ما لم نراه ( روايات ليبية )

حلقة 13🔥

ما لا نراه

    / 13 /

أوّل مافتحت الفيديو شفت روحي متكية على السرير نفسه ونشوف للتليفون ونغنّي ..

🎶
وعيونها ياطيري وتقول فنجان ..فنجان من القهيوة ممتليّة ..
وعيونها ياطيري وتقول فنجان ..فنجان من القهيوة ممتليّة ..
يا عيونك سود وحلوة .. ياعيونك سود حلوة .. ياعيونك .. ياعيونك ..ياا عيوونك

بعدها سمعت صوت  راجل وقعدت نحاول نسمع كويّس ..

انتِ منو
انا:انا زيزوو
-وزيزو من تحب
انا:زيزو من تحب؟
-*يوشوش*مالك مالك
انا:اي مالك
مالك:يعني توا انتِ معترفة تحبي مالك
انا:من مالك؟
مالك:ههههه اني
انا:باهي نحبك بشرط تجيبلي جيلاطي ووشاح
مالك:علاش الوشاح؟
انا:لأن خاطري فيه شفته عند رزان ومالقيتش اللون هداك
مالك:لشن تبيه؟
انا:نبيه أخضر بنلبسه في الجامعة مع سوريتي البيضااء وسروالي البيج
مالك:وشن تبي ثاني؟
انا:امممم نبي وردة
مالك:كم وحدة
انا:وحدة بس
مالك:ماتبيش بوكيه؟
انا:لالا وحيدة بس
مالك:وشن ثاني
انا:ياعيووونك
مالك:ركزي زيزو
انا:وين بابا🥺
مالك:تو يجي تبي اناديه؟
انا:ماتخلينيش
مالك:معاك ياروحي معاك
انا:بنرقد
مالك:ارتاحي ارقدي اني قاعد اهني
انا:وعيونها ياطيري وتقول فنجان ...

مالك:زيزو زوبة زينب .. وقت بتفتحي الفيديو مش ح نكون جنبك .. مش لأن مانبيش لكن مش حتصير حاجة غصب عنك .. الوردة والوشاح والجيلاطي بيوصلوك مش لشي ووعدتك وبنوفي بوعدي .. كنتِ تحت تأثير البنج وكانت احلا نص ساعة في حياتي معاك .. اني مش طالب منك شي ولا نبي ندير شي من ورا ظهر زين هو خوي والي بيه بيا لكن محتاجلك زي ما انتي محتاجيتيلي .. عارف اهلك مش ح يعطوك وانتِ صغيرة لكن مش راخيك ياناخدك ياناخدك .. انتِ ماتعرفينيش ولو سمحتي ماتظلمينيش والله اني انسان كويس وننحب😂
رقمي مسجل عندك بإسم رنيم الي هي اختي والي بتتعرفي عليها وايميلي عندك ،سمحت لروحي نضيفني متخافيش ماشفت شي ضفت وطلعت .. وصدقيني ماك خاسرة شي لو عطيتينا فرصة .. ماعندي ماندير هكي ربك زرع حبك في قلبي من اول ماشفتك .. تحت مخدتك بتلقي سلسلة فضّة قلتيلي مانحبش الولاد الي يلبسو سلاسل وبما انها غالية عليا نتمنى تحافظي عليها .. عندي نظاراتك ومذكرتك وانتِ عندك سلسلتي .. نخلوها للأيام امتى بتجمعنا ونرجعوهم لبعض .. هاخ دويت هلبا 😂 المِهم لو الفيديو بيسببلك مشكلة امسحيه وزي ماقتلك رقمي وايميلي عندك ومش مداير ولا تصرف لين يكون برغبتك .. واه تفكرت شفتك من غير وشاح ومفروض نستر عليك خلاص 😂 لازم نتزوجو 😂 لكن شن بنديرلك انتِ تسألي شعرك حلو ولالا 😂 وفوقها .. تي خليني ساكت لو تبي تعرفي شن صار نحكيهولك يوما ما 😂😂 شوفي روحك وانتِ راقدة 😂*وجهه الكاميرا ع وجهي وانا في سابع نومة *تو بنطلع بوك تو يشك وزين قريب يوصل .. ديري بالك على زيزو باهي ..