هبطات تتغدا مع خوها ومراتو حتى نطقات قوت القلوب:سيف الدين
شافيها وقال:نعام
قوت القلوب:ليوما بغيت نمشي عند اهلي شحال هادا ماشفتهوم نشوفهوم حتا الليل ورجع مورايا بيما يجي با صلاح الدين
سيف الدين:واخا هي اللولة
قوت القلوب بتاسمات وفرحات حيت عمرو خسر ليها الخاطر وحتى الى بات تخرج ايديه بيديها ومايخليهاش بوحدها
نطقات عود الريحان: خويا حبيبي علاش مانمشي معاها حتا يانا عمري شفت دار واليديها
سيف الدين:لا نتي ممنوع تخرجي
عود الريحان:وعلاش علاش انا ديما محبوسا هنا عمري شفت الدنيا ولا شميت الهوا كيف الناس ولاحتا مشيت للواد بحال كاع البنات وماعندي صحاب
سيف الدين:ماعندك ماديري ببرا كاينين غير الدياب وصحاب راه دايراهوم فدارك ماكفتكش هنية وصفية وفاطمة وقوت القلوب
عود الريحان:اهىء اهىء نتوما ديما حارميني وساجنيني هنا بحال الحمامة فالقفص حتا يانا بغيت نخرج للسوق ونمشي لواد مع البنات ونغني ونلعب وندوز الموسم ونشري فيه التواب
خلاتهوم ومشات كاتجري لبيتها
شداتو قوت القلوب من يدو وتكات على كتفو وقالت:مكانش عليك تغوت عليها كاس وفاض شحال قدها تهز وتصبر وتبقا تشوف غير من الشراجم ولا فوق السطاح وهي كل ماتتمنى تخطى عتبة الباب
سيف الدين:ماكنتش باغي نغوت ولكن رفعات عليا صوتها الحمدالله ماضربتها البنت ضسارت وانا عارف راسي باللي هادشي لمصلحتها هادشي يكفيني
قوت القلوب:ولكن على الاقل فهمها وغير بالعقل عود الريحان عقلها كبير واخا صغيرة سير احبيبي الله اسهل عليك راضيها
سيف الدين:واخا(باس ليها اديها ووقف) يالله انا نمشي عندها ونتي سيري لبسي عليك باش نديك
قوت القلوب:واخا
دخل سيف الدين عند عود الريحان شافها ناعسا على كرشها وكاتبكي حالتها كاتشفي العدو صوتها مايستاهلش البكا وعيونها مايستاهلوش الدموع وقلبها مايستاهلش يحزن
حط عليها خوها يدو وقال:عود الريحان سمحيليا ولكن نتي عصبتيني انا عارفك قنطانة ولكن راه مصلاحتك
عودالريحان:اهىء اهىء اشمن مصلاحة يا خويا قولي بغيت نعرف اش فيها الى خرجت شوية وجيت ولا مشيت غير للرحبة كيف البنات حتى يانا ندنن ونغني ونظفر شعري ونغسلو فالواد كيف كاع البنات غير قولي علاش
سيف الدين:حيت نتي وردة من بين كاع هاد الورود وردة نادرة اللي شافك يبغيك انا خوك ومنقدرش نهز عيني عليك شعرك المذهب المدلي وعينيك اللي ماكاين بحالهم عند حتى بنت وزينك معند حتى مخلوق من النسا وزيد اللي شافك يولي ديب من الدياب ، ياكلوك اختي ونتي قلبك بيض مايعرف الطير من الديب
عود الريحان:ولكن اخويا حتا ينا نتنبك ولبس الحايك مايشوفو ادي ولا رجلي نخرج معاك نضرب طليلة فالمدينة ونرجعو هادشي اللي بغيت صافي
سيف الدين:همم ماعرت مانقولك ولكن اجي با واكون خير
فرحات عودالريحان:بصح ارحم والديك اخويا
مشى سيف الدين اوصل مرطو وبقات هي فبيتها الترابي المفرش بالحى الزرابي وتواب الحرير
.........
دازت العشية وجا العشا وجامعاه اب عودالريحان
نزلات كاتجري لعند باها
عود الريحان:با با جيتي فرحتيني توحشتك
صلاح الدين:حتا يانا ياابنتي توحشتك تشوفي شجبت ليك تواب الحرير والحلي ماشافهوم حد فهادالبلاد
عودالريحان فرحات وعنقات باها بيما دخل خوها ومراتو
باس سيف الدين يد باه وتبعاتو قوت القلوب
صلاح الدين:فينكتو عاد جايين
صلاح الدين:كنت ابا فدار نسابي جبت مراتي كانت عندهم هاد الصباح
صلاح الدين:ااه مزيان كيدايرين اهلك ابنتي لاباس عليهم
قوت القلوب:بيخير ابا الله اسلمك راه بلغولك سلامهم
صلاح الدين:اييه ابنتي مرحبا بسلامهم
جات فاطمة وقالتلم ازيدو اتعشاو :سيادي راه وجد لعشا ومحطوط كايتسناكم قبل لايبرد وتمشي بنتو وجدوه الخدم من احسن ماكاين فخضرة السوق برجوع سيدي الكبير
مشاو اتعشاو فضحك حتى قالت عودتلريحان:خويا واخا تقول لبا نمشيو غدا انا وياك وقوت القلوب ندورو فالمدينة شوية ونجيو
صلاح الدين:لا ابنتي نتي ماشي للخروج وهدرنا فهادشي ماشي مرة ماشي جوج
عود الريحان كاترجا فخوها بعيونها الدامعين حتى قال
سيف الدين:غير خليها ابا غدا نديها هي وقوت القلوب نجولهم شويا ونجيو تلبس لحايك وتنكب ماتشوفها مرا مايشوفها راجل
صلاح الدين:لا هي لا
سيف الدين:ولكن ابا راه غاتنبك وتلبس الحايك حد مايشوف ايديها ولارجيليها و...
قاطعو بالزعفة صلاح الدين:وعينيها غايبانو ودوك العينين كافيين اشعلو الفتنة بين كل ذكر راجل كان ولا شايخ ساعة ماتكمل ابالك صف من رجال قدام الباب باغي يخطب انا مايشوف فبنتي حد من غير خوها وباها وراجلها واللي من نفس جنسها هادشي اللي عندي قلتو وكلمة ماتفوت كلمتي فهاد الدار نتا اللي ضسرتيها تاولات تجبد معانا الهدرة على الزنقة فوسط طابلة العشا مابقات حشمة ولا عفة حتا من داك السيف مابقات تهزو يديها
عود الريحان بكات وتقول مابكات وقوت القلوب تسكت فيها
عود الريحان:اهئ اهئ لا يا با عافاك حتى السيف لا سيف هو مرايتي يابا هو خويا التاني مابغيت خروج مابغيت زنقة غير السيف لا ماديرهاش ابا اهئ اهئ
صلاح الدين:اللي عندي قلتو غدا....
YOU ARE READING
ابتسمي لعل الحرب تخجل
Short Storyعلات راسها وشافت فيه وقالت بكل حقد وكراهية: ههه لهضرة للسارية والمعنى للجارية ،،، تعدبت بزااف باش نوصل لمقامك امولاي هههه،،، ودابا جا الحق ونوبتي وصلات فسمحلي حيت انا مغانرحم حد كيما مارحمني حد والبادئ اظلم ...
