ما لم نراه ( روايات ليبية )

حلقة 12🔥

ما لا نراه

     / 12 /

نحس براسي ثقيل ونفتح في عيوني بالسيف ومش قادرة نتحرك وحطيت ايدي على مكان الألم لقيت طوبو نخلعت وتلفتت حواليا مالقيت حد .. وكيف بنعيط مع ان دايخة نفتح الباب .. وخش حد .. والحد هذا كان مالك ..
مالك:اسف مانحسابش فقتي
انا:وين اهلي وشن الطوبو هذا وشن فيا شن صايرلي خيرني 🥺
مالك:شن بنقولك خلي اناديلك الدكتور
انا:لا خليك ..
مالك:تبيني نقعد ؟
انا:نبي نقولك شي
مالك:شن في؟
انا:خايفة ماتخلينيش بروحي
مالك:مش بروحك اهلك بيجوك الصبح مشو يجيبو حوايجك وحاجاتك مايقدروش يقعدو اهني وزين بيوصلهم ويجي وبوك لوطة قاعد
انا:بس 🥺
مالك:*سكر الباب وخش *اهو قاعد معاك
انا:اي هكي كويس😊 شعري مساوي وحلو ؟
مالك:هذه صاحية ولا شنو خيره شعرك؟
انا:انت خيرك هكي هكي بارد هكي
مالك:ااه 😂 هذا تأثير البنج
انا:بنج شنو انا مش مبنجة تعرف خاطر في بيتزا عندهم بيتزا؟
مالك:هههه عندهم حتى شاورما
انا:نعطيك وجيبلي
مالك:حااضر من عيوني نجيبلك
انا:محلاهم عيونك
مالك:*سحب كرسي وقعمز جنبي * عيوني بس الحلوات؟
انا:لا كلك حلو وهكي شعرك قصلي ولحيتك لكن لما تنحيها تبدا اعي
مالك:وشن ثاني
انا:شن ثاني
مالك:شن في ثاني
انا:شن في ثاني
مالك:لا ركزي معاي
انا:في شن بنركز اخخ راسي ثقيل خاطري في جيلاطي انت شن اسمك ؟
مالك:ههههههه تي واك انتِ داهية
انا:لا اسمي زينب وفي الي يقولي زوبة وفي الي يقولي زيزو
مالك:وانتِ شن تحبي ؟
انا:لا انا مانحبش توا كنت نحب لكن طلع يكذب عليا ومتفق هو ورزان عليا شفتهم بعيوني واقفين يتفقو عليا ورزان تعرف وماقتليش لكن مانحباش لا
مالك:واني؟
انا:هيا جيبولي جيلاطي
مالك:تي اما جيلاطي واحني في بداية الربيع ركزي معاي اني تحبيني؟
انا:انت حلو
مالك:😂😂😂😂 باهي تحبيني؟ في امل تحبيني ؟
انا:🎶
وعيونها ياطيري وتقول فنجان ..فنجان من القهيوة ممتليّة ..
مالك:يرحم والديك ركزي معاي
انا:ياعيونك سوود وحلوة .. ياعيونك سوود وحلوة ..
ياعيونك .. ياعيونك .. ياعيوونك
مالك:علاش تحبيها الأغنية؟
انا:🎶
وسنونها ياطيري وتقول مرجان.. مرجان على اللؤلؤ مختليّة ..
مالك:انتِ بالتّعبيني *وطلّع تليفونه وسمعت الأغنية في تليفونه *
انا:ححي حتى انت تحبها؟
مالك:لا مانعرفهاش بس يومها لما سمعتك تغني فيها قعدت نبحث عليها وسمعتها لين حفظتها وشكلك ماطلعش من بالي لما تغني فيها
انا:حلوة ولاّ؟ في البداية كنت نكرهها بعدين حبيتها
*وقعدت نسمعلها ونشوفله *

يا عيونك سود وحلوة .. ياعيونك سود حلوة .. ياعيونك .. ياعيونك ..ياا عيوونك
🎶
وسنونها ياطيري وتقول مرجان.. مرجان على اللؤلؤ مختليّة ..
وسنونها ياطيري وتقول مرجان .. مرجان على اللؤلؤ مختليّة ..
يا عيونك سود وحلوة .. ياعيونك سود حلوة .. ياعيونك .. ياعيونك ..ياا عيوونك

مالك:عيونك سود وحلوات
انا:هذا علاش نحبها
مالك:تكرهيني؟
انا:على حسب
مالك:توا انتِ واعية ولا تجري بيا
انا:ياعيوونك *ونغني مع الأغنية *
مالك:باهي شن تحبي
انا:المقلوبة والجيلاطي
مالك:وغيرهم؟
انا:الورد
مالك:وشن ثاني ؟
انا:نحب بابا
مالك:وشن ثاني
انا:نحب الملاههيييي لكن مايبوش يرفعوني
مالك:وشن اسم ايميلك
انا:تليفووني وين تليفوني
مالك:اهدي اهدي اهو جنبك
انا:افتحهولي
مالك:شن الرمز
انا:اقرب نقولك في وذنك زين بيعرفه
مالك:😂😂😂 هالزين مركب فيك الرعب هاه اهو قربت *وحط وذنه قريب من وجهي  *
انا:ريحتك حلوة *وشديت سوريته نشم فيها* شن اسمها؟
مالك:يخش بوك يحسابني نعتدي عليك تي اهفتي بتركبيلي تهمة وياريتك واعية وبتتفكري هذا كله
انا:هههههههه والله تهبل
مالك:قوليلي الرمز
انا:الرمز 😂 ولا😂😂😂😂😂
مالك:باهي علاش تضحكي
انا:ماهو الرمز بصمة صبعي😂😂
مالك:ياباااردة😂 اطلقي السورية باهي
انا:بشرط
مالك:شوفلك هي يغريني الشيطان راه ونغلط
انا:نبي جيلاطي بس 🥺
مالك:من عيوني ياعيوني
انا:انا عيونك😍
مالك:وكل شي
انا:بتقعد معاي ديما؟
مالك:ديما ديما
انا:وعد
مالك:وعد بس ارخيني الي يخش بيفهمنا غلط وشن بيقنعهم تحت تأثير المخدر
انا:راسي ثقيل نبي نرقد
مالك:جاوبيني وبعدها نخليك ترقدي
انا:ع شنو 😨
مالك:......