ابتسمي لعل الحرب تخجل

11

تفكرات الشريفة باللي عود الريحان ضربات الامير راضي والامير ولي العهد اللي خاصو يرمي حكامو عليها
صدقات رجعات لجناحو وعاودات ليه كولشي ..قاليهم سيفطوها لساحة القتال
ايوا اسيادي وجدوها وجهزوها
وعود الريحان ماعرفات واش بغاها تقاتل معاه ولا يقطع راسها ولكن حلفات لاسكتات على حقها

داوها حتى لجناح الامير ووقفو فالباب
ناض واحد من العبيد وقالهم:مولاي لمير فالساحة كايتسناك
وصلو للساحة كولشي حنا الراس الا هي خرجات عينيها كان عريان من الفوق لابس سروال مفضفض حريري فالازرق ملكي وعلى يدو سيف كايلعب بيه
طلع يديه التانية وقال: كولشي يغبر مابغيت نشوف حد كايدور هنا
مشى كولشي بقاو غير هما الراس الراس
كانت لابسة لبسة القتال ودايرة خمار على وجهها كايبانو غير عينيها اللي فيهم حار
عطاها السيف ومشى خدا وحد اخر
الامير:حيدييه
عود الريحان:؟؟؟
الامير:النقاب حيديه على وجهك
عود الريحان: وعلاش؟
الامير:(رفع حاجب وهبط حاجب مع تبسيمة مجنبة على وجهو) كاتجاوبي معايا
بلعات ريقها وقالت
عود الريحان: حاشا امولاي ولكن غير سولت حيت مولفة كنقاتل هكا فيه كارتاح
الامير: واخا الالة  ...نبداو؟
عود الريحان: مرحبا
دغيا باغتها وهجم عليها كون ممالت بضهرها اللور حتى تقوس كون الله ارحمها
بداو اهاجموا مع بعضهم مرة السيف يكون لفوق مرة لتحت مرة الجنب
جاتها خدمتو قصاحت عليها بزاف ماشي هاكا كان فاول مرة تقاتل معاه تبسم للجنب كانو قرا فاش كاتفكر
قال الامير: ماقنعتي براسك جارية ولا وصيفة ايوا وجدي راسك لحرب السيوفة
هجم عليها وتزير عليها الشغل كتر من المرة لولة وحسات براسها ضعيفة ..ماحسات حتى جاتها ضربة طيحات ليها السيف دغيا ضور ليها يديها وحط سيفو على رقبتها
الامير: شكون اللي ربح دابا انا ولا نتي ..شرط ليها عنقها من فوق اللحاف اللي مدورة على راسها حتى بان الدم خارج كايقطر
عود الريحان: ااه...نتا نتا
الامير: نقطع رقبتك على اللي درتي ولا
عود الريحان: شنوو
الامير: اللي درتي فالامير راضي يستاهل يتقطع راسك عود الريحان: علاش حيت هو امير وانا غير جارية .. هو اللول قلل لحيا عليا وانا دافعت على شرفي عرفني واش من حريمك وقلل الحيا عليا اهئ اهئ اش بغيتبني ندير نضحك ليه
الامير: طلقها بصدمة وجرها بجهد وغوت: شافك قبل مني وقلل حياه عليك واخا عارفك من حريمي واش عرفتي اش كاتقولي الى كدبتي نقطع راسك اا وفينهو الدليل ااا
عود الريحان شافت عروقو خرجين واول مرة تشوفو  معصب بحال هاكا تخلعات
عود الريحان: اهئ اهئ جنودو هوما اللي سمعونا اهئ
الامير : عمرو تجرا يدير هاكا ومحتارمني وكايخاف مني شكون نتي فملك الله حتى يدير هكا عليك اااا جاوبييييي
قلع ليها الخمار بجهد حتى تطلق ليها شعر على طولو وبان وجهها الملائكي سبحان الله
تصدم وتصعق ماعرف باش تبلا 
دابا عاد عرف علاش واخا الراجل يكونو عندو كاع نسا الدنيا مايبانوش قدامها لا لا هادي ملاك ماشي انس دابا عاد بانو ملامحها
قرب ليها ببطئ وهي تخلعات وكحازت لور
الامير( بصوت خافت): ششش ماتخافيش قربي مغاندير ليك والو
قربات لعندو بصدمة ماعرفات باش تبلات
تغيرو المفاجئ ونبرت صوتو الحنينة تلفاتها
حط يدو عليها بحنان كايتمعن فملامحها او بالاحرى كايتاكد واش هادي اللي حداه انس ولا ملاك
مالقاش جوااب من غير يهرب يديه ويمشي
الامير: تبعيني
تبعاتو ومشاو نيشان لجناحو 
وصلو دغيا مشا لبس عليه لفوق وبقا غادي وجاي عليها وهي واقفة
حتى وقف وجلسها هي فوق مخيدة كبييرة وجلس فوحدة وخرى مقابلة معاها
نطق الامير: شكون اللي شافك من الرجال غير الامير راضي
عود الريحان مافهمات والو ولكن جاوبات: حتا واحد من غيرو ..ااه والعبيد وشي جنود والطباخ اللي فلكشينة
الامير : اوف اوف واخا ..نسا الحريم مادارو ليك والو ياك
تنهدات بحزن عود الريحان: حتى وحدة مكاتحملني ومكانهدر مع حتى وحدة ولكن السلطانة عزيزة عليها ومرة مرة كانمشي عندها نجمع معاها مللي كاتعيط عليا والشريفة حتى هي
الامير: واخا خليك هنا انمشي نقاد شي امور وغانوصيهم يجيبوليك شي حاجة تاكليها ماتخرجيش من هنا حتى نجي
عود الريحان: حدرات راسها فرحانة حيت تبدل معاها وولا حنين ..واخااا
مشا وقلبو قابط عليه مازال ماستوعب بللي شافوها شلا رجالة من غيرو وقبل منو باقي متسرطاتش ليه مشا غضبان حتى وصل لوحد القاعة ودخل امرهم يجيبو جنود الامير راضي ...
............
عود الريحان عيات ماتسنا وملات مالقات مادير وبدات تسارا فالجناح حتى لقات راسها فبيتو بدات تقيس هادي وهادي حتى لقات واحد الصندوق مفتوح وفيه شربيلها اللي طاح ليها فلوااد هزاتو وقالت: شربيليي اش كايدير هنااا ...دق لباب وحطاتو بزربة ومشات لقاتهم كايحطو فلماكلة كان نيت فيها لموت دجوع ماكلات والو من الصباح
طاحت عليها عمية
..................       ..................       ................
الامير: كتليك علاش قللتي عليها لحيا.........
راضي: والله امولاي ماقللت هي اللي تجرات ومبغات