ابتسمي لعل الحرب تخجل

بارت 25

فديك الوقيتة كانت خرجات فيها عود الريحان من جناح السلطانة ...كانت قوت القلوب فاقت ومالقات تاحد حداها...خرجات من جناحها وتاجهات لجناح السلطانة
غادا بشوية عليها ... حادرة راسها ..قربات توصل مابقالها والو..مع ديك الضورة اللي كاتديك للباب تضربات مع جسم انثوي..طلعات راسها بانت ليها بنت كاتفحص كرشها واش بيخير
عود الريحان:بشوية عليك واش مكتشو...
حبسات كلامها بصدمة مخرجة عينيها من اللي واقفا قدامها وحتى قوت القلوب مصدومة من عود الريحان اللي كايقلبو عليها اش كادير تاهي هنا

عود الريحان:قو قوت القلوب؟!!!!
قوت القلوب: عود الريحان؟؟اش كاديري هنا
شافت فيها عود الريحان بغضب :اشغانكون كانديير هاااا محبوسة هناا بحال شي طيير بلاصت ماتجيو تقلبو عليا مشيتو خويتو البلاد حشمانين من العار اللي درت ليكم فالمدينة ..نتي عارفاني مايمكنش ليا نهرب غانكون غير تجليت علاش ماقلتيهاش ليهم
قوت القلوب: رااه قلتها قلتها وقلبنا علييك تاعيينا ومالقينااكش عمي صلاح الدين مرض وماقدرش على فراقك
قاطعاتها بلهفة ،،عود الريحان: كيف بقا باا كيداير لاباس عليه ..
حدرات قوت القلوب راسها وقالت بحزن:ان لله وان اليه راجعون..
عود الريحان بصدمة:شنوو هههه كاتمازحي ماشي وقت المزاح هذا هههه
قوت القلوب:نمشيو لشي بلاصة خاوية ونهضرو
جراتها عود الريحان وداتها لجناحها الصغير وسدات الباب
بقات قوت القلوب كادور فعينيها فجناح ..
عود الريحان: هذا جناحي مولاي خصصو ليا بوحدي
قوت القلوب: مجاوبتينيش اش كاديري هنا ..وكيفاش مولاي عطاك جناح بنفسو
عود الريحان (بابتسامة): انا جارية مولاي المير وحاملة بولدو ..ونتي اش كاديري هنا وكيفاش قدرتو حتى دخلتو للقصر واش خدامين فيه ..وياك كنتو رحلتو لاش عاودتو رجعتو
قوت القلوب: بعدما مات با صلاح الدين رجعنا للقصر
عود الريحان: قوت القلوب باراك من مزاحك الثقييل
غوتات عليها قوت القلوب: مكانضحككككش فهمتي باك مااات اعود الريحان بسبابك ..حيت تهورك من هربتي وتجليتي ..هو اللي وصلنا لهادشي
عود الريحان بقات مصدومة ..كلسات على سرير وشدات فراسها مامصدقاش ...
قوت القلوب: سمحيلي ماقصدتش... عود الريحان حناا راه ماخدامينش هنا
طلعات فيها عينيها هادي اش بغات تقول
عود الريحان: كيفاش زعما؟
قوت القلوب: انا رااه خت معتصم ..انا اميرة اعود الريحان..وحتى خووك وباك كلهم امرااء حتى نتيي اعود الريحان
عود الريحان: باراكا اش كاتخرفيي واش عارفة راسك اشكاتقولي الى سمعك شي حد غايقطع لك راسك واصلا خت مولاي راها غيبات هادي شهر ومازال مافاقت اش كاديري هنا الى كنتي نتي هي اا واصلا الى كنتي نتي ونقولو فقتي مغاتكونش لالة رحمة عرفات وانا عاد شوية كنت عندها وباينا مافراسها والو ..علاش كاتحاولي تكدبي عليا شنو تحت راسك ااا
دفعاتها عود الريحان حتى جات قوت القلوب طايحة وغوتات موجعة فكرشها اللي كانت بارزة ...
