"مختلفة ولكن "

الفصل الأول

الفصل الأول وربنا يستر
☆☆☆☆☆☆☆☆
وقفت أمامه في توتر منتظرة منه رد علي جملتها ، أو بالأخص كلمتها التي خرجت منها بصعوبة بالغة ، ولكنها خرجت ، ظلا فترة طويلة صامتين ، ليقاطع الصمت بسؤاله ...
نور مازحا : أنتي قلتي اية دلوقتي
آلاء بضيق : نور أنت بتهزر
نور : طبيعي لازم أهزر بعد اللي سمعته دا ، لول أنتي زي زيزي أختي وزي ليه شيلي زي دي خالص ، حبي ليكي زي حبي ليها بالظبط ، ايوة أنا كمان بحبك بس زيها ، احنا متربين مع بعض بس بجد عمري مشفتك غير كدا ...
نظرت له في حزن واحراج ، شعر بذلك فحاول أن يتحدث في مواضيع شتي ولكنها قاطعته بسؤالها...
آلاء بجدية : يعني في حد تاني في حياتك
نور وهو محاطا كتفها ذراعه : يا لولو حتي لو في انتي عارفة استيلي في البنات مش انتي خالص بصراحة مش شايفة نفسك في المراية حاولي تهتمي بنفسك أكتر من كدا وبعدين أنا ازاي مخدتش بالي انك ممكن تكوني بتحبيني
آلاء بحزن : عشان حمار
نور بتفكير مصطنع : تفتكري
آلاء : أيوة جدا كمان
نور : بس أوعي اللي حصل دا يأثر علي علاقتنا أحنا أصدقاء الطفولة
آلاء مازحة : هو اية اللي حصل
نور بضحك : بالظبط هو دا المطلوب
آلاء : هتصيع بعد الشغل انهاردة ولا هتروح علي طول
نور بخفوت : هصيع
آلاء بوجه ضاحك : وضيع أوي يا نور
نور مازحا : مش فكرة وضعا بس جايبين شوية مزز يحلوا من علي حبل المشنقة
آلاء : طب يلا سكتك خضرا وانا طاله لزيزي
نور : ماشي سلام
آلاء : سلام 
تركها وذهب لتتحول البسمة علي وجهها لحزن شديد ، تذهب إلي الغرفة لتنظر لنفسها في المرأة ، فتاة مليئة الجسد ، بيضاء البشرة ، قصيرة القامة ، غير مهندمة الملبس ، لبسها رجولي أكثر منه للنسائي ، جسم غير متناسق ، كما انها ذات الخمسة والعشرين ربيعا ، ظلت تنظر لنفسها فترة طويلة قاطعها صوت صديقتها...
عز : بتعملي اية
آلاء بخضة : بسم الله الرحمن الرحيم ( ومن ثم بدأت بالبكاء)
عز باستغراب : بتعيطي من خضتي !
         **************************
أخذت تنظر له بحنق في صمت ، ليلاحظ نظراتها الكريهة له ليقول بلهجة مبتذلة : في اية يا ولية متكليني أحسن
الفتاة : ولا أكلك ولا تكلني أخلص هروح أمتا
عم عباس : نتفق الأول هاخد نسبة كام
الفتاه : خدك عزرائيل يا بعيد
عم عباس بغضب : طب عليا الطلاق مانا موديكي
الفتاة بحركة تلقائية منها تمسك ياقة قميصه المبتل من كثرة العرق نظرا لجلوسه في مكان تسقط عليه الشمس مباشرا ،ارتفعت صوت حنجرتها وهي تقول : في اية مالك ، عمال تبيع وتشتري فيا كدا ليه ، لتكون فاكرني عشان ساكتة مش بعرف ارد لاء بعرف واسكتك كمان ، وطلاق علي طلاقك هتوديني وتشغلني ونسبتك الحلاوة اللي هتدهالك بس كمان ، وعظيم تلاته لو مسكت لكون مفرجه عليك الشارع ومبهدلك في نص منطقتك ومعلمة عليك كمان فصلي علي النبي كدا وتعالي وديني
صمت الراجل في تفكير لم يستطع الرد عليها فصوتها المرتفع اسكتته بالفعل ، كان يظهر من صوتها الجبروت والقوة ، وانها قادرة علي فعل أي شيء
عم عباس بهدوء : خلاص هروح معاكي اوديكي
الفتاة : ايوة كدا رجالة مبتجيش غير بالعين الحمرة
عم عباس : وبعدين بئا مكفاية غلط بئا
الفتاة بصوت جهوري بعض الشيء : لامؤخذة اندمجت
عم عباس : طب يلا اوديكي
الفتاة : يلا ياخويا
الفتاة في الثالثة والعشرين من عمرها ، تتسم ببعض صفات الرجال ، ينعتها من يعرفها بالمسترجلة ؛نظرا للمنطقة التي قد ترعرعت بها ،يظن من يراها من كثرة إهمالها لنفسها بانها قبيحة !سمراء البشرة ،متوسطة ،ذات فم صغير وأنف كبير بعض الشيء ولكنه يليق بوجهها الممتلئ قليلا ، ذات جسد متوسط نستطيع أن نقول انها لا تمتلك من مقومات الجمال شيء ...
