ما لم نراه ( روايات ليبية )

حلقة 1🔥

ما لا نراه

      /1/

🎶
وعيونها ياطيري وتقول فنجان ..فنجان من القهيوة ممتليّة ..
وعيونها ياطيري وتقول فنجان ..فنجان من القهيوة ممتليّة ..
يا عيونك سود وحلوة .. ياعيونك سود حلوة .. ياعيونك .. ياعيونك ..ياا عيوونك
🎶
وسنونها ياطيري وتقول مرجان.. مرجان على اللؤلؤ مختليّة ..
وسنونها ياطيري وتقول مرجان .. مرجان على اللؤلؤ مختليّة ..
يا عيونك سود وحلوة .. ياعيونك سود حلوة .. ياعيونك .. ياعيونك ..ياا عيوونك
🎶
وكفوفها ياطيري تحمل فيها الغيم .. ياغيمةٍ على الموارس معتليّة ..
وكفوفها ياطيري تحمل فيها الغيم ..ياغيمةٍ على ....

-وفي وسط الإنسجام بتاعي ونغنّي في الأغنية الي لما سمعتها اول مرة كرهتها بس بعدين حبيتها جتني مخدة على ظهري نحيت السماعات وتلفتت لقيت ماما والعة ..

ماما:يا زينب الشياطين تعالي جاي شيطيلي ريقي بتجيبلي السكر والضغط ونهايتي على ايدك
انا:نعم نعم خيرك يمه شن درت
ماما:ومزال عندك وجه تسألي تبي تجلطيني انتِ😡 تبي نهايتي على ايدكك😡
انا:غير فهميني شن في
ماما:توا بوك مروح من المدرسة وعندك دور ثاني في المواد كلها ماعدا زوز ع الحافة جايبتيهم طول العام تهزي في راسك علاااش اه اما جامعة الي بتقبلك بمستواك هذا علاش اتعبي فينا
انا:خلعتيني هذا كله ع خاطر القرايا من الأول قلتلكم مادخلونيش ثانوية ونبي معهد تحملو مادخليش قتلكم مانبيش نقرا
ماما:ووووووووه عليا بتقتلني هالفرخة بتقتلني
رحمة:خيرك ياماما شن العياطات هذه واصل صوتك للشارع
ماما:اختك هالجيفة بترزيني في صحتي مش ناجحة الا في مادتين بالدفان
رحمة:لا حول ولا قوة إلا بالله السنة كلها نقوللها تعالي نقريك ماتبيش
انا:انتِ خليك في حالك ماحد كلمك
ماما:تحشمي وكلمي اختك الي اكبر منك بإحترام
انا:😑😑
رحمة:ماتحرقيش اعصابك ماما هذه حياتها ومستقبلها تو تندم عليه بعدين
ماما:مشش عارفة لمن طالعة مافيش حد في صغاري في حياته جاب اقل من جيد جدا وهي شي راسها مسكر لووح حيط
انا:هففففف وبعدين يعني حياتي هي راه
ماما:ماهو حياتك نخلوك تلبزي فيها زي ماتبي من بيك غير قرايتك وشهادتك شوفي اختك ماشاء الله راس مالها قرايتها وماتقيمش راسها من شيتاتها وبروحها نجحت وخشت طب انتِ ششن تبي هاه شن وراك مش مخليك تقري
انا:بنتزوج مانبيهاش الشهادة اول واحد يطق الباب والله ماني راداته واخطوني عليكم ندير مانبي
زين:*جاي يجري من بعيد وشدني من شعري*ياكلبة تعلي في حسك على امك وتقيمي في ايدك وين تحسابي روحك عايشة *وضربني عطاني طريحة نباش القبور *
ماما:ياسر بتقتلها مكانش قصدها اني استفزيتها
زين:خلي تتربى تبيلها ترباية من اول وجديد
انا:والله نقولها لبابا تو تشوف كسرة في ايدك ياحيوان *وهربت سكرت عليا الدار *

قعد يخبط زي الهمجي ع الباب وانا قعمزت نبكي عظامي كسرهم هالثور ربي يفكني منهم معاش نبي نعيش معاهم ..

رحمة:هاكي بدلي حوايجك تو نجيبلك ثلج
انا:مانبي منك شي اطلعي درقي وجهك ومعاش تكلميني بري عند امك يا انسة مثالية
رحمة:ربي يهديك
انا:تشبحي فيا نريش في شعري طيري من قدامي *ودفيتها ورجعت سكرت الباب*

شرين تليفوني مابيتش نرد اصلا من الصبح يرن وكلمتني رزان وقتلي على نتيجتي وطارتلي هو صح انا مش بتاع قراية وهكي مانبيش نقرا خلاص نعرف نكتب ونقرا سادني ماعندي ماندير بيها الشهادة نبي نتزوج الي نحبه ونفتك من هادو..وقالولي مافيش زواج الا بالشهادة فقلتلهم دخلوني لمعهد.. لكن رفضو يتحملو من لما خشيت للثانوية وانا ننجح من الدور الثاني متوقعين في الشهادة بنولي فلتوزة فجأة .. وبعدين كله من اختي الدراه رحمة من لما خشت للطب وحياتي نقلبت هزايب في الطالع والنازل .. من صغري يقارنو فيا بيها وكأن مطلوب مني نكون نسخة منها وشوفي رحمة وشوفي رحمة تي حتى اسمها اجدد من اسمي ويبوني نكون زي مايبو .. هه غير يعبو 😏 ..يحسابو الضرب بينفع مه زي العادة يومين وتمشي الكدمات..
النفاخة رزان هي الي تتصل ومعاش تبي توقف ..رديت
انا:تي ها نفختيهم شن تبي
رزان:وين عمك ماترديش عبدو قالب عليك الدنيا اتصل حتى بتسنيم
انا:خير امه شن يبي
رزان:تي يبيك ماترديش عليه علاش
انا:فكيني منه مخاطريش فيه
رزان:عادي يعني مش اول مرة تجيبي دور ثاني
انا:تي الكلب زين الله يعطيه مايكسره كسرلي عظامي
رزان:يارووحي خيره خوك متوحش مع ان مايبانش عليه
انا؛تي يمثل قدامكم حقير هذا
رزان:شن قالك بوك
انا:مزال دوره امي بس عاودتلي نفس الدسكة
رزان:باهي شن بإديري توا
انا؛شن عندي ماندير بنهرب لحوش جدي
رزان:تعرفي انتِ يوما ما بنتصل بيك يردو عليا يقولولي قتلوها من الي اديري فيه
انا:اصلا حياتي زي قلتها نمشي نغير جوي ونقابل طرف جيران جدي🤤
رزان:مريضة انتِ قلبك قداش فيه حد
انا:قلبي حنيّن يقيمهم كلهم غير طيري توا خلي نمشي مدامه قايلة وقولي لعبدو الداره اماليها قايمين منها التليفون وبيزوجوها
رزان؛علاش مش تحبيه
انا؛بنشوفه بيجي ولالا كان هذا يفضي مكان لغيره ً
رزان:ووه يازيزو على افكارك
انا:على راسك طيرييي
رزان:باي ياباردة😑

ماعنديش خلوق نسمع محاضرة من بابا قمت شنطتي حطيت فيها توتين وحوايج ونقزت من الروشن للجنان زي العادة .. مشيت تسحبت على صوابع رجليا قريب نوصل للباب لكن وقفت لما .......

.
.
.

يُتبع