ما لا نراه
/ 16 /
شن الي مدايراته يستاهل يكون الموت شوية فيا ؟ هربت نجري لداري وسكرت عليا الباب لأن عارفة زين مهما صار يمد في ايده قبل اي شي .. ومعاش عرفت شن ندير .. كلمت مالك نفهم منه شن صاير لأن اول شي خطر على بالي يكون شاف شي عنده ..
الباب يتقربع وهو يخبط ويعيط .. وماتوقعتش ابدا هكي يصير .. ماحطيتش في البال الضربة تجيني من مكان ثاني ..
مالك:شن في فهميني
انا:مش عارفة متصلة نسمع منك شن مقايل لزين
مالك:شن بنقوله الله يهديك
انا:شعرفني مش ناقصني هم انا جايني يقولي بتطيحيلي قدري مع صاحبي اما قدر شن درتلك يامالك انا
مالك:استهدي بالله وفهميني شن صاير
انا:مانعرفش انت الي فهمني شن مقايل لخوي ومخليه بيقتلني
مالك:هو وين
انا؛ماتسمعش في عياطاته يخبط عليا في الدار مش ناقصة مشاكل لو وجودك في حياتي بيسببلي مشاكل مانبيشي والله مافيا حيل
مالك:خيرك انتِ ؟ مستعدة هكي تتخلي بسهولة ومن غير ماتعرفي شي ؟
انا:مش عاارفة مش عارفة ومش ماقصة
مالك:باهي سكري
انا:شنو
مالك:سكري الخط ولا نسكر
انا؛هي هكي ؟
مالك:بتسكري؟
انا:*وهاه سكرت *
مافهمتش شن ردّة فعله هذه وماعرفتش روحي اصلا شن قلت بالتّوتّر والعصبية ماركزتش في روحي ..
ياربي شن بيصير وشن صاير اصلا .. نسمع في ماما تقول لزين يفهمها ..
وقف خبط على الباب وشكله مشي يقوللها وعلى ماتسمّعت شي ماقدرت نسمع شي 💔 ..
فات شويّة وقت وسمعت دقّان ع الباب .. مابيتش نتكلّم .. لين سمعت
ماما:افتحي الباب
انا:وين زين
ماما:افتحي الباب خيرلك
انا:*توترت وماعرفتش نفتح ولاّ لا خفت يكون زين معاها بس قلت لو كان معاها راه تكلّم *
فتحت الباب بالشويش وكيف بنطلع شدّتني ماما من شعري ..
انا:اييي خيرك ياماما
ماما:تبي تفضحينا تبي تجيبيلنا العار وتواطي راس بوك وخوك 😡
انا:تي شن درت يمه فهميني
ماما:هذا شنووو علاش هذا كله ياخايبة ماعرفتش نربيك انتِ الوحيدة الي طالعتيلي من الجنب اختك ماعمرها دارت العيبة ولا تعبتني علااش هذا كله علاش مخليتينا نوافقوا على الراجل دامك مش صاينتيه ولا شفتي لشيب بوك ولا قدر خوك شن درنالك بش تجيبيلنا العار وتخلي الي يسوا والي ما يسواش يتكلم علينا ويجيب في سيرتنا لين قلت عقلتي وبديتي تعرفي تتصرفي تطلعي بايعة روحك هكي وصورك عند الولاد علااش شن ناقصك من شنو حرامينك احني واطيتي راس خوك مش قادر يشوف لصاحبه
انا:😨😨*نشوف لتليفون زين وصوري مبعوتات من ايميلي وباعتينهم ليه سكرين وكلامي مع ولاد اول مرة نشوفهم اصلا *
ماما:بتقتليني نهايتي على ايدك
رحمة؛اهدي يمّه صدقيني في غلط زينب مستحيل ادير هكي
ماما:وينه الغلط وصورها متشرتعات عند المعفنيين زيها مش بنتي مانعرفهاش لا ربيتك ولا جبتك ولا قمت ولا قمطت ولاني راضية عليك لا دنيا لا اخرة واطيتي راسنا شن بنقولوا للراجل الي شاري وانتِ بايعتيه بالرخيص يارخيصة تفيه عليك وعلى اليوم الي ولدتك فيه هاتي البلي هذا الي مدايرة منه مصايبك كان مزال شفتيه *وخدت تليفوني * وكان مزال شفتي ضي ربّي الله لا تربحك واطيتي روسنا *وسكرت عليا الباب *تو يجي بوك يتفاهم معاك انا عجزت
أنت تقرأ
ما لم نراه ( روايات ليبية )
Romanceيوجد اشياء لا نراها الا بعد فوات الاوان و لكن الخطاء ليس مننا الخطاء ان هذه الاشياء لم تعترف الا بعد ان فقدت الامل ؟ كلام معقد ستفهمه في رواية تجمل اجمل صدف الحب ؟ للكاتبة : ميرا رواية من داخل المجتمع الليبي
