"مختلفة ولكن "

الفصل الثالث

الفصل الثالث
☆☆☆☆☆
زيزي بغضب وهي تبعد يداها عن رأسه التي كانت تداعبها فقد كان ممدا علي الفراش وواضعا رأسه علي حجرها وقد قص عليها ما فعله : انتا اتجننت يا سيف 100 الف
سيف وقد جلس : اعمل اية انا متغاظ من صافي جدا وملقتش غيرها قدامي وحكتهلها وكنت سخن فتفقت معاها
زيزي باستغراب : جمال كمان هي اللي هتعمل الدور دا
سيف : ايوة للاسف
زيزي : اللي يدايق اخويا يدايقني سبلي البت جمال تلت ايام هفرمطهالك لدرجة انك مش هتعرفها ونجبلها كام طقم تقضي بيهم الاسبوع دا
تدق جمال الباب مقاطعه وهي تقول : عندك غسيل يا هانم
سيف : هسبهالك من بكرة وفي اقرب وقت تكون جاهزة
زيزي : ماشي
سيف مواجها كلامه لجمال : خلال اسبوع جتلي هتخدي ال100 الف مجتليش ملكيش حاجة عندي
جمال : موافقة بس اديني عربون 20000 عشان حرام اتعب علي الفاضي
سيف بتفكير :ماشي بكرة هيكونوا عندك
جمال بتحمس : علي خيرت الله ، هاروح اشوف نور بيه عنده غسيل ولا لاء عشان روحتله من شوية كان في الحمام
زيزي : عقبال متروحيله اكون انا لميت الهدوم
جمال : ماشي ياست هانم
      *********************************
تدخل جمال علي النور الذي كان يتحدث بالهاتف قائلا : لاء لسة النور قاطع خليكي معايا لغاية ميجي
لتنظر جمال حولها وتجد أن النور ليس بمقطوع لتغمز له وهي تقول : الحته ها ؟
نور مبتسما يؤما برأسه لها لتقول ببلاها : وبتشتغلها ...
نور محدثا في الهاتف : ثواني يا حببتي
ثم يوجه كلامه لجمال : عايزة اية يا جمال
جمال : عايز تطرئني ماشي عندك لبس للا مؤاخذة وسخ
نور : عندك علي الكرسي هناك
جمال مبتسمة : ماااشي
        *******************************
في مساء اليوم التالي ، تضع جمال صنية العصير لسيف واخته زيزي
جمال :اتفضلوا
زيزي : اعملي حسابك هاننزل نشتري لبس بكرة
جمال : ماشي فين السبيت
كان يجلس سيف واضعا قدم علي أخرى ليقذف علي المال علي المنضدة قائلا : خدي
لتنظر بتأمل للمال ثم له فتبتسم ثم تأخذ المال قائلة بمرح : ماشي يا كبير بكرة هبقي جاهزة عن اذنكم
لتتركهم وتذهب لتنظر زيزي إلي اخيها معاتبة : انتا ليه مدتش الفلوس في ايدها انتا احرجتها اوي حسستها انها شحاته
سيف : مهي كدا فعلا طلبت فلوس زيادة عن حقها
زيزي بضيق : والله انتا لو مش عايز تدهملها مكنتش وافقت
سيف : وانتي مدايقة ليه هي نفسها مخدتش بالها
زيزي : تفتكر
سيف : متأكد عشان لو خدت بالها كانت بجحت كعادتها يعني
تنظر له زيزي ثم تأخذ كوب العصير وترتشف منه ...
          **********************************
نور : الو
آلاء بقلق : نور أنا محتجالك ضروري دلوقتي
نور بقلق : خير يا آلاء اية اللي حصل
آلاء : مش قادرة اتكلم دلوقتي تعالي علي العنوان دا دلوقتي .......
نور : حاضر مسافة السكة ...
يغلق معها ويبدأ بارتداء ملابسه ، ليجد اتصال فيجيب
نور: حببتي عاملة اية
أماني بميوعة : انا قاعدة في النادي متيجي ونعمل مسابقة في السباحة الماية حلوة اوي هنا
نور تفكير : في مشوار كدا هقضيه واجيلك
أماني : مشوار اية
نور : آلاء محتاجني ضروري هشوفها عيزاني في اية واجيلك علي طول
أماني : آلاء دي اكيد بتدلع وهيكون في سبب تافه فكك منها وتعالي هنا وانا مستنياك يلا سي يو بيبي
لتغلق الهاتف دون سماع أي عذر منه ليفكر قليلا ومن صم يقوم باتصال ...
