بداية جديدة ————
بداية جديدة قررها كل من عود الريحان وابوها صلاح الدين
طموحات جديدة واهداف جديدة غير الاول كايهدف للسلطة والثاني باش ابعد عليها
_______فقصر السلطان_______
الامير المعتصم بالله كان كالس فالمجمع مابيه ماعليه
حتى جا مرسول ..وصل لكلسة مولاي المير وتحنى ليه عند رجليه مد يديه وحنى الراس
المرسول: مولاي جيت وجبت معايا برية من دار التاجر الكبيرة
الامير:كيفاش ،،،، علاش هوما مجايينش ؟!!
المرسول: مشينا امولاي ومالقينا حد من غير هاد البرية ،،، الدار خوات تقول عمرها تسكنات ، ،، سولنا الناس اللي كاينين تم ، على ماشافت عينيهم وسمعت ودنيهم بللي تاجر لكبير هز رحيلو وغبر ماعرفو فين مشا ولا لفين صد
الامير: كيفاااااااش ، اش كاتسنااو جمعو الجنود ولحقو عليهم لحدود ، منين هازين الرحيل غاتكون مشيتهم ثقيلة لحقو عليهم وجيبوهم ليا كيف ما كانت الحيلة
المرسول مخلوع وباقي حاني لسيدو: واخا امولاي ولكن شنو ندير بهاد البرية
الامير: ارى لهنا وسير ،،تحركووو
عطاه البرية ومشا المرسول حرك جنودو وركبو لخيول
على الله الحقو عليهم قبل ماتقطع رقابيهم من غضب لمير
————————-
شد الامير البرية وفتها بنفرة وبدا يقرا بيعينه لي كانت مليانة غضب ،،،،،ايوا بدا يقرا ويستغرب
الامير: الى الامير المعتصم بالله سلطان المستقبل العظيم وامرينا الرحيم ، انا صلاح الدين ، امير الشعب والتاجر الكبير ، ابلغك رسالتي عن رحيلي ، بعدما وجدت جثة ابنتي في الواد ، وحزنا عليها أنا صلاح الدين ذهبت بجثتها تاركا لكم هذه البلاد وسلطنتكم ..فكفوا عن التباهي بها ، واحذروا فالحرب آتية بدل ان تتحاربوا بينكم فلتوحدوا قواكم ،فالأعداء القادمون اقوى وانثى برضيع فيها ، كتبت لك وصيتي الأخيرة، فخذ بها ولا تنساها ولو مرت السنين.
صلاح الدين .
هز الأمير عينيه حاير معارف راسو من ساسو ايوا هو فهم المقصود ولكن للي خلاه حاير هو المرا اللي ولدات فلحرب واصلا اش جاب شي مرا لحرب ،، هو عارف مزيان سلالة صلاح الدين ومغاديش اكذب وكاع رؤياه كاتصدق ولو مرت سنين ،،
واخيرا قرر يمشي يتشاور مع باه وخا الى عرف غايتصدم وكاع بنتو اللي هربات عليه وخلاتو بلاما حتى تودعو
__________فجناح السلطان_______
تسمع النفار وصووت غلييض وقوي
الأمييييير المعتصم بالله يدخل جناح السلطان
كانو سلطانات وبعض الاميرات سمعو نفار ،،كولهوم ناضو واقفين محميين راس لولي العهد سلطان المستقبل العظيم
من غير مو اللي كانت كالسة حدا باه كاتشوفيه بحزن
مشا عندها وقبل ليها يديها وراسها
تبسمات ليه بحزن وناضت باش اكلس هو فبلاصتها اشوف باه اللي مريض وغير مكاتزاد حالتو للاسوء
الامير: مولاي سلطان عندي ليك خبار ،،،،،،نهدرو بوحدنا
شاف فيه السلطان بشوية فهم قصدو وشير بيديه
باش كولشي اخرج ،،،،،،،داكشي للي دارو نيت
جات السلطانة الكبيرة راضية مراة السلطان: ياك لباس شنو كاين
السلطان:تكلم اولدي راه كولشي خرج
تافف الامير بأسف : صلاح الدين هرب وخلا وراه وصية
السلطان:كي كي كيفاااااش!!!!