ونور ذات الثلاثين عام كثير المزاح ، طوله متوسط ، يمتلك انف كبير وعيون رمادية ، وشعر بني فاتح ، مرح للغاية ...
       ***************************
في أحد المناطق المليئة بالقصور ، وخصيصا في قصر عنتر الشمسي ...
كان يجلس رجل في السبعين من عمره ، ولكن من يراه يلاحظ هيبته ووقاره ، وأمامه شابان وفتاه ...
نور بجدية : أنا هسافر الغردقة أسبوع أشوف أحوال الشغل هناك
عنتر : وسيف اية وظفته في الشركة لو انت اللي هتروح
سيف بخفوت وهو يأكل : سيف أما يدبحكم ونخلص من القرف دا
عنتر بجدية : بتقول إيه مش سامعك
سيف : بقول لا إله إلا الله مش عايز اسافر بصراحة
عنتر بحدة : وهو احنا مش بنديك مرتب شهري عشان تشتغل ولا اية
سيف بخفوت : ابو ام المرتب الشهري اللي مطلع عين اللي جبوني عشانه
لتسمع أخته الصغرى فتضحك
عنتر بحدة : عز
لتنظر له الفتاه بضيق وهي تقول : أسفة مكنش قصدي
ليضحك سيف فينظر له عنتر بحنق وهو يقف في غضب : خلاص مبقاش في احترام ، طب هتسافر انت الأسبوع دا الغردقة ومفيش نقاش
ليتركه ويذهب في ضيق ...
سيف بضيق وهو ينظر لأخيه : وهو لازم اسافر أسبوع ميوم صد رد يعني وبعدين ماحنا سافرنا الشهر اللي فات وبعدين انتا اتسحبت من لسانك ليه يا بعيد
نور بجدية : المال السايب بيعلم السرقة وبعدين اتعدل كدا وانت بتتكلم
ثم يتركه ويذهب
سيف بتريقة : طب اكلم مين دلوقتي طه ، خلاص انور تعالا وهتعدل في الكلام ... أبو الخدود (ثم يخبط يديه في بعض وهو يقول) ولا حياة لمن تنادي عيلة نكد
لتضحك الفتاة فيقول بنبرة استهزاء : في اية يا عز العرب انتي فشتك عايمة ليه انهاردة
الفتاة بضيق : انت ياض الاسم دا مسمعوش منك تاني وغور من وشي كدا وانت عيل مهزق ( واذا بيداها تضعها في وجه وتقوم بزقه ثم تتركه وتذهب ) سيف وهو يرفع صوته ولكن يحدث نفسه لعدم وجود أحد علي السفرة معه : أنا فعلا مهزق عشان عايش مع عيلة زي دي أقسم بالله ...
يدق جرس الباب ، ليفتح أحد الخدام ، ويذهب تجاه سيف ويخبره بأن "عم عباس برا "، ليقف سيف مسرعا ليذهب تجاهه ، ثم يتفاجأ لمن معه فيقف وهو ينظر باشمئزاز لها ...
أمل لعم عباس : ماله دا
عم عباس وهو يكتم ضحكاته : هقولك بعدين
الفتاة  : طيب
سيف وهو يشير بضيق ممزوج بقرف : مين دي
عم عباس : الشغالة الجديدة
سيف : لاء لاء مش عايزنها غيرها
عم عباس : والله يا بيه مفي زي محضرتك شايف انتم مكلمني من اسبوعين ودي الوحيدة اللي جات
سيف : لاء مش عايز منها مشيها ، انتي اطلع برا خلاص هنتصرف احنا
شعرت الفتاة بالإهانة لتنظر له في ضيق ، لم تستطع اسكات لسانها لتقول بلهجة مبتذلة: وانت بتتكلم كدا ليه بروح امك انتا
غضب سيف من لهجتها وطريقة كلامها : انتي اية اللي بتقوليه يا حشرة انتي ، اطلعي برا البيت المحترم دا يا ......