نور : الو يا الاء معلش حصل ظروف كدا ومش هقدر اجيلك خالص هي حاجة مهمة ولا لاء يعني لو مهمة هتضطر اجيلك بيا وامري لله 
آلاء بجدية : لاء خلاص يا نور أنا خلاص حلتها متشكرة
نور مازحة : دا واجب يابنتي لازم اساعدك وكدا
آلاء : هههههههههههههههه طيب يلا سلام
نور : سلام
           ******************************
تخرج جمال من المشفي وهي حاملة طفل لتقول له ...
جمال : ادينا يا سيدي خرجنا من المستشفي وجبسنا رجلك تحب تاكل اية نحتفل بيه انك قومت بالسلامة
الطفل بحماسة : كشري
جمال : يلا كشري
تدلف احدي محلات الكشري و تضع الطفل علي احدي الكراسي وتجلس بجانبه وتجلس آلاء معهم وامرأة اخري "أم الطفل "
جمال : موضوع سهل اهو واتحل ومش محتاج كل القلق دا ياستي
آلاء : انا متشكرة جدا يا جمال والله أنا أول مشوف كدا خفت اوي واول حد اتصلت بيه (تنظر علي الأرض في خذلان لتقول ) نور بس هو مكنش فاضي فرحت اتصلت بيكي
جمال بمرح : ميجبها الا ستاتها يا ست آلاء وهو فعلا نور بيه الحمل عليه تقيل اوي
آلاء : ولا تقيل ولا حاجة متهيالك دا سيف هو اللي معكوك في الليلة دي
جمال مغيرة الموضوع : بس انتي خسيتي كدا ليه بتعملي رجيم ولا اية
آلاء : هههههههههه لاء بأكل بس بالمعقول كدا ، خلاص مبقتش اكل علي الفاضي والمليان وبعدين بئا مش فاضية زي زمان فمبقتش افكر في الأكل
جمال : اية حكاية الست ام أحمد بئا
آلاء : بصي الموضوع بدأ من تاني يوم روحت فيه بيتنا ، لقتني روحت كل بيت حولين واتفقت معاهم ان الأكل اللي هيتبقي منهم يبعتهولي وانا هعلبوا واديه للناس المحتاجة
جمال بفرحة : كلام جميل جدا
آلاء : واشتركت في جمعية صغيرة كدا عملنها مجموعة شباب صغيرين وبدأنا كمان ندور علي شغل للناس دي بدل ميقعدوا من غير شغل لغاية مفمرة لقينا الست ام أحمد دي جيالنا وبتشتكي اخوات جوزها طردوها بعد مجوزة الله يرحمه توفاه الله وملهاش بيت ولا عارفة تعمل اية طبعا اول حاجة فكرنا فينا نلاقي ليها شقة ولقينا شقة ايجار وبنفع احنا ايجارها لغاية متشتغل انهاردة كنت عندها بقولها لقينلها شغل فكنت بتفرج علي ابنها وهو بيلعب كورة اتكعبل وقع راحت رجلة اتكسرت المنظر كان صعب اوي ورجله مكسورة بالعكس كدا بس ياستي روحت اتصلت بيكي وجيتي ساعدتيني انا مكنش فيا اعصاب من المنظر
جمال : انا عنتر اخويا رجله اتكسرت قبل كدا فمتعودة
آلاء : نظمت مواعيد اكلي بقيت مليش نفس أكل كل ماحس ان لسة في ناس بتنام من غير عشا و محرومين انا حساهم ملزومين مني بقيت احس بالذنب وانا بأكل بقيت اروح اكل معاهم
جمال : انتي جميلة يا ست آلاء والله عشان بتفكري في الناس كدا متكلمي المنطقة اللي احنا فيها كمان
آلاء : بكرة هاروح أنا وشوية معايا نلف في القصور دي ونشوفهم ...
ام أحمد : الله يباركلك يارب ويرزقك بابن الحلال اللي يفرحك
جمال : يارب
لتضحك آلاء ليأتي النادل وتدلي جمال بطلباتهم ويأكلن ومن ثم يذهب كل شخص الي منزله
         ********************************
في صباح اليوم بعد أن ذهب كل شخص إلي عمله اخذت زيزي جمال وبدأن في التسوق ، قاست الكثير من الملابس القبيح منه والجميل ، ومن ثم ذهبن إلي احدي المراكز التجميل الشهيرة وقامت الفتيات هناك بتغير الكثير في جمال قصة شعر وبثرثرتها الكثيرة تعلمت من الفتيات وضع مستحضرات التجميل وأي تسريحة ستليق عليها ومتي تلبس هذا ومتي ترتدي ذاك ، والكثير والكثير من الأشياء ...
