"مختلفة ولكن "

الفصل الرابع عشر

نظراً للنهاية التي لم ترضي أغلب القارئين ، ونظراً لإختلاف الآراء بين معارض ومؤيد فكرة وجود جزء جديد من الرواية ، ولإرضاء جميع الأطراف "وعلي الرغم أن ذلك صعب ومهما حدث لم ولن يرضي الجميع ولكن الله الموفق والمستعان "،فلذلك قررت أنا جهاد عماد الزيني كتابة فصل تكميلي لأحداث رواية "مختلفة ولكن " والله الموفق والمستعان ونتمني أن يحوذ ذلك الفصل علي رضاكم ...

نتخيل أننا أمام بوابة ضخمة ,وفجاة تٌفتح علي مسرعيها علي أخر مشهد من الجزء الأول حيث الإبتسامات الضاحكة التي تعلو وجوه الحاضريين في الغرفة الموجودة بالمشفي ...

الفصل الرابع عشر "فصل تكميلي"

☆☆☆☆☆☆☆☆☆

عنتر وهو يضحك : ههههههههههههههه مرات اخوكم حامل بركولها ويضحك بشدة

ظل الباقيين ينظرون لهم بغرابة شديدة ، لا يعرفون ماذا بهم ولكن في نهاية المطاف ضحك الباقي معهم آلاء تنظر لجمال وتضحك ، ونور ينظر لآلاء ويضحك وزياد يضحك علي ضحك زيزي وصوته الغريب !

**********************************************

في أحد المقاهي الفخمة تتحدث صافي في الهاتف وتغلق بضيق وتأفف ...

لتنظر إلي أماني وتقول في ضيق : نجي منها يا أماني ،نجي منها وعايش .

أماني بلامبالة : متفكك بئا يا صافي وعيشي حياتك زي مهو عايش حياته .

صافي بضيق: أعيش حياتي زي مهو عايش حياته ! هو المفروض ميعيش حياته يا أماني المفروض يموت بعد كل اللي عمله فينا دا ، لازم يجيلي ندمان علي اللي عملوا معايا ،أنا مهما عملت حياتي مدمرة بردو بسببه هو ،حتي علاقتي بيوسف، يوسف اللي حبني الوحيد اللي حبني بجد من غير ميكون عايز أي مقابل مني بوظ علاقتي بيه وخسارني كل حاجة ، ضحكت بسخرية وهي تقول وأنا اللي كنت ناوية أخسر عشانه هو كل حاجة ! بس أنا مش هسكت أنا لازم أخد حقي وحقك أنتي كمان أوعي تكوني فاكرة إن نور بعد عنك كدا من نفسوا بعد أم كان زي الخاتم في صوباعك هو السبب فضل وراه لغاية مسابك وزق عليه قربتوا دي اللي إسمها آلاء ...

لتنظر لها أماني بتركيز وهي تقول : إنتي إي اللي بتقوليه دا ؟

صافي :للأسف دي الحقيقة اللي عرفتها في الأخر .

لتنظر لها أماني بتفكير ،ثم تمسك بهاتفها وتطلب أحدهم ...

******************************************

في الغرفة المليئة بالضحكات بالمشفي ...

عنتر تتحول ضحكاته إلي غضب مكتوم وهو يقول :بركوا لأخوكم الكداب ومراته النصابه .

ليصمت الجميع في حين يرد سيف في حدة :لو سمحت يا بابا ،مسمحلكش تتكلم عن مراتي بالطريقة دي.