قوت القلوب: ااااااااااي
سمعو ناس القصر غاوتها وجاو كايجريو لجناح عود الريحان كولشي تجمع وعود الريحان شدوها الجنود
كان دايز من تماك السلطان ومشا يشوف اش واقع حتى شاف بنتو طايحة مشا كايجري عندها
السلطان: بنتي بنتي
شافت فيه عود الريحان بصدمة
وهو شافيها والشرار كايتطاير من عينيه ناض عندها صرفقها وامر الجنود تعدم دابا فالساحة
السلطان: عدموها دابا فالساحة قطعو ليها راسها وعلقوه فلقصبة باش اللي داز اشوفها وتكون مثال لكل واحد يتجرا يلمس سيادو
عود الريحان: انا مادرت والووووو طلقونيي ..قوت القلوب فيقي ..قوليليهم شكون اناا
قوت القلوب طايحة سخفانة كاتهضر دايخة: ااه ع عودالريحان ..سيف سيف
سمع السلطان صوتها وهي كاتنادي لسيف الدين
السلطان: غانعيط عليه دابا ابنتي دابا يجي غير صبري
عيطو على الحكيمة اش كاتسناو وهزوهاا لفوق السرير
عيطوو على الامير سيف الدين داباااا
داكشي اللي دارو نيت
ترونات الدنياا وجا سيف الدين ولالة رحمة
لالة رحمة: اش واقع ...اشكاديرو فبيت عود الريحان
سيف الدين: قوت القلوب نتي بيخير
جات الحكيمة كاتجري وقاتليهم يخرجو كاملين وداكشي اللي دارو
سيف الدين بغضب: شكون دفع مراتي شكون
السلطان: قالولي جارية .. راه امرتهم يقطعو راسها دابا فالساحة
لالة رحمة بصدمة: شنوو لا راها حاملة من سيد الميير
السلطان: والى كانت حاملة ..تحمل منو وحدا وخرى
لالة رحمة: الى قتلناها هانتسماو قاتلين حتى الامير اللي فكرشها حتى يجي معتصم هو اللي يلوح عليهها حكامو
سيف الدين: انا غانمشي نشوف هادي اللي تجرآت تحط على سيادها يديها
تخلعات لالة رحمة وتكلمات: لا لا بلاش اولدي بقا مقابل مراتك ..الجارية انا عارفاها ضريفة ماتديرهاش اتكون غير تضلمات
مشات كاتجري للساحة.. لقاتهم الله بغار اقطعو الراس وهي توقفهم
لالة رحمة: وقفووووووووو ...طلقو سراحها
واحد من الجنود : ولكن الالة السلطان امرنا نقطعو راسها ليوم قبل غدا
لالة رحمة: السلطان تراجع تايجي المير هو اللي غايرمي حكامو عليها
داكشي اللي دارو نيت وطلقوها ... مشات كاتجري عند لالة رحمة وركعات ليها عند رجلها كاترجاها
عود الريحان: عافاك الالة انا والله ماقصدت ندفعها اهئ اهئ ...راها كاتعرفني راها مرت خويا والله
غوتات عليها لالة رحم: اش كاتخرفي سكتي لايسمعوك وهاد المرة مغانعتقكش ..سيري لجناحي وماتخرجيش ووياك تقولي هاد الهدرة لشي حد
عود الريحان: واخا واخا ولكن هي قالت بللي انا انا اميرة بحالي بحالها واش واش هي بنتك بصح شفت مولاي السلطان كيقولها بنتي...
لالة رحمة: سكتييييي ..مانسمعش حسك.. قتليك سيري لجناحي وماتخرجيش تانجي..الى عرف معتصم غاينحرك كاتفهمي ..واحد الحل اللي كاين باش ماتموتيش ...نلقاك فجناحي وغانعاود ليك
مشات عود الريحان لجناح السلطانة ودخلات ..كلسات وتركنااات.. اش دارت واش تسطاات كيفاش تادفعاتها ماحساتش .. واش الحبالة اللي ماثرة عليها ..ولا غضبها اللي عماها ...ماعرفاتش
دخلات عليها لالة رحمة بعجاجتها...
