ما لم نراه ( روايات ليبية )

حلقة 4🔥

ما لا نراه

      / 4 /

رحمة:زيزو
انا:شن تبي😒
رحمة:شن رايك ندير معاك اتفاق
انا:اتفاق شنو هذا الي بيجي منك
رحمة:خليني نكمل كلامي وبعدها احكمي
انا:باه
رحمة شن رايك نرفعك معاي للجامعة غدوة عندي من التسعة لعند الثلاثة تتعرفي عليها بالك تعجبك وتبي تخشيلها مش الطب بس عادي لودي فيها كلها واني تو نقنع ماما وزين .. ها شن قلتي؟
انا :انتِ ترفعيني ؟😨
رحمة:ايه
انا:وشن السبب
رحمة:قتلك تتعرفي عليها وتغيري جو
انا:هممممم 🤔 مباهي موافقة لكن انتِ بتقنعيهم ماحد يكلمني
رحمة:خليها عليا غير ماتعطلينيش الصبح
انا:باهي باهي 😑

خديت تليفوني واتصلت برزان..

رزان:وانتِ تختفي وين تمشي وشن كنتي تبي بالإيميل
انا:مش وقته نقولك بعدين قوليلي تجي معاي للجامعة غدوة
رزان:للجامعة؟ لالا اماليه مايخلونيش
انا:تي قوليلهم بنتعرف عليها
رزان:لالا مستحيلة
انا:هفففف باهي طيري باي
رزان:تي فهمني شن في
انا:بااااي *وسكرت*

اتصلت بتسنيم وقتي ..

انا:سومة تجي معاي للجامعة غدوة
تسنيم:غير احلمي
انا:علاش
تسنيم:ناسية عندنا دور ثاني ولا شنو
انا:ووووه مشناك باي *وسكرت*

هالدراهات نمشي بروحي زي الفازة اكيد هالدراه رحمة عندها مُحاضرات وحتى كان ماعندهاش مش ح تلهى بيا .. انا واياها مانتفاهموش ماما تقول علينا النار والبنزينة .. تو كلهم كلهم يشوفو فيها ملاك وهادية وهي بسبع لسانات غير قدامهم حشيشتها تبان بريئة .. ووراهم شيطان رجيم وديما ادير في روحها كبيرة عليا ولما نكلمهز ماتردش ونسألها على شي حتى يكون جنبها تقولي مانعرفش .. وتتسبل بقرايتها لا تسغل اماعين ولا تعاون ولأن مانجاملش فيها قدام الكُل نطلع انا العافنة 😑 تز اصلا حتى ماما واقفة معاها ..

ع الهامش 🥀
*بالرغم من التفاعل ضعيف مانقدرش ندير الشًر معاكم تيّوبة بسلامتي😁 بس انشطو وديرو منشنات حلوات زيكم💗*

مع العصر ناضو وجت ماما لدارنا ..
ماما:انتِ امتى بتبطليها عادة الهروب هذه
انا:انتو تزرّو فيا عليها ماتبوش تخلون في حالي
ماما:يلا بلا دوة زايدة بوك يبي قهوة نوضي ديريهاله وارفعيهاله
انا:😑😑

ومشيت انقنق طبعا ماتنوضش ست الحسن وانا الخدامة ..
درت القهوة وحطيتها في سفرة ورفعتها ..

بابا:يومين كاملات عند جداك هذا كله تعاوني فيها
انا:تعرفها جداي ديما تنادي فيا
بابا:ايه ايه
انا:تبي شي
بابا:كلامي مايتعاودش يمين الله يازينب ماتشديش كتباتك وتنجحي المرة هذه لا عاد تحلمي بتليفون ولا تشوفي شمس ربّي واول واحد يطق الباب كيف كان نوعه نعطيك ليه ومن غير عرس سمعتي حلفتي ولاّ
انا:..*يحسابه عقاب الي يديره ليا مش عارفني هذا الي نبيه😂*
بابا:تسسمعي فيااا
انا:سمعت سمعت
بابا:ويلا تحركي خلي اختك تقريك
انا:نعرف نقرا بروحي
بابا:ماهو جبتيهالي الأولى لما قريتي بروحك كلامي مايتعاودش تحركي
انا:بباه