دلفن المنزل في المساء ، كان قد خلد عنتر الشمسي إلي فراشه ، نور يسهر في الحديث مع حبيبته وسيف في غرفته ...
تدق زيزي الباب في خفة وتدخل علي أخيها ...
زيزي بمرح : بتعمل اية
سيف : بشوف شوية ورق هناقشة بكرة في الاجتماع
زيزي : طيب انا لسة جاية انا وجمال نضفتهالك
ليقف وهو يتحرك : هاروح اتفاجأ يعني
زيزي : هتروح فين ؟
سيف : انزل اشوفها
زيزي : بكرة اجازتها فمشيت من برا برا عشان تشوف اهلها وكدا
سيف بضيق : حبكت دلوقتي يعني
زيزي : انا رايحة اخد شاور وانا عشان تعبانه يلا تصبح علي خير
سيف : وانتي من اهل الخير
        **********************************
تجلس معهم جمال بمنظرها الجديد ...
أبيها محمد وهو ينفث الشيشة الموضوعة أمامه ويعدل الحجر الموضوع عليها : بس البشوات اللي شغالة عندهم نضفوكي اوي
جمال بضيق : لا انا نضفت لما غورت من خلقتك
محمد بزعيق : قصدك اني وسخ يا تربية وسخة
تقف لتعطيه المال ليصمت وهي تقول : انتا اللي بتقول اهو مش انا
ينسي محمد ما غضب ويمسك المال من يداها بحماسة ويقوم بعده في صمت ...
أمها (نوال) : تعالي يابنتي ارتاحي في اوضتك
لتدخل نوال وابنتها جمال الغرفة ...
نوال : قوليلي بئا اية التغيير دا كله اللي حصلك
جمال مبتسمة : مفيش ياما وبعدين شكلي وحش يعني
نوال : وحش دا جمالك ظهر ربنا يحرصك بس يابنتي هقولهالك تاني يمكن تكوني سهيتي عنها عمر العين مهتعلي عن الحاجب
جمال : عارفة والله ياما قوليلي انتي بئا مقلتليش انك كنتي شغالة عند عنتر الشمسي دا قبل كدا
نوال : بصي يابنتي انا هحكيلك عن حاجة عمري محكتها لحد بس عشان حاسة انك بتدأتي تحلمي احلام مش بتاعتنا مش من توبنا
تنظر لها جمال بقلق يشوبه بعض الضيق لتكمل نوال
نوال : انا ابويا الله يرحمه كان شغال جنيني عند شوقي الشمسي ابو عنتر بيه وقبل ميموت وصاه عليا فهو خلاني اشتغل خدامة عندهم ومن هنا بدأت حكايتي حبيت البيه ...
جمال بخضة : عنتر الشمسي
نوال : وهو حبني كمان كانت احلي قصة حب لغاية مراح لابوه وقالوه انو عايز يتجوزني ابوه رفض وزعق وكان هيطردني بس خاف ليجي ورايا ويتجوزني فرح جوزني السواق الجديد بتاعه وكمان عشان كان واخد باله انو عينه مني جوزني ابوكي محمد ومشاه خلاه يشتغل عند صحبه عشان يقطع اي حاجة ممكن يشوفني فيها وجبتك وجبت اختك مديحة وجبت اخوكي
جمال : اخويا اللي صممتي تسميه بنفسك وسمتيه علي اسمه
نوال بحزن : اخوكي اللي مصبرني علي العيشة دي
جمال بحزن : ابو عنتر بيه دمرك ودمرنا معاكي عشان اتجوزتي واحد زي محمد دا
نوال : هو كان عايز ينقذ ابنه بردو
جمال بحدة مكتومة : بس دمرنا احنا اللي ملناش ذنب
نوال : انا اللي وافقت اعيش مع ابوكي واستحمل
جمال : انتي مكنش ينفع ترفضي كنتي هتقعدي فين وهتروحي فين
نوال بقلة حيلة بعد تنهيدة : الحمد لله
جمال : اطمني ياما انا عمري مانسا انا جاية منين واصلي اية وعمري محلمت حلم اكبر مني كل الحكاية ان ابنه سيف حببته سبته وعايز يرجعها ومستخدمني اداه وهيديني مبلغ محترم هدفعه تقديمه شقة وتطلقي من ابويا ونروح نعيش فيها ، متقلقيش ياما كل اما افكر ان ممكن مكملش التفكير واقول عمر العين مهتترفع علي الحاجب والدكتور هيتجوز دكتورة و المهندس هيتجوز مهندسة والغني هيتجوز غنيه والخدام هيتجوز خدامة وانا عمري مهتجوز خدام فمش هتجوز وهشتغل وابني مستقبل اخواتي ...
