⚔عشق الملك برقان⚔
👑oumaima mega 👑
👣106👣
نجوى دارت عندها كتغدد : اوييييلي ا آية غيسحبووك حمقة أجيييي ....و جرتها من يدها غادا بيها ...آية مزال عينيها معاه كتشوف في هيئتو و بنيتو و شعرو ... و في ودنيها كلمة وحدة " هو ماشي برقان " ....و نجوى غادا بيها ....تمشى راجس لعند مجموعة من دوك رجال لي واقفين تما منهم عميد الكلية و بعض الاشخاص المهميين ...لي بمجرد ماشافوه جا ...عطاوه الاهتمام و رؤوسهم محدورة قدامو و كيتبسمو ....وقف عاطي بضهرو و يدو مخشيين في جيبو ...من طريقتو كيبان هو الارفع مقام منهم
نجوى غادا و مرجعة آية لبلاصتها ...و جلستها مصدومة في بلاصتها كتشوف غير في الفراغ ماوعياش بدنيا لي ديرا بيها
نجوى نزلت كتجمع في داكشي و معصبة ديال بصح : صافي وصلنا لسطاج ديال المسطييين حنااا نشوفووو عباد الله و نمشيو نجرييو و نعنقوووهم (هزت داكشي و ناضت جلست كتشوف فيها مخنزرة ) ياك هدرنا على هاد برقاااان بلييي مكينش رجعتيي عاوتاني من لول (آية حادرة راسها و كتسمع حاجة وحدة هي صوت قلبها لي بدا كيتسارع من قوة ضخ الدم في الشرايين ديالو تفكيرها و بالها كولو مع برقااان لدرجة لحرارة لي في جسمها تصاعدت لعقلها لشدة الصدمة لي ضغطت على تفكيرها و نجوى رجعت لكتابها ) تاكنقولو سالينا من هادا برقان و كتجبدييه تانيي حنا منساليوش منووو خلاص ....آية بدا قلبها وجسمها كيرجفو و دنيا كدور بيها كان وجهو و شكلو و حتى نفس ريحتو و نفس النظرة و العيون لي كانو كيشوفو فيها هي كتعرفو مزيان ....و الاعظم من هادشي فاش عنقاتو محستش بفرق قلبها و روحها ميمكنش يخطئو .... و كتفكر فاش كانت قدامو و قال هو ماشي برقان ...راسها بدا كيضرها بزاااف من كثرة الضغط والصدمة لي تعرضت ليهم فحالا بدا كيتخلط ليها وهمها مع الحقيقة .... لألم لي كتحس بيه في راسها بزاااف و هي طلع يديها كترعدو لراسها و شدت منوو مكمشة وجهها : لااا لااا ميمكنش لااااااا ....نجوى دارت عندها مصدومة و شدت من كتفها خايفة عليها : آية آية اية مالكييي اية ....بدا شوية الدم كينزل ليها من نيفها بحكم الحرارة و للضغط ... و لقدرة الاستحمال عندها وصلت لحدها الاقصى ....و هي تقلب عينيها و غيبت و طاحت من الكرسي لأرض ....تبعتها نجوى كتحاول تشدها و و جلست على ركابيها كتحرك فيها مخلوعة عليها : آاااااية آاااااية آااااية عتقووووونيييي اية عتقوووووووونيييييي .....بدات كتغوت على جهدهاااا و دور يمين و شمال كتستنجد بالمساعدة
آية سادة عينيها مغيبة حتى كتسمع اصوات دايرين بيها ....صوت تخطيط القلب بطييط طيييط ...و صوت خطوات خفيفة حداها ....بدات كتفتح عينيها بشوية بشوية كتشوف في صقف و كتكمش وجهها ....كان صقف عبارة على اضواء منووو فيه ...و كتحس بيديها مخدرة عليها ....بدات كتحول عينيها و كتحاول غا تستدرك راسها ....كانت في وحد الغرفة فخمة و واسعة بزاااف و فيها فرملية خاصة كدوور تما بطابلية بيضة ....و ناضت بشوية عليها لقات راسها بلا شال
نجوى كانت جالسة فوق الفوطوي لي حدا السرير و مجموعة على راسها وساهية في الفراغ تاكتبان ليها صحبتها ناضت : آية ؟
⚔عشق الملك برقان⚔
👑oumaima mega 👑
👣107👣
آية دارت عندها : نجوى ف فين انا ؟ ...و هزت يديها كتلقاها كونكيطي مع سيروم وجهاز تخطيط لقلب لي حداها