صمت عندما سمع صوت أبيه الجهور : سيف
نزل أبيه درجات السلم في وقار وهدوء وتباطيء بعض الشيء ، ليصل ..
الفتاة بتريقة ولكنها لم تبين العكس : حمد لله علي السلامة يابيه
حاول عم عباس جاهدا منع اظهار ضحكاته من الموقف
ينظر لها عنتر : مين دي
عم عباس : دي الشغالة الجديدة يابيه
عنتر : تعالوا ورايا علي المكتب
سيق يستوقف والده : بابا دي لازم تمشي دي هزقتني وانا واقف
أمل بحزن : محصلش يا بيه انا غلبانة دا هو اللي طردني وكان عايز يطردني ويهني كمان وانا غلبانة ومنكسرة غلبانة والله يابيه ومنكسرة (واذا بها تتصنع أنها ستدخل في نوبة بكاء ليقول ...
عنتر : خلاص خلاص ، سيف استني انت هنا
ليذهب تجاه المكتب ويذهب خلفه عم عباس وخلفه الفتاة التي نظرت له بشماته وهي تقول : يعني علي الحلو لما تبهدله الأيام
شعر بالحنق منها وهو يقول : بنت ال....
لم يطل الوقت بالداخل ، فبعد مرور ربع ساعة خرج عنتر وهو ينادي علي أبناءه ، فيأتون إليه ...
عنتر موجها كلامه لسيف : أومال فين نور
سيف : صمم يسافر هو وقالي هيروح الشغل وهيطلع من برا برا علي الغردقة
عنتر : امممم ماشي المهم دي الشغالة الجديدة ، وهيبقي في نظام جديد دي هتبقي المسئولة عن الشغالين هنا
سيف باستهزاء : مدير الخدم يعني
عنتر : حاجة زي كدا ، ثم ينظر لها قائلا : بصي يابنتي دول عيالي وفي واحد في الشغل هبقي أعرفك عليه بعدين دا سيف 25 سنة ، عز 25 سنة
قالها بنفس الطريقة دون فواصل
الفتاة : يعني اسمه سيف ولا عز
ليضحك سيف ولم يعقب ليتنحنح عنتر وهو يقول : احم احم سيف وعز تؤام
أمل : اهااا أكيد عز اللي راح الشغل أومال القمر دي أسمها اية
عنتر بجدية : اللي في الشغل اسمه نور القمر دي اسمها عز
الفتاة بشفقة ظاهرة : ياااا عيني
ليضحك سيف علي طريقتها
عنتر بجدية : اسمها عز العرب
الفتاة : أكيد علي اسم الست والدتك هانم
عنتر بتفاخر : بالظبط
الفتاة تنظر لعز : معلش يا ست عز الاسماء بتروح وتيجي مش مشكلة يعني ولا نهاية الدنيا أوعي والنبي يكون الاسم ...
عنتر مقاطعا: شكلك رغاية
الفتاة : لا والنبي خالص
عنتر :لا والنبي اية مهو واضح ...
سيف : واسم السكر اية اللي عمالة تحفل دي
عنتر بجدية : جمال
كتمت عز وسيف أيضا ضحكاتهم ، لتقول عز : اذا بليتم فاستتروا يا جمال
جمال بلهجة تدل علي البيئة التي تربت فيهل : متصلي علي النبي في قليك كدا ياست عز
شعرت عز بالأحراج ليتحدث سيف بتريقة : وياتري جمال دا اسم التيته بتاعك
جمال : ولا تيته بتاعتي ولا نيلة ، دا ابويا كان متقل العسار حبتين برشام وشم وقفلهم بسجارتين ، امي كانت بتولدني جه شافني وهو متنيل كدا كنت جميلة وعنياه حلوة وكدا يابيه راح قايل اية الجمال دا ، وصمم علي الاسم وسماني جمال بسأله لما كبرت اية جمال دا يابا قالي لما تشوفي حاجة حلوة بتقولي اية الجمال دا ؟ قولتله ايوة قالي انتي بئا الجمال دا...
اوحت له انها ستكمل بفمها ولكنها صمتت ليقول سيف : ها وبعدين ؟
جمال : لاء بس خلاص اقنعني ابن اللذينا
سيف بتريقة: وافحمني بأمانه هههههههه
جمال : يلا الله يجحمه مطرح مهو قاعد قصدي يكرمه
عنتر :  امممم يلا روحي انتي وهتبدأي شغل من بكرا ان شاء الله و زي متفقنا
أمل : حاضر يابيه سلام عليكم
سيف شاب في الخامسة والعشرين ربيعا ، ذات جسد مفتول ، وطول شاهق ، له ذوق رفيع في اختيار ملابسه ، يمتلك ثقة بالنفس لا بأس بها ، كثير المزاح والضحك مثل أخيه ولكن مع المقربين فقط ، ويحب اظهار تكبره وغروره وشخصيته القوية أمام كل شخص غريب مثل أخيه أيضا ...
