ما لا نراه
🥺💙
/ 2 /
ماعنديش خلوق نسمع محاضرة من بابا قمت شنطتي حطيت فيها توتين وحوايج ونقزت من الروشن للجنان زي العادة .. مشيت تسحبت على صوابع رجليا قريب نوصل للباب لكن وقفت لما شفت صاحب زين وشافني .. الهم هذا شن قاعد يدير وقته توا..ماقدرتش نوخر بابا على وصول ولو علق عليا اهنا ليلتي سودة ..
شفتله بتسبيلة عيون🥺 وحطّيت صبعي ع فمّي واشرتله اسس 🤫 وكملت للباب فتحته بالشوية لبست نظاراتي الشمسية باش ندرق وجهي المزرّق ..ومشيت نجري ..
زين:هي خلاص
مالك:جيبلي مية ياراجل مخليني في الشمس تشوشطت
زين:تو ناخدو من الطريق غير هيا
مالك:والله مامتحرك من اهني لين نشرب بنموت
زين:ديما وانت بتموت الزفت بعدين قولي انت الي تعطل فينا .*وخش ينقرز*
مالك:"مشي جنب الباب قعد يطل على البنت الي حاطة شنطتها على ظهرها ووشاحها على نص شعرها وشافتله ببراءة وطلبت منه يستر عليها لقاها وصلت لنهاية الشارع"
زين:ياهووو
مالك:خير فيتك
زين:مش تبي مية شد
مالك:"خداها شرب وهو يفكّر يقوله ولالا زعما لوين هاربة"
زين:حطها ع الروشن وهيا بنخطمو على حوش جداي قبل
مالك:اياه علينا
زين:تي اهوا ورانا
مالك:اه حوش جدك اهني جنبكم؟
زين:ايه على الرجلين
مالك:باهي هي توكلنا
-ركبو في السيارة ومشو ومالك لقي روحه ماشي في نفس الطريق الي مشت منها البنت وتطمن انها هربت لحوش جدها مش لمكان ثاني .. وقال مع روحه *هي تبان صغيرة اكيدة مابوش يخلوها تمشي وقررت تتصرف بصبيانية * ...
كيف وصلت لحوش جداي وخشيت لجداي لقيتها مقيلة ولما حست بوجودي ناضت ..
جداي:ها يازوبة شن مدايرة من عملة ثاني
انا:مانجحتش جداي كلميهم يخلوني في حالي
جداي:تي هذه قرايتك
انا:مش انتِ تزوجتي صغيرة حتى انا نبي نتزوج هيا ارحموني
جداي:تي نوضي بالك تحشمي
انا:نبصروو 😂😂 ايي خدّي 🤕زين ربّشني ياجداي تو يرضيك هكي
جداي:الضرب مرة مرة كويس خصوصا ليك انتِ كان مانعرفكش نقولو
انا:اففف كلكم صح وانا غلط توا
جداي:تغديتي
انا:لا
جداي:بري ع الغاز تلقي عصبان خليت بحسابك قبل بنبعتهولك
انا:من مدايره
جداي:عمتك سميرة
انا؛اوووو عمتي سميرة عصبانها يهبل
جدااي يا جدااي
-وكان صوت هاني ولد عمي الصغير
جداي:ها ياهاني تعال خش
هاني:زين البرا يبيك
انا:ووووه عليا شن يبي لاحقني
جداي:"تفنص فيا على هاني يعاود في الدوة وانا زي الغبية ماركزتش"
جداي:باهي سلم ولدي هاكا برا جيبلي من المحل سكر والباقي خود بيه ليك واسمع قول لزين اهي جداي جاية وماتقوله شي غير هكي فاهم
هاني:باهي
جداي:شن بتقوله
هان:اهي جداي جاية
جداي:ايوه سلم ولدي هي اجري
هاني:عالسريع *ومشي يجري*
جداي:ماتعرفيش تخلي فولة تنبت في فمك
انا:😑😑
جداي:تحركي اركبي للسطح مرات يخش
انا:مكتوبلي الشقي "حطيت شنطتي ورا الباب وركبت جري "
YOU ARE READING
ما لم نراه ( روايات ليبية )
Romanceيوجد اشياء لا نراها الا بعد فوات الاوان و لكن الخطاء ليس مننا الخطاء ان هذه الاشياء لم تعترف الا بعد ان فقدت الامل ؟ كلام معقد ستفهمه في رواية تجمل اجمل صدف الحب ؟ للكاتبة : ميرا رواية من داخل المجتمع الليبي
