ما لا نراه
/ 8 /
وصلت حضرت المحاضرة الأولى ماجتش الدكتورة استنيتها وطلعت بعدها لقيته مش فاتح نت من امس .. لا واضحة الحكاية فيها إنّ .. بعدها بنص ساعة وصلني مسج فرحت نحسابه بيقولي وصلت بس لقيت مكتوب فيه *صارلي موضوع مش جاي *
بعتثله : إن شاء الله خير شن في ؟
رد عليّا بعدها بوقت وقالّي .. نحكو بعدين قاعد عالق في الموضوع
أنا:باهي طمنني على الأقل حاجة خطيرة ؟
قيس:بعدين زينب مش وقت كلام
زعلت .. أنا مقدرة ظرفه بس زعلت إنّ مش ح نشوفه تعوّدت عليه بسرعة وتعودت نتأمّل في عيونه .. قعدت نلود قلت على مابين جي وقت المُحاضرة الثّانية ..مع إنّ مش فاهمة منهم شي ولا نندري وين واصلين ولا شن ياخذو ولا اسم دكتورة المادّة اصلا ..
حوالي ربع ساعة وصلني مسج منّه.. إنتِ وين؟
ردّيت :نلود شن صاير معاك
قيس:تعالي وين مانقعمزو ونحكيلك
أنا:تبصصصصر قصدك جيت😨
قيس:هو أنا نقدر نخلّيك ومانجيش
أنا :جايّة هي تو نورّيك 😂
ومشيت من غير عقل نججري .. قبل مانوصل عنده بخّيت برفان وطلّعت المرايا ساويت روحي ولقيته مقعمز يستنى فيّا ..سلّم عليّا وضربته بالمذكّرة إلًي في ايدي على برادته 😂
انا:وتقولّي مش جاي😑
قيس:مانقدرش مانجيش😂
أنا:خزّي ضحكت عليًا
قيس:ههههه بالله في موضوع اهم منّك؟
انا:شعرّفني *وطنّشت حواجبي وتلفتت للجهة الثّانية *
قيس:لا مستحيلة مافيش .. ايه شن جوّك
أنا:قبل شن جوّك الأمور الرّسميّة هذه قولّي
قيس:شن بنقولّك
انا:عندي ساعة قبل ماتبدا المُحاضرة
قيس:قصدك عندك محاضرة ومخليتيني جاي ساعة مش ح تسدني معاك
انا:انت الي عطلت لو جيت من مبكررييي كانت بتكون حوالي ساعتين
قيس:تي نوضت لقيت بوي واخد السيارة يحسابني مش طالع خديت افيكو وجيت فوتيها المحاضرة
انا:انباهي عاذراتك لكن مانقدرش مانخشش يسجلو في الحضور
قيس:والحل
انا:احضر معاي
قيس:لالا نفخ فكيني
انا:تي لالا قعمز ما ادير شي بالكثير ساعتين الا ربع ونطلعو
قيس:وبعدها نقعد معاك؟
انا:لعند ماتكلمني رحمة
قيس:موافق
انا:امباهي توا بتجاوبني على اسألتي
قيس:استجواب 🤨
انا:دخليش بنحطو النقط على الحروف
قيس:شن اسألتك
انا:شن تشوف فيا ؟
قيس:كيف يعني
انا:قيسس ماتتسهوكش
قيس:باهي باهي😂😂نشوف فيك بنت كويسة ماشاء الله عليك
انا:وشن تبي مني ؟
قيس؛كيف شن نبي منك؟
انا:قيسسسس🙄
قيس:مش وقت على محاضرتك😂
انا:جاوب متحشم مني ولا شنو🤨
قيس:تي كيف شن نبي منك واضحة ماعندي شي اهني نجي على خاطره غيرك
انا:بس انا حاكيتلك على تجاربي ومع من نهدرز وشن ندير حياتي كلها عندك يعني وقت تفكر ماتقولش هذه في ولاد هلبا في حياتها؟وتفكر فيا فكرة مش كويسة؟
قيس:مايهمنيش اني عجبتيني كيف مالقيتك نبيك يهمني توا ماتكلميش في غيري ولا خلاص 🤫
*الي ماتعرفوهش زيزو اول ماتعرفت ع قيس حكتله كل شي من عبدو لسليم وخالد وحتى الي صبح عليها في الهندسة وقاللها عجبتيني والي ناشبها والي قاللها كلمة ووراته حتى الي كلموها من دفعتها في اول لقاء ليهم مع بعض .. طبعا كانو يهدرزو ديما وهي حسباته صديق على الفيسبوك مستحيل يوصللها ويوما ما بإديرله بلوك وتنساه وعادي تكمل حياتها .. ماعرفتش إنّ في صُدفة ح تحمعهم وياخد قلبها من غير ماتحس *
أنت تقرأ
ما لم نراه ( روايات ليبية )
Romanceيوجد اشياء لا نراها الا بعد فوات الاوان و لكن الخطاء ليس مننا الخطاء ان هذه الاشياء لم تعترف الا بعد ان فقدت الامل ؟ كلام معقد ستفهمه في رواية تجمل اجمل صدف الحب ؟ للكاتبة : ميرا رواية من داخل المجتمع الليبي