عنتر الأب الجدي في عمله ، له كلمة مسموع ، يحترمه من يعرفه ويهابه ، يملك من الطول ما يساعده علي اظهار جبروته وقوته مع ارتداء ما يليق عليه من ملابس ...
عز العرب فتاة كل ما تحاول فعله في الحياة ان تعود أخيها أن ينادوها بزيزي وليس هذا الاسم القبيح ، قصيرة ورفيعة يظن من يراها انها صغيرة وليس في عمر الخامس والعشرون مثل اخيها سيف ...
      *************************
جمال بتفكير : بس اية الراجل العبيط اللي يسمي بنته عز دا
عم عباس : عبيط بئا
جمال  : وابنه الأهطل دا اللي مكنش عايزني وانت كمان بتضحك ليه بصحيح
عم عباس : هقولك ياستي اصله عينه زايغة وكل واحدة تروح تمشي بسبب اللي بيعمله لها ، فانا فكرت قلت انتي الوحيدة اللي هتناسبي للشغلانه دي عندهم
جمال : اهااا عشان شكلي مش كلاس وكدا طب كويس انك قولتلي
عم عباس : ربنا يرزقك ياستي ويعينك انا مكنتش اعرف حكايتك غير لما حكيتي لعنتر بيه
جمال : يلا الحمد لله أهم حاجة الصحة
ليضحك وهو يودعها : طب يلا سكتك خضرا
جمال :احلي مسا عليك
        ****************************
صعدت عز العرب " زيزي " إلي غرفتها لتجد آلاء تمدد جسدها علي الفراش وتأكل حلويات أيضا ...
زيزي : يعني هو بيوضحلك انك تخسي وتهتمي بنفسك وانتي بتكلي حلويات وعلي صبح كدا بت جبلة
آلاء لتغيظها : مالك يا عز العرب انتي محدش عارف يلمك ولا اية
زيزي بغيظ : طب والله كان عندي فكرة عشان تعجبيه بس مش قايلالك بس ها
لتتركها وتخرج من الغرفة
لتنادي آلاء بضحك : أعز .. أبو الصحاب .. متبقاش قموص كدا ههههههههههههههههههه
         *******************************
تأتي "جمال" إلي القصر حاملة حقيبتها ، دقت الساعة السادسة لتدق جرس الباب ، يفتح احد الخدام ، ويستقبلها ، ويريها غرفتها ...
عم محروس : الفطار الساعة 8 و الغدا الساعة 4 والعشا علي حسب اللي جعان هيقول ، البيه الكبير مش بيحب الرغى ، النظام مهم وهقولك تاني البيه الكبير مش بيحب الرغى الكتير يا جمال
جمال : مهو برغيك دا هتنسيني التعليمات ، وبعدين ياعم محروس متقولي يا جوجو أحسن
عم محروس : ههههههههههههههههههه ماشي ياست جوجو
جوجو مازحة : لا نشيل الالقاب اعم محروس قولي جوجو بس
عم محروس : ههههههههههههههه ضحكتيني وانا مليش نفس أضحك
جوجو : وملكش نفس ليه بئا
محروس : والله ابني عيان وكنت عايز ازوره بس زي مانتي شايفة معتمدين عليا في كل حاجة وكنت واخد اجازة من اسبوع ومينفعش اخد تاني
جوجو : ومينفعش ليه ان شاء الله هو انتا هتروح تتفسح دا انتا هتزور مريض
محروس : اصل انا متربي مع البيه الكبير وانا اللي مربيله ولاده فميقدروش يستغنو عني
جوجو : اتكل علي الله ياعم محروس روح اطمن علي ابنك وقولي شغلك اية هنا وهاعملهولك أنا
محروس : ولو البيه الكبير سأل عليا
جوجو : هتصرف أنا متقلقش وبعدين مش هيقول حاجة لما يعرف
ينظر لها محروس بتفكير ، ثم يخبرها كيف يتحرك يومها
        ********************************
استيقظ بخضة من صوت دقات الباب ، ليجري عليه ويفتح الباب وهو يقول بخضة ...
