داز نهار كيف عادتوو كانت السلطانة فجناح لالةقوت القلوب كاتزورها كيف العادة وتدعي معاكا وتكى معاها تشبع منها .. الله ماقالو رجعات حتى غابت ليهم عاوتاني ..
رجعات لجناحها ... وفالدخلة لقات مولاي المير كايتسناها
تبسم ليها وقال: لالة روحي كيف بقات
لالة رحمة: ااه اولدي كيف غانبقا وختك مازالا ناعسة ماهي حية ماهي ميتة
خزر وهدر: بعيد الباس عليها ..
لالة رحمة: ياربي السلامة ياربي السلامة
المير: لالة روحي جيت نهدر معاك فواحد الموضوع
لالة رحمة: خير ياك لاباس
المير: بغيت عود الريحان ترجع لجناح الحريم ليوم قبل غدا وهادي اخر هدرة وهادشي من ولي العهد وسلطان المستقبل لبلاد وردة القصور
ماخلاهاش فين تكمل معاه الهدرة شدها من الجنب اللي ماتقدرش تقوليه لا ..واخا مو وواخا سلطانة .. كايبقا هو الثاني فترتيب السلالة من بعد السلطان ..واوامرو واجب عليها ..
شافت فيه بقلة حيلة وقالت: مايكون غير اللي بغيتي امولاي ولكن راه البنت باقا صغيرة ..ماتديهاش فهبالها ..راه لسانها غايخرج عليها شي نهار ..
المير: ماعندها ماتخاف الى مادارتش علاش .. وجدي ليها جناح صغير ليها..وبعديها على باقي الحريم
لالة رحمة: الى عرف جناح الحريم غادي تنوض السيبة والفوضة والقانون ماغايبقا عندو معنى
شاف فيها المير شوفة طويلةوقال: ديري اللي قلت لك .. وخليها تمشي مرة مرة لجناح الحريم ..ولكن جناحها بوحدو.. هي متميزة عندي ..ووجديها ليا نهار الخميس
لالة رحمة: نشاء الله ..
مشا وخلاها
لالة رحمة: عبدية وااعبدية
عبدية: نعام الالة
لالة رحمة: عيطي على عود الريحان تجي دابا ..ووجدو جناح صغيير حدا جناحي ونقلو ليه حوايجها.. راه وصى عليها مولاي وغاتوج جارية من جارياتو ..غير هي متميزة عندو ..يالله سربيو
عبدية:واخا الالة
.....
بعد مدة جات عود الريحان لجناح لالة رحمة
شافت فيها وقالت: من ليوم مابقيتي وصيفتي ورجعتي جارية للسلطان .. ولكن جناحك بوحدو من ليوم هو الجناح اللي على ليمن...
شافت فيها بعيون غامضة متبسمة شوية ستاذنات ومشات لجناحو .. غير شافوها دخلوها بلا مايهدرو
دخلات لقاتو كاين فالشرفة ..مشات عندو عنقاتو من لور
دار عندها وشاف فيها بحب وباس راسها ..
هانتي رجعتي ديالي واتحد مايقدر ياخدك مني
شافت فيه وقالت: واعدني واعدني عمرك تخليني ولا تكرهني ولا تشبع مني غاتلوحني وتمشي لوحدة وخرا
شاف فيها معجب : مالك ماموالفاش ليك هاد الهدرة ولا عمرك شكيتي فراسك بحال هاكا
شداتها البكية وقالت: وواعدنيي بعدااا
ضحك من وجهها الطفولي وقال: واخا الالة ..نتي حبيبتي .. نتي اللي ملكتي قلبي ..عمري تخيلت غانقول هادشي لشي وحدة ولكن جا نهار اللي قلتو وفرحان مني قلتو .. مغاديش نخليك حيت نتي وليتي مني وانا منك صافي تهنيتي
تبسمات لييه وعنقاتو مخشية فيه كاتشم فريحتو ..تعجب منها .. ولكن مادار والو فراسوو ..ضحك وعنقها تاهو .........
المير: نهار الخميس بغيتك عروسة
شافت فيه وحلات فمها
عود الريحان: بصح ههه
المير: اااه بغيت شي وليدمنك نتي
عود الريحان حشمات حنيكاتها تزنكو ولكن هدرات
عود الريحان:اا اييه واخا ولكن مازال باقي الحال ..باقي صغيرة .. ولكن غايكون زوين الى حملت منك ..بصح ..ولكن كانخاف ..
سكتها ببوسة كايضحك على هبالها
المير:شوو صافي ...انا غانمشي عندي مايدار اليوم مني نبغيك غانعيط عليك ....
دازو يام وياام وحتى نهار الخميس المير ماسالاش
عود الريحان مرضات وسحاب ليها ماتلاش باغيها
جا رمضان ..والدنيا مقلوبة .. فالكشينة كايوجدو الفطور للعائلة الملكية .. اللي كاتفطر كاملة مجموعة ..وزيد عليها الحرب اللي طاحت عليهم كيف الشتا ..زوج بلدان تافقو عليهم وعلنو الحرب وخرقو العهد ديال السلام اللي كان بيناتهوم .. والسلطان ماعندو جهد للحرب ..داكشي علاش مور رمضان غايتتوج معتصم هو سلطان وردة القصور ..وغادي يقود الحرب وخاصو يجيب النصر لبلادو ...
وقوت القلوب باقي حالها هو حالها داز شهر وهي باقي ناعسة ..ومكاين حتى جديد فحالتها
......
عند عود الريحان...
YOU ARE READING
ابتسمي لعل الحرب تخجل
Short Storyعلات راسها وشافت فيه وقالت بكل حقد وكراهية: ههه لهضرة للسارية والمعنى للجارية ،،، تعدبت بزااف باش نوصل لمقامك امولاي هههه،،، ودابا جا الحق ونوبتي وصلات فسمحلي حيت انا مغانرحم حد كيما مارحمني حد والبادئ اظلم ...
