بعد مرور شهر
كانت عود الريحان برات وكتاب ليها عمر جديد ولات وصيفة الاولى للسلطانة ولات دابا هي اللي تآمر وتناهي
وتوقف هلى الحاجة ديال القصر بيديها دغيا ولفوها خدم القصر وخفة يديها والمسؤولية اللي قدات عليها وعلى ناس القصر ولات تدور الحكاية وسميت عود الريحات على فم كل واحد ،، عود الريحان دارت وعود الريحان فعلات ،،، ايوا بقا الحال حتى ولات عزيزة وتعرفات على خدم القصر ووصيفاتو
فاقت صباح بكري مع الفجر..صلالت صلالتهاا كيما موالفة وراحت لعند السلطانة فيقاتها من نعاسها
عوناتها فلباسها ومشطات ليها شعرها
السلطانة: الله يرضي عليك ابنتي من نهار وليتي ابخري ليا هاد العشوب لشعري ولا زين وقوا ماشي بحال اللول كان ديما يطيح ومايخليني نتهنا ونقول راني شرفت ومولاي مايبقا يشوف فيا
عود الريحان: لا ...سلطانتي باقا صغيرة وزويونة وفشهامتها مكاين بحالها يتضرب بيه المثال فكاع القصر وبلاد السلطان كولها
السلطانة: ههه لهلا يخطيك عليا يالله زيدي ليوما رشقات ليا نفطر فجنينة وبغيت نسمع لطربك اللي قالو لي عليه الوصيفات
عود الريحان: هي اللولة الالة
مشاو لجناين وكلسات السلطانة مع باقي الوصيفات كاتفطر
وبدات عود الريحان تغني وتلحن
سلات عود الريحان وهدراات السلطانة:سيرو ..بقاي اعود الريحان
مشاو الوصيفات وبقات فير هي وياها
تنهدات لالة رحمة ودارت عندها عود الريحان: ياك مكاين باس الالة عيانة؟؟
لالة رحمة: عياني الهم وهبال ولدي وباه
بدات تمسد ليها عود الريحان ولالة رحمة كاتعاود ليها
لالة رحمة: من نهار ولدتو وانا كانقول واش هذا ولدي نيت مكانفهموش وقصوحية راسو كتر من باه عالله ادير عقلو فهادي ويتزوج ويدير ولادو .. باش الله اكبرو ويتعلمو ويخلفو من بعدو .. السلطان مريض ومابقا قادر يهز حكام البلاد عياا وعياني معااه ماحطلتي لولدي ولا لراجلي
عود الريحان: وعلاش اللالة خاصو ادير لولاد احكم بعدا وديك ساع الرزق من عند الله
لالة رحمة: لا لا حنا فقانون بلادنا الى هو بقا على هاد الحال زاه من سعد العمام وولاد العمام اللي غايتبدل الحكام ويشدوه من بعدو وغتسالي سلالتنا انا والسلطان معاه الى ماخلفش ،،والى مشا تا وصل النص فعمرو غادي اعلمو ولاد من ولاد عمامو باش اشد الحكام موراه
كنا بغينا سلالتنا تزيان ودمنا يتصفا كتر ولكن هي اللي بغيناها ليه مشات وهربات حفظناها وخبيناها وفلخر ماتت هههه والله الى كثرة الهم كاضحك
عود الريحان: شكون اللي ماتت
لالة رحمة: بنت خت راجلي سلالتها مكاينة عند جوج السلطان يعقوب ذكرناه بالخير هو اللي نقا باها باش اتزوج بنتو ويولي دم سلالتهم نقية وصافية ودابا هي الوحيدة اللي دمها صافي وسلالتها نقية حتى خوها دمو مصافيش بحالها اااه الله اعاونا وصافي
عود الريحان: ايوا فيها خير اللالة ماتعرفي كون جات كون طرا شي موشكيل
لالة رحمة: يييه ييه اهههم
YOU ARE READING
ابتسمي لعل الحرب تخجل
Short Storyعلات راسها وشافت فيه وقالت بكل حقد وكراهية: ههه لهضرة للسارية والمعنى للجارية ،،، تعدبت بزااف باش نوصل لمقامك امولاي هههه،،، ودابا جا الحق ونوبتي وصلات فسمحلي حيت انا مغانرحم حد كيما مارحمني حد والبادئ اظلم ...