سيف بخضة : اية في اية بابا حصله حاجة
جوجو ببرود : نمسيتك كحلي يا بيه يلا اصحي الساعة سبعة ونص
سيف بحنق : في حد بيصحي حد كدا
جوجو : عم محروس قالي نومك تقيل عايزني اصحيك ازاي احسس علي الباب
سيف : متيجي تخديلك قلمين أحسن
جوجو وهي تبعده من أمامها بيداها وتدخل الغرفة لتروقها : روح استر نفسك يابيه ، وبعدين العين متعلاش علي الحاجب
كانت تفتح ستائر الشرفة وهي تتحدث ، لينظر هو لنفسه فقد كان عاري الصدر ، يرتدي بنطال أسود ...
سيف : ابقي صحيني عدل بعد كدا
جوجو : والله لو مدايق ابقي اظبطتلك المنبه انما طرقتي مش هتتغير ، مش تنامو زي البقر وبتدلعو كمان
سيف بتفاجأ من كلامها : أنتي بتقولي اية
جوجو : بقولك صباح الفل
كانت قد انتهت من ترويق غرفته ، لتذهب وهي تخبره أخر جملة ، لينظر لها في ضيق وهو يقول بضيق : وربنا لطلعوا كله عليكي
ليتفاجأ بها تظهر رأسها له وهي تقول مازحة : خليك رويح
وتذهب ، ليذهب تجاه الكورس ويحمل الفوطة ثم يذهب للحمام ...
        ********************************
تذهب لغرفة عنتر الشمسي ، تدق الباب ثم تدخل لتفتح الستائر الشرفة ، فيستيقظ عنتر ...
جوجو وهي تضع يداها تجاه رأسها "مثل الضباط" : صباح الخير يا باشا 
عنتر : صباح النور
جوجو : نص ساعة والأكل هيكون جاهز علي السفرة
عنتر : اومال فين محروس ؟ مجاش يصحيني هو ليه
جوجو : ابنه تعبان جدا وراح يطمن عليه
عنتر باستغراب : من غير ميقولي
جوجو : لا يا باشا مانا هاخد مكانه وهسد بعون الله
عنتر باستهزاء : هتعرفي
جوجو بحماسة : هبهرك
عنتر : يعني هتعرفي
جوجو بخفوت : هو مبيفهمش ولا اية ، ثم تتحدث بصوت مرتفع : هبهرك يا باشا
عنتر : أما نشوف
لتتركه وتذهب إلي غرفة زيزي ...
تدق الباب وتدخل ، تفتح ستائر الشرفة ، لتقول في ضيق : اية كمية البلكونات اللي في البيت دي ، ياست هانم يلا اصحي ...
تستيقظ زيزي في تكاسل في حين تخرج آلاء من الحمام.
جوجو : مين حضرتك
آلاء : أكيد مش حرامي
جوجو مبتسمة : اقتنعت كدا
لتضحك آلاء وهي تقول : البت اللي بتصحيها دي أنا بنت خالتها
جوجو : اهلا يا هانم منورنا والله
لتشير آلاء برأسها وهي تقول : والحلوة ؟
جوجو : أنا ج....
يقاطعها صوت زيزي : جمال الشغالة الجديدة
جوجو : قوليلي جوجو ياست زيزي دا احنا ولايا زي بعض
آلاء مازحة : كملي واللي بيته من الازاز ميحدفش الناس بالطوب
لنضحك جوجو وهي تتحرك للخارج : هههههههههههههههههه نص ساعة والفطار يكون جاهز تحت ...
آلاء بتحمس : استني ، استني ، استني
لتقف جمال وتذهب تجاهها آلاء التي وضعت ذراعها علي كتف جمال وهي تقول : هتعملي فطار اية
جوجو : بيني وبينك عم محروس قالي فطار كدا حساه مبيشبعش وكنت عايزة اعمل فطار غيره بس هو قالي لاء عشان البيه الكبير مبيحبش يغير حاجة متعود عليها
آلاء بخفوت وهي تغمز بعينها : طيب والفطار اللي كنتي عايزة تعمليه هيبقي اية
جمال : فضلت خيرك كدا يا هانم قرص بيض كدا بالسمنة البلدي وطعمية وفول بطماطم ، وبطاطس مهروسة بالسمنة البلدي بردو و بطاطس صوباع وبابا غنوج ، وعجة و جبنه قديمة بطماطم مع عيش سخن كنت هجيبه من الفرن وتحبسو بالشاي و....
