وليتي مخطوبة للامير مصطفى امير مدينة السلطان وقبايل وردة القصور
عود الريحان: ماتخفيش عليا دعي معيا وكولشي ايكون بيخير الله اعاونك خليت ليك الراحة
______________________________________________
YOU ARE READING
ابتسمي لعل الحرب تخجل
Short Storyعلات راسها وشافت فيه وقالت بكل حقد وكراهية: ههه لهضرة للسارية والمعنى للجارية ،،، تعدبت بزااف باش نوصل لمقامك امولاي هههه،،، ودابا جا الحق ونوبتي وصلات فسمحلي حيت انا مغانرحم حد كيما مارحمني حد والبادئ اظلم ...