نجوى ناضت دغيا لعندها و هي شادة وحد سشية تاع دوا ومشات وقفت حدا راسها وجهها فيه تعابير القلق على صاحبتها : راه غير سخفتي و جبناك لهنا تا خالتي مقلتهاش ليها كتصوني كنقول ليها راحنا غير تندورو واش كتحسي براسك بخير دابا ؟ خلعتيني عليك اصحبتي
آية و مزال كتحس بالعيا و راسها ثقيييل عليها هو و لسانها: لحمد لله ....هو يتفتح الباب دارو بجوج و دخل وحد طبيب لابس طابلية شافهم و تبسم
الطبيب : فاقت ؟ (و تمشا لعندهم )
نجوى : اااه يلاه فاقت
الطبيب داير يدو في جيابو : باش كتحسي ا اية مزيان ؟ ....اية حركت ليه غا راسها
نجوى : واش ا دكتور غاتبات هنا
الطبيب : لا معندهاش ديك الخطورة غير راسها وصل لوحد الشدة ديل الضغط مقدرش يتحملها داكشي باش سخفت خاصها تشرب غير الدوا و ترتاح شوية
نجوى : اه اه دوا هاهوا في يدي
الطبيب : و يمكن ليكم تخرجوها لابغيتو دابا .... بقات نجوى كتهضر مع طبيب ....و آية مامعاهمش دورت وجهها لهيه و كتفكر واش بصح هي عنقت برقان مستحيل غتكون غير تتحلم عوتاني كيفما ديما و حتى دابا حلمت بوحد كيشبه ليه ...غير هي معرفتش امتا وكيفاااش طاحت و امتا جابوها لهنا ...جات لفرملية حيدت ليها السيروم وتخطيط القلب من يديها ....و نجوى دارت لآية شالها على راسها ...عاد نوضتها شادة منها و كتمشيها على رجليها آية كتحس بلي راسها و روحها و جسمها و كولشي فيها مدكدك بزاف ...غير نوضوها دغيا تكات على كتف نجوى ....لي كانت شادة منها ومعنقاها ...و خرجتها من تما من البيت للممر ديال المستشفى لي كان كبيير و فخم ....و باين تاع الفلوس ...آية كتشوف بعويناتها و كترجع تسدهم حيت مكتقدرش تبقا تشوف بزاف في ضو كتحس بدوخة ....هبطتها في سانسور و خرجت بيها ....آية فينما تحل عينيها كتبان ليها غير ضبابة قدامها وكتحس بدوخة وكترجع تسد عينيها دغيا راسها مزال ما سترجع قوتو و رجليها غير كتجر فيهم في المشي وهي متكية على كتف نجوى ...حتى سمعت شي باب تحل
نجوى : طلعي ا اية طلعي ...آية حدها حلت عينيها شوية و كتبان ليها دنيا مضببة وكدور بيها ...حتى طلعتها نجوى في البلاصة لي لور و طلعت حداها ...لوحد الكوسان كولو جلد بالقهوي فاخر ...آية منتابهت لوالو من غير انها غا طلعت رجعت راسها فوق كتف نجوى و غمضت عينيها كتسمع نجوى قالت العنوان تاع دار و رجعت كتشوف في اية لي ناعسة عليها ....و آية داتها عينيها و نعست على كتفها ....تاكتحس بيها كتفيقها
نجوى : اية اية نوضي راه وصلنا (اية عاد حلت عينيها و شافت في نجوى لي خرجتها من ديك الطموبيل الكحلة الفاخرة ) شكرا ...و دات اية لي باغا غير فين تحط راسها و تغمض عينيها و تكمل نعاسها كتحس براسها و داتها عيااانين بزاف....داتها لدار و دقت لباب حلت ليهم حياة خير و سلام حتى كتشوف بنتها في ديك الحالة ...و هي تلاح شدت منها : اويلييي مال بنتي اية
🖤🖤🖤🖤
مقدرتش نحط ليكم تصاور حيت كونيكسو عندي ضعيفة بزاف اعتدر منكم ...و حتى على تأخير اخواني
YOU ARE READING
عشق الملك برقان (قصة رعب _رومانسية بدارجة المغربية +18 في طور كتابة )
Horrorالقصة القصيرة :⚔عشق الملك برقان (ملك الجان ) ⚔ الكاتبة🕯 : oumaima mega 🏹شفنا و سمعنا على جميع قصص الحب لي تخلدت في الادهان ... و لكن شنو الى كانت القصة من نوع المختالف الرومانسية المنكهة بالرعب ❤ ....و مختالفة على مجمل القصص ...خاصة...