آلاء : واية تاني جوعتيني (لتصمت قليلا) طيب بصي يا جوجو احبيبت ألبي انتي اعمليلي انا الفطار دا واعمليلهم هما الفطار بتاعهم
جوجو : عيني يا هانم وهتاكليه معاهم علي نفس السفرة
آلاء : ايوة
جوجو بحماس : ماشي هاروح اعملك احسن فطار
آلاء : هتعرفي تعملي ولا هتفاجأ
جوجو : عيب عليكي يا هانم بتكلمي هاوي عن اذنك
آلاء : اذنك معاكي اجميييل
تذهب جمال ، لتتحرك آلاء داخل الغرفة ولكنها تلتفت لعيون زيزي التي كانت متركزة عليها …
آلاء : اية في اية
زيزي : متقولي اللي عندك انتي احسن
آلاء : انتي عارفة اني معنديش ارادة
زيزي : عارفة ودا براحتك بس متجيش لما يتجوز واحدة تانية تعيطتي
لتهب من علي الفراش وهي تقول : بس اقدر أأكدلك ان نور ممكن ياخد باله منك لو اهتميتي بنفسك وخسيتي
آلاء : تفتكري
زيزي : انا متأكدة
تذهب آلاء تجاه الشرفة وهي تفكر في ماذا تفعل ...
في هذه الاثناء ، عند خروج جوجو من غرفة الفتيات ، مرت بغرفة سيف ، لتنظر بابتسامة ، ومن ثم تقترب بسرعة من الغرفة لتدق الباب بقوة ، ولكنها تفاجأت بصوت يأتي من الخلف ...
سيف : بتخبطتي علي أوضتي ليه
جوجو بخضة : بسم الله الرحمن الرحيم خضتني يابيه
سيف : كنت متأكد انك جاية تغتتي تاني
جوجو : لاء كنت بطمن بس انك صحيت
سيف بضيق : لا اطمني
جوجو : يا بيه انتا حطتني علي راسك وزاعئ ليه ...
سيف : زاعئ ! وهزاعئ ليه بئا ! وهو يعني اية زاعئ دي اصلا
جوجو وهي تحاول أن تشرح بيداها : زاعئ دي زي ....
لتصمت وتنظر له ثم تتحدث بتعالي مصطنع وهي تقول : دي حاجة لو عرفتها تبقي عمدة
سيف بضيق : عمدة ! امشي يابت انجري علي شغلك انتا هتصحبيني ولا اية
ثم يتركها ويدخل غرفته ،ويغلق الباب بقوة ، لتنظر له بضيق شديد جعلها تذهب ولكنها توقفت عندما سمعت صوته وهو يقول : هو فين عم محروس
جوجو بحنق : معرفش روح دور عليه
وتتركه وتذهب ، ليقف يفكر في رد هذه الفتاة وهو ينظر لها باستغراب حتي اختفت من امامه سيف في نفسه : هي عبيطة دي ولا مالها ...
              **************************
علي الفطار ، وكعاتهم يترأس عنتر السفرة ، وعلي يمينه سيف وعلي يساره ابنته زيزي و بجانبها ابنه خالتها آلاء ، أخذ ينظر إلي الطعام الذي أمامه باستغراب ، لينادي علي الخادمة ، فتأتي إليه جمال وهي تضع يداها بجانب رأسها " مثل تحية الضباط " وهي تقول ...
جمال : ايوة يا باشا
عنتر باستغراب : هو محروس مقالكيش علي النظام هنا
جمال : لا يا باشا قالي
عنتر :طيب مدام قالك اكيد قالك احنا بنفطر اية
جمال : ايوة يا باشا
آلاء : انا يا خالو طلبت منها انها تعملي الأكل دا نفسي هفاني عليه بقالها كام يوم
عنتر بتفكير : هفاكي امممممم طيب بالهنا والشفا
جمال وهي تضع يداها مرة اخري بجانب رأسها : تؤمرنيش بحاجة تاني يا باشا
عنتر باستغراب : انتي ليه كل شوية بتعملي ايدك كدا
جمال : احترام يا باشا وبعدين حضرتك ليك رهبة كدا لازم نحترمها هيا كمان ...
ليشير بإيده لها وهو يقول : خلاص خلاص
جمال : طيب يا باشا مدوق الفطار دا هيعجبك اكتر
عنتر : الكولسترول فيها عالية جدا
جمال باستغراب : كروسو اية يا باشا دا ، دانا فول وطعمية
ابتسم سيف علي جهلها ، لينظر لها عنتر لحظات وهو يقول : معلش كنت بحسبوا كروسو لأني معرفش شكله حاضر هدوقه
لتبتسم ابتسامة نصر له ثم تتركهم وتذهب ، لم يضع سيف يده في الطعام الاخر ، في حين آلاء التي كانت تأكل في نهم منها ، لينظر لها عنتر وهو يقول : انتي امبارح مردتيش تفطر معانا عشان عايزة تخسي اية اللي جرا دلوقتي
آلاء وهي تترك الطعام وتتحدث بضيق مصطنع: بصي في اللقمة بئا يا عمو ، لا إله الا الله
عنتر :  محمد رسول الله كلي يابنتي كلي يكش تفرقي هو جسمك ولا جسمي
آلاء : حبيبي يا عمو حبيبي ، حبيبي ، حبيبي طيب متيجي تدوق )لتقوم بالغمز له وهي تقول) هيعجبك
عنتر : تؤ مليش في الأكل دا
          *************************
جلس علي مكتبه بعد يوم عمل طويل ، ليخرج الهاتف ويتصل بأحدهم ...
