ما لم نراه ( روايات ليبية )

حلقة 7🔥

ما لا نراه
 
    / 7 /

.. قالي وين مقعمزة قعدت نقوله في مكاني.. بعدها معاش لهيت بالتليفون قعدت نراقب في الكبلز والي ماشي والي جاي .. نوضت جبت مية عطشت ووليت قعمزت في مكاني معاي زوز بنات كانو يقرو معاي في الثانوي.. حطيتها جنبي وكيف تلفتت فتحت المية وشربت جت عيني في عين حد لين شرقت والحد هذا كان قيس😨.. اخر واحد توقعت نشوفه اهنا .. قمت راسي وطبسته وقمته ثاني نتأكد والله هو 😨
فتحت تليفوني ولقيته مخلي مسجات وينك ؟
وين مقعمزة ؟
من معاك ؟
بعتثله ..
انا:مش قتلي في الحوش؟
قيس:واهو جيت😂 خيرك متلفتة غادي
انا:تي ششن اذير اهنا وكيف عرفتني
قيس:من شبحتك وشرقتك😂😂😂 وياغبية مش انتِ الي قلتي مقعمزة اهني ..غير تلفتي ماشفتكش كويس
انا:انلا شن جيبك هي مش مستعدة 😂
قيس:شن بتقابلي وزير 😂 ياودي مافيك شي تلفتي بنهدرز عليك قبل مانمشي الولاد يستنو

درت العناد ومابيتش نتلفت وقعدت نهدرز مع البنات وقالولي الولاد الزوز الي جنبك مركزين معانا قتلهم يوصفوهملي وطلع هو وطبعا انا رقبتي تشكلت وانا متلفتة يساري ومانبيش نشوفله روحت وحدة من البنات وقعدت الثانية ..
شوية نسمع في واحد يقول عفوا يابنية عندك كنينكس .. مابيتش نرد بعدين قعد يقول نبو كنينكس والله😂😂
طلعته من شنطتي ومديتهوله من غير مانتلفت 😂😂
بعدين بعتلي تلفتي وانتِ عاطيتيه من غير نية 😂
تلفتت وقتله ..
انا:مش ناوي تروح ماوراك شي ؟؟
قيس:*قعد يشوفلي ومبتسم وماقال شي بعدها*تلزي عينك عيني
انا:راقد في الحوش اه
قيس:😂😂 ليك كم يوم توزعي فيا قلت شنو منو نطبها فجأة
انا:وشن لقيتني ندير
قيس:لا شي😂
انا:ايييوه تو بتخرّب سمعتي والّي معجب بيطفش
قيس:يعني انوض نمشي
انا:لا نقولك بس
قيس:مش لازمينك
انا:علاش
قيس:هكي مش ضروري
انا:بارد😑

وقعدنا نهدرزو لين كلمتني رحمة وقتلي جاييني قتله فناض روح واصلا صاحبه مابطلش نقان ويتصل ..
روح وقعدت نبتسم بروحي ونسترجع في الموقف .. بعتلي مسج قالي نسوق اول مانوصل نكلمك طبعا كله مسجات ع المسنجر ..
وصل قبلي لحوشهم وقعدنا نهدرزو ونضحكو على شكلنا كيف كان والصدفة الي جمعتنا كيف قعمزت جتبه من غير مانركز وهو قاعد يدور فيا 😂..
سُبحان الله الدنيا على قد ماهي كبيرة مرات تصغر هلبا ..
بعتلي صورة قطوسة عيونها كبار يعرفني نحبهم قتله محلاها تهبل .. قالي اي زي زوبة عيونها كبار وتتحشم وماخلتنيش نتأمل فيها تلفتتلي بنص وجه وبالسيف ..
وقتها مافهمتش كلامه وضحكت بس ..

اليوم الي بعده مكانش عندي جامعة فقدنا نهدرزو ع النت ودرت بلوك لخالد اصلا من لما تعرفت ع قيس معاش نهدرز عليه هلبا ..
ليل نهار نهدرزو ومايتمش كلامنا وعادي تهدريزنا مافيه شي ..
المُهم اليوم الي بعده اكيد عندي كُلية وماهدرزناش في الليل لأن الضي كان هارب علينا ومافيش تغطية فمشيت للكلية ومافي بالي شي .. حضرت محاضرتي كانت عندي وحدة اليوم هذا بس الي عندي فيه وحدة وطلعت كسدت ع النت .. نستنى رحمة لين تكمل ويجو يروحو بينا ..
وبحكم ماعنديش صاحبات ورزان مزال مايدتش فماعنديش الا النت لين نفد منه .. لكن ملاهيني قيس نهدرز معاه ..