لالة رحمة: سمعيني هادشي اللي غانقوليك غايبقا بيناتنا هناااا وماتخرجيهش...فهمتي
عود الريحان: وا واخا
لالة رحمة: واعديني
عود الريحان: كانواعدك
لالة رحمة: اوووووف واخا  دابا مزياان
بقات غادا جايا عليها ماعرفاتش منين غاتبدالها
وقفات واحد شوية وسهااات داوها عينيها لشي بلاصة وشي زمان
لالةرحمة: كنت انا ومك بحال الخواتات ..كانت هي اميرة وردة القصور المعروفة بحكمتها وطيبتها وجودها ..كانت بنت السلطان لقمان ..سلطان وردة القصور ومدينة السلطان..وانا كنت بنت عمها وهي بنت عمي.. كنت مخطوبة لخوها بات معتصم ...تزوجنا وولدنا معتصم ...ولكن فاش مات باه خلا وصاية وهي ان اللي غايتولى الحكم من موراه ماشي هو لا بنتو الحبيبة .. راجلي ماتقبلش ومابغاش ..وزوجها لصلاح الدين ولد عمنا اللي كانت مو اميرة من بلاد بعيدة دمها كان صافي كثر من دم سلالتنا  وورث عليهم شحال من حاجة .. مني تزوج بمك ولدو خوك ..ولكن ماورتش عليه داكشي دمو كان صافي ولكن ماشي بحال دمك ..بالصدفة هي شافت الوصاية اللي كان مخبيها السلطان فجناحو ..غضبات عليه ومارضاتش ياخد ليها حقها وحق ولادها..وديك الساع هي كانت حاملة بيك ..وانا عاد ولدت مصطفى وقوت القلوب وماكنتش فلقصر حيت ولدتهوم فقصر الجبل ..مكان فخباري والو..تيقيني..سكتها السلطان بولادها ..خافت على حياتكم ..وصبرات وسكتات...نهار ولداتك ..وعرف باللي بنت ..مشى لرحبتكم..وتماك كان عازم يقتلها..مني دخل للبيت مالقاهاش عيا مايقلب ولكن ختفى ليها الاثار،،رجع للرحبة ولقاك نتي بين ادين باك كاتغوتي.. ستغرب حيت مشات بلا بيك ولكن الصدمة كانت فاش قالتليه القابلة باللي راه ولدات التوام وكانو بجوج بنات ..مني بقات البنت اللولة وبين ايدين باها ماقدرش اقتلها ...داكشي علاش قال علاش مايخطبها لولدو ويديرها تحت ايدو .. وهاكا خلاك محبوسة بين الحيوط..وتاحد معارفك واش كاينة..واش حية واش ميتكة، خلاك بلا صوت بلا دعم بلا مؤيدين لعب على باك مزيان ..باش حتى شي نهار الى بغيتي تحكمي وتقلبتي عليه الوزراء والشعب مايبغيوش ..وهاكا غايبقا الحكام ليه
عود الريحان: وخويا؟؟ خويا حتى هو من حقو اشد الحكام كيفاش زعما..نقولو مراضيش بالمرى تشد الحكام ييه وخويا ..
لالة رحمة: السلطان لقمان كتب فوصايتو ان البنت هي اللي غاتخلف من موراها ماشي الدري .. يعني نتي ومن موراك نتي بنتك ماشي ولدك ...ولكن حتى لو قلنا خوك يحكم ..السلطان ماغايبغيش حيت بكل بساطة داير فبالو بلي الحكام من حقو شرعا ومن حق ولادو هو فهمتي
عود الريحان: وعلاش مي مشات وخلاتني وفضلات هه ختي التوام عليا ااا علاش هي وانا لا
لالة رحمة: لا لا مك ماتخلاتش عليك ولكن القابلة هي اللي داتك نتي اللولة لعند باك اشوفك وفطريقها ليه مك هربات اما كون جا السلطان وصفاها ليها هي وبنتها ونتي اللي كنتي غاتبقاي عايشة حيت عتقوك يدين باك .. سواء ماتوا ولا هربوا نتي كنتي غاتبقاي عايشة هذا هو القدر ديالك ابنتي وربي ماخلاكش عايشة الا ولسبب ألا وهو ترجعي حقك وحق مك ..ولكن واعديني ماتسرعيش..دابا قبل مايجي معتصم يقطع لك راسك خاصك تقلبي على الوصاية باش تبتي حقك وسيف غانقوليه راه نتي هنا باش يتبت بلي راك الاميرة عود الريحان
ناضت عود الريحان بثبات وقالت : تاحد مامنحقو يقلل مني من اليوم انا الاميرة عود الريحان ابنةالامير صلاح الدين والاميرة روح الندى ..تاحد مامنحقو يحاسبني ..
جاوباتها لالة رحمة بقلة حيلة:غانعطيك برية وسيري عطيها لجنود اللي فجناح مولاي السلطان ..غايخلوك تدخلي..وسيري قلبي عليها فاي بلاصة..ومني تخرجي هزي معاك من المكتب ديالو صندوق خضر فجنابو مذهب فوسطو خاتم من الياقوت وجيبيه..غانقوليهم راني سيفطتك باش تجيبيه هذا الحل الوحيد اللي غايخليك تقدري دخلي لجناحو
شافت فيها بحزن
لالة رحمة: سمحيلينا على اللي درناه فيكم ابنتي ..والبركة فراسك من جيهت باك
شافت فيها عود الريحان بعيون دامعين ولكن مانزلات تادمعة كانت واقفة كي الجبل ماحانياش الراس كيف موالفة حيت اخيرا عرفات قيمتها ومغاتحنيش الراس من ليوم تاحد من غير ربها :حتى انا اسلطانتي (بتاسمات ) عمري غانسا خيرك (عطاتها البرية بعدما كتباتها وطبعات فيها )
مشات وخلات لالة رحمة دموعها على خدها ..

شنو كاتوقعو غايوقع من بعد واش عود الريحان غاترجع حقها؟ واش غاتنتاقم؟اشنو فنظاركم غايطرا فالبارت الجاي وشنو الاحداث اللي متوقعين؟