نور : وحشتيني
أماني بدلع : يا سلام يا سيدي أومال متصلتش بيا ليه من الصبح
نور : انتي عارفة ان الشغل هنا محتاج متابعة وتركيز جامد
أماني بدلع : لاء بردو زعلانة
نور : وأنا لما ارجع هاعرف ازاي اصالحك
أماني بضحكة مايعة : ههههههههههههههه امممم وبعدين
نور : وبعدين ياستي وحشتيني جدا وعايز اشوفك جدا
أماني : جدا جدا
نور : جدا جدا يومك كان ماشي ازاي وانا مش فيه
أخذ يتحدثن قرابة ساعتين ...
        ***************************
في قصر عنتر الشمسي ، حيث تجلس آلاء و زيزي في حديقة القصر ، لتأتي إليه جوجو وتجلس معهم ...
آلاء : جاية تقعدي كأنك قاعدة في بيت ابوكي ، طيب حتي استأذني ...
جمال : هههههههههههههههههههه  ياستي الواحد تعبان ومفيش حيل للشكليات دي
آلاء : الا قوليلي صح يا جوجو اية الفكرة من جمال دا
لتقص عليها جمال حكاية والدها وتنهي الكلام وهي تقول : يلا الله يجحمه قصدي يكرمه
آلاء : ههههههههههههههههههه كنتي مختفيه فين بقالك ساعتين
جوجو : روحت شوفت الاوض اتروقت ولا لسه وبعدين روحت عملتلكم الغدا ، اموت واعرف اية كميه الأوض والستاير اللي في القصر دا واية لزمتها اساسا الفشخرة الكدابة بتاعتكم دي والله اللي يدور وراكم يلقوكم شحاتين اساسا ومش لاقين تأكلوا...
زيزي : متحترمي نفسك يابت
جوجو : يعني اية ! حتي انتم مش هاعرف افك معاكم بكلمتين
آلاء : صلي علي النبي في قلبك كدا وفكي ياختي بس مش اوي كدا عشان متنسيش نفسك
جوجو : ياستي العين والله متترفع عن الحاجب ميغركيش بتكلم كدا بس والله بهزار
آلاء : عاملة غدا اية
زيزي : انتي مقرفة اوي يا لولو
لتضحك جوجو وهي تقول : عايزاها تخس بردو
زيزي : والله عشانها مش عشاني
جوجو بتهكم: طيب ياست هانم متخدي بالك من نفسك الأول روحي البيوتي سنترهات....
آلاء مقاطعه : دا اللي هو جمع بيوتي سنتر
جوجو بنفس نبرتها : أيوة مانتي متروحيش واحد بس لاء جربي لغاية متروحي لأحسن واحد وشقري شعرك والبسي جيبة كدا فستان كدا لبس كشول كدا ...
آلاء مقاطعة مرة أخري : كشول اللي المفروض كجول قصدك
جوجو : أيوة
آلاء وهي تهزر رأسها : أممم كملي سمعاكي
جوجو بنفس نبرتها : وبس هتلاقي نفسك مع الاهتمام دا بدأتي تبصي لنفسك وتحسي انك محتاجه تخسي عشان تجربي الطقم دا والفستان دا فهتتحفزي وتخسي ...
آلاء بتفكير : كلام جميل
زيزي : كان غيرك اشطر ، انتي فاكرة اللي بتقوليه دا هيأثر فيها خالص ، مفيش اكتر من انها تحب واحد ويكسفها ويقولها جسمك وحش ومحدش يبصلك زي مقالها دا اكبر حافز انها تخس بس مأثرش فيها ...
جوجو : ابن الوارمة البعيد كسفك كدا ، اللهي ميوعي....
