كانت غادا جاية ماعاجبها حال وغضبها مالي المكان
عود الريحان: تهدني اسلطانتي صافي راه سكتيهم وجففتيهم مزيان ووشكرا ليك حيت دافعتي عليا وانا غير عبد مامور
لالة رحمة: كيفاش عبد مامور دابة نتي راه حرة وراك وصيفتي السلطانة رحمة شكون يتجراك ينقص من مقامك
عود الريحان: غير اللي من مقامك اسلطانتي ولكن ماعلينا نغزة ودازت
لالةرحمة: لا لا مابغاتش دوز باقي كاتدك فياا باااقي هههه بنت الهم خطبناها لمولاي الملك وضسارت كنا نشوفوها ضريفة وحكيمة صدقات حريمية ومسيميمة وتهز معايا فلهدور باقي ههه اشنو غايطرا الى ولات هي السلطانة اا وهاديك العكوزة المتعوسة اللي قلنا مولات العقل والرزينة والحكمة صدقات غير هبيلة تابعا هبال وبطش حفادها
عود الريحان: حاشا الالة غير ماتفاهمتوش مزيان يدوز الوقت وتنساو وترجعو ضحكو وتوانسو
لالة رحمة: ماتزادتش بنت المرا اللي تجري عليا وتهز عليا سوطها في قصري انااا انا مولاتو مازال ماولات هي وششو كيدارت من دابا عودها بان واربي بغا يفضحها
عود الريحان: كلسي كلسي اسلطانتي رتاحي ونساي عليك دابا
لالة رحمة: ههه درت الخاطر تاااعييت وهوما ضحكو وانا بكييت اييوا دابااا ابنتي ياقوت نوريك الزنباغ فين يتباع
عود الريحان : رجوع الله البنت باقا صغيرة وفرحتها عماتها
لالة رحمة: ههه ولاهيلا اللي ماعنو هم تولدو ليه حمارتو
كنت كالسا مابيا ماعليا حتى جات هادي ونكداتو عليا
عود الريحان: نجهز ليك الحمام دربيها بشي تحميمة وترخفي عضيماتك باش الله ترتاحي مزيان وتنساي داكشي اللي طرا
لالة رحمة: سيري ابنتي الله ارضي عليك
عود الريحان فخاطرها: العشق المزروب كلو عيوب همم ختارها ومعارف حتى قلبها اش فيه كون شافو كون هرب هو اللي بغى المرا الرزينة والحكيمة قالك ههه شفناك من برا اشخبارك من لداخل
وصلات للحمام وامرات العبيد يجيبو شي عشوب ديرهم لالة رحمة فالحمام وداكشي اللي طرا جهزاتو على حقو وطريقو وتمت جاية السلطانة
لالة رحمة: الله اشهاد الريحة الزوينة
عود الريحان مبسمة: ريحت الورد والخزامة مع شي عشوب الالة غادي تحممي بيهم يردو لحمك كايشعل كانديرهم ديما انا فاش كانتحمم
ويالله دخلي لما باش ندلكك
مهم بدات دلك ليهم لحمها ودارت ليها لعشوب لحمها وخلاتهوم ومشات لشعرها وبدات تخلط فشي عشوب مع الحنة ولات ريحة الشعر تحمق واصلا راه زيان وطوال وقوا منهار عود الريحان كاتهلاليها فيه
ومشات لوجها تخلط وتجلط بشي ماسكات من العشوب خلاتو ليها مجبد وبيض كايشعل
وغسلات ليها من العشوب رجع لحمها بيض ومجبد
رجعات فنة تقول عليها باقي صغيرة واصلا راه صغيرة مافايتة الربعين عام
ولكن عند ناس زمان كانو كايتزوجو بكري والزين عند البنت اللي مازال مافات العشرين ولا الله وصلات ليها
ماعلينا خرجاتها من الحمام بحال شي عروسة
وصلات لجناحها وشافت فالمراية وتبهضات ...... الله ياربي سيري اعود الريحان الله افرحك كيفما فرحتيني
عبدية واعبدية
عبدية:نعام امولاتي
لالة رحمة: ليوما غانمشي نبات عند السلطان وجدو ليا لباس مايكون بحالو لباس بغيتو حمر بحال الدم يالله سيري
عبدية: واخا اللالة
عود الريحان: هي اسلطانتي باغا ..
لالة رحمة: وصراحة راه انا ماكنتش كانبغي نمشي عندو كان كايطلبني شحال من مرة ولكن انا كنت كانشوف راسي شرفت والى شافني هكاك مغايبقاش ابغيني ويجيب شي جارية عليا ويتزوجها
اما دابا انا واثقة حمدالله كلشي بفضلك الله اسهل عليك من نهار دخلتي لهاد القصر ونتي كاتنوريه نهار على نهار
عود الريحان: ربي اخليك ليا اسلطانتي
كلسو اتحتتو حتى تسمع صوت غلييض كايقول : الاميير مصطفى
ناضت عود الريحان وتحنات
دخل مصطفى مبسم : سلطانتي كيف بقات .....
قالولي عيانة وتناقشات مع الميمة
لالةرحمة: ااه ماتفكرنيش الله مانسيت داكشي ماترجعش تاتنا تعصبني بهدرترك
BINABASA MO ANG
ابتسمي لعل الحرب تخجل
Short Storyعلات راسها وشافت فيه وقالت بكل حقد وكراهية: ههه لهضرة للسارية والمعنى للجارية ،،، تعدبت بزااف باش نوصل لمقامك امولاي هههه،،، ودابا جا الحق ونوبتي وصلات فسمحلي حيت انا مغانرحم حد كيما مارحمني حد والبادئ اظلم ...