السلطانة: اوييييليي
الامير عاود ليهم كولشي من لول تالخر وحتى شنو المكتوب فالبرية
السلطانة: الله ياربي الله بنتي مشات وخلاتني اهئ اهئ ماقالت ليا والو ،ماودعاتني ماباستني ،،،الله ياربي اشهاد السخط اللي طاح علينا،، حتى سلالة عود الريحان مشااات ووصية السلطان لقمان الله ارحمو مابقى عندها معنى لبنت ماتت الله ارحمها
السلطان: همممم زعما تكون ماتت ولا غير خباها وهرب
الامير: مكانضنش بلي خباها ماعندو لاش يديرها ولكن من هو هرب يا اما ماتت وخاف حتى هو اتعدم داكشي علاش هرب بروحو ولا مالقاهاش وكدب علينا
السلطان: الحفيد خاصو اجي منها ولكن الى مات قبل ماتجيبو هادشي مايمكنش تدخل في وصاية السلطان الله ارحمو ونتا اللي غاتحكم خصنا نجهزو يوم توج براسك سلطان وخصنا نديرو لعلام فكاع المدينة باش مانخليو لعديان فين اتحركو
الامير: واخا امولاي
السلطانة: دابا خصنا نشوفو شي سلالة زينة باش تزوج بالمعتصم بالله ولكن فين غالقاو بحال عود الريحان كل قطرة من. مها كانت تساوي قنطار دهب ،، ياربي تصبرني
السلطان: غادي نقلبو على سلالة اللي تناسب سلالتنا قلبو كاع المدينة وقبايلنا ،، والى مالقيتوش..نمشيو نشوفو فبلاد خرى من غيرنا
السلطانة: شنووو باغي تدخل غريبة علينا لا والله لا كانت يا اما منا ولا بلاش المهم سلالة زينة اللي يناسب سلالتنا
خصنا نسربيو باش نعلنو الخطبة وزواج يتم ونجيبو لحفيد اللي غادي اكبر بسلالتنا واشد لحكام من بعدنا
الامير: اكون خيير
السلطان: الامراء غضبانين من حكامي وقالك خاصو اطبطل
السلطانة: اشمن حكام امولاي
السلطان: حكام تحريم الدخلة حتى يدخل الامير على عروستو ، قالك ماعجبهم حال ، وهوما عارفيني بلي درت هادشي باش مايجي حفيد قبل من حفيدي ولد المعتصم بالله باش هو اللي يخد العرش من موراه
الامير: عارف امولاي مكاتدير حكام حتى تعرف علاش درتيه
السلطانة: كاينة جارية جديدة زينها فتان وسلالتها باينة زينة نزوجوها ليه
السلطان: جارية ، اش كاتقولي ياهاد المراة واش عارفة اش كاتخرجي من فمك
السلطانة: انا غي قلت ولكن راك ماشفتيهاش تشوفها تبهر ماتعرفها واش هي انس ولا ملاك
الامير: مي مقامي مايليق بجارية واصلا كاع الجاريات ماعندهم لا اصل لا فصل باش عرفتي سلالتها واش زينة الى كان غير على الزين ،،راه مادايم وغايجي موراه الشيب ،، الجاريات ، ماقاريات مامتقفات ، معارفين فلحكام ولا سياسة ، انا بغيت المراة تكون قادة توجهني فاش نضيع وتحمي ضهري فاش يكترو العديان ماشي تتخبا ورايا مني يكترو العديان ولا تقلب عليا ومانعرف وجهها من وجه الذيب فاش ايفيدني زينها اا
السلطانة: مول التاج وكايحتاج
السلطان: سكتييي ياهاد المرا سكتي لسانك سليط خاصو يتقطع
الامير: صافي ابا
السلطانة:وراه بصح نتا مول التاج والهمة والشان ،، المرا ماعليها غير تولد لك وتوجد لك ماكلتك ، وتكون ديما فخدمتك اش غايفهمها لشي سياسة مالي يانا عمري دخلت فشؤون البلاد
الامير: وشكون منغيرك هاز هاد القصر اسلطانتي امم شكون غايخلف عليك من غير وحدة قادة وقدود اما جارية ماعندها مادير غير تشعل الفتنة بين نسا والحريم من غيرتها وشوقها للسلطة
السلطانة: ايوا ماعرت اولدي وعلاه ديك بنت ختك كانت غاتهز هادشي كاع وهي اللي عمرها خرجات وهاهي كي البهلة هربات الحمدالله مازوجاناها ليك اولدي
السلطان: فلوصاية مكتوب خود البنات من صدور العمات هي بوحدها اللي بنت عمتك وزيد عليها هي اللي فلوصاية خصها تحكم
الامير: شنووو
السلطان: اييه امايصحاب ليك درت انا هادشي غير هكاك كون ماخبيت لوصاية وخليتها تكون مراتك ونخطبها ليك من صغرك كانت هي اللي اتاخد الحكام
الامير: با واش عارف اش كاتقول راه مايمكنش عمر شي مرا هزات حكام شي بلاد واش بغانا جدي نكونو ضحكة بين كاع القبايل والبلدان
السلطانة:و ول ولكن راها وصاية عمي لقمان الله ارحمو وهداك حقها
السلطان: هي ماتت دابا سدوو علينا هادشي ايواا باش نحلوه غادي تاخد بنت عمك هي اللي تبصبر على همك
الامير: اينا وحدة فيهم
السلطان: وشكون تكون من غير عود الند حكيمة ورزينة وحتى فالزين راه زييينة
الامير: ماعنديش موشكيل
السلطانة: نمشي نخطبها ليوم من عند مها وباها ...
____________________________________________
YOU ARE READING
ابتسمي لعل الحرب تخجل
Short Storyعلات راسها وشافت فيه وقالت بكل حقد وكراهية: ههه لهضرة للسارية والمعنى للجارية ،،، تعدبت بزااف باش نوصل لمقامك امولاي هههه،،، ودابا جا الحق ونوبتي وصلات فسمحلي حيت انا مغانرحم حد كيما مارحمني حد والبادئ اظلم ...