زيزي بخضة : بس
آلاء بضحك : الوارمة ! شتيمه جديدة دي
زيزي : جمال اللي بتشتميه دا اخويا
جوجو : يوه يقطعني معلش ياست هانم بس بردو ميكسفهاش كدا
زيزي : يا شيخة اتلهي يعني انتي كنتي شايفاها اتأثرت
جوجو : بس بردو ميكسفهاش كدا
كانت آلاء تستمع إليها ولم تشاركهم الحديث ، لينظرن إليها ، لتتنهد وهي تقول : في مشبك في التلاجة ؟
زيزي بغيظ : ياربي ارحمني من أمها بئا 
آلاء : الله وانا أمي مالها بئا
جمال بجدية : ست آلاء
آلاء : نعم
جمال : متقولي اللي جواكي وخلصي
آلاء : هههههههههههههه اللي جوايا لو شبع هيتكلم
زيزي : روحي ياستي جهزي الاكل اساسا بابا ربع ساعة بالكتير ويجي
جمال : وسيف بيه
آلاء : دا جه من ربعاية كدا وطلع أوضته
جمال : خلاص هاقوم اجهز الاكل واحطه علي السفرة
           ******************************
يمدد علي الأريكة عاري الصدر ، واضعا قدم علي أخري ، علي ثغره ابتسامة تملئ وجه ، وبين يده يحمل هاتف واضعا إياه علي أذنه ...
سيف : حددي المكان اللي عايزه تروحيه وهودهولك ... ياستي هفضيلك نفسي ...
دق احدهم  باب غرفته ويدخل ، لينظر سيف ويتفاجأ بجمال ، ليشير بيده أن تخرج الآن ، لتتقدم جمال وهي تقول ...
جمال وهي تغمز بعينيها : الحته ها ؟
رمقها سيف بعينيه ، فأشار بيديه أن تذهب مرة أخري لتقول : خلاص نازلين كنت جاية أقولك الأكل تحت تعالي اتغدي ، واستر نفسك قبل متنزل
ينظر سيف لنفسه ثم ينظر لها وهو يقول بتوتر : لا ياحببتي معاكي هاروح فين يعني بس الخط نغمش كدا مرة واحدة قوليلي كنتي بتقولي اية
جمال بابتسامة : حببتي ! ومتوتر كدا ليه ! متخفش مش هتعلقلك حبل المشنقة لو مسمعتش
سيف ينظر لها بحنق ليضع يده علي سماعة الهاتف وهو يقول لها : اطلعي برا
جمال : مش هتتغدي
سيف : مش هطفح
جمال : شالله عندك مطفحت
سيف بضيق : برا
لتدير وجهها وتذهب للخارج ولكنها تتوقف وتتحدث بصوت مرتفع وبميوعه : متلبس بئا يا سيف خلينا نقابل البت مني
سيف : لاء يا حببتي ...اسمعيني بس ...دي الشغالة ...لا والله مواخدة عليا ...هي ... سلاااام
لينظر لجمال التي كانت تستمع لحديثه بالهاتف ، أغلق الهاتف ليرمقها بغل فتقول هي ببلاها : اية ! خلاص قفلت
سيف وهو يجز علي أسنانه ويذهب تجاهها : طيب وربنا لأطلعوا عليكي دلوقتي
شعرت بالخوف لتجري من أمامه ولكنه لم يشعر بنفسه ، غير وهو يجري خلفها ليلحق بها ، نزلت درجات السلم مسرعة ، وهو يلاحقها ،أخذت تحثه علي أن يهدأ ببعض كلمات " استهدي بالله يابيه والله كنت بهزر معاك " ، ليجب عليها بضيق " هطلعه عليكي يعني هطلعه عليكي " ،ولكن كانت دون جدوي ، جري خلفها حتي المنضدة التي تجلس عليها آلاء وزيزي ...
جمال وهي تلهث وتجري ناحية آلاء : الحقيني ياست آلاء عايز يضربني
تذهب لتقف خلفها ، حيث وقفت آلاء وفردت ذراعها لتأمنها خلفها وهي تقول ...
آلاء : خير يا سيف اية اللي حصل
سيف بضيق وهو يتحرك كالنمر كي يجد أي ثغره ليمسك جمال منها : أنا همحيكي انهاردة
زيزي تمسك اخاها وتقول : استهدي بالله يا سيف وتعالي قولي في اية
جلس علي الكورس ومازال ناظرا لها وهو يقول : في أن الهانم شيفاني بلعب معاها في الطينة وبتهزر معايا
جمال : يابيه العين متعلاش علي الحاجب
سيف بغضب : معاكي انتي علتيها
زيزي : طيب هي عملت اية
سيف : بكلم صافى ياستي راحت.....
يقاطع كلامه آلاء مازحة وهي تقول : أحلي مكالمة دي ولا اية
لتضحك جمال وهي تقول : ولا اية ههه8ههههههههههههه
يتبع ^^
رايكم مهم جدا حلوة كبداية ولا لاء وياريت  بلاش متابعة وخصوصا في أوائل الفصول دي ^^
#هلوسات_هامستر