بكت أمها علي كلامها وبكت هي ايضا لتدفن رأسها في حضن أمها التي اخذت تطبطب عليها ....
       **********************************
تقضي الأجازة مع اخيها واختها وتقوم بالمذاكرة لهم لتتأكد من مستواهم الدراسي ....
جمال مسلمة علي أمها : خدي ياما الفلوس دي واهتمي بدراستهم اكتر من كدا وبمذاكرتهم انا الفترة الجاية مش هقدر اجي فهبعتلك الفلوس مع عم محروس
نوال : حاضر يابنتي اطمني
جمال تحضن امها : مع السلامه ومتقلقيش عليا
نوال بحنو : سلام يابنتي ربنا يحرصك يارب
        ******************************
في القصر وخصوصا في غرفة سيف يجلس يقرأ اوراق معينه ليدق الباب بعنف كالعادة ولكن هذه المرة مختلفة بالنسبة له فقد يريد ان يتفاجأ بمظهر جمال الجديد ولكنه يجد اخته زيزي ...
سيف : من امتا بتخبطتي كدا
زيزي بمرح : جوجو هي اللي قالتلي كدا تعالي شوفها وهي مظبطته نفسها بنفسها هههههههههههههههه
سيف : بتضحكي ليه شكلها طينت الدنيا
لتضحك ومن ثم تقول :انا رايحة اوضتي ياعم ومليش دعوة انا عملت اللي عليا وزيادة
أكد هذا احساسه بانها لم تتغير كثيرا ، يتحرك ليراها ولكنه لم يكن متحمسا ينزل درجات السلم في تبطئ ليجدها تجلس علي احدي الكراسي معطيه ظهرها له ...
سيف بضيق : وكمان مدياني قفاكي خد اية اصلا من وشك عشان تديني قفاكي
تلوي رأسها للخلف لتراه قبل أن تقف وتعدل جسدها تجاهه فتتحرك خصلات شعرها في حرية شديدة وتستقر بالخلف ، فتح فاهه بانبهار شديد ، خصلات شعرها مع هذا الفستان الرمادي اللون وهذا الكعب العالي الذي اعطاها انوثة غير معهودة منها ، وجهها المختلف وضحكتها المرسومة التي لم يكن ينتبه لها من قبل ، يقترب منها وعينيه مثبته عليها عينيه التي تعطي ايحاء بالأعجاب لمن أمامه مع هذه الابتسامة التي دائما ما تزيد من جاذبيته لتجعل كل الفتيات لا يستطعن عدم النظر له ، نظرت له بعينيها المرسومتان ، ليمد يده لها فتسلم عليه ولكنها تتفاجأ به عندما ينخفض لها ومن ثم يقبل يداها لتبعد يداها مرة واحدة وهي تقول ...
جمال : انتا اتهبلت يا سيف بيه ولا اية بتبوس ايدي
سيف بحنق : انا اسف اني افتكرتك انسة اسف
جمال : ولو بردو يابيه مش كدا عين متعلاش عن الحاجب اوعاك تعملها تاني يعني مش مقامك والله
سيف : لهجتك دي اللي هتوديني في داهية لو كلمتك
جمال : يا بيه انتا بتكلم هاوي كله علي الله
سيف : ربنا يستر روحي يلا نامي وبكرة هنروح النادي حلو الفستان علي فكرة
ليتركها ويذهب لتنظر له ومن ثم تقول في خفوت : والله انتا اللي حلو وجميل اوي يخربيتك
ومن ثم تقوم بضرب نفسها صفعة علي وجهها وهي تقول : متتعدلي يا جمال ومتنسيش اصلك
        *********************************
يتحدث نور بالهاتف مع آلاء...
نور بضحك : هههههههههههههههههههههه طول عمري بقولك عليكي مسخرة ومفترية هههههههه
آلاء : هههههههههههههههههه طيب اعمل اية يعني بقولك اتخضيت اكتر منها بس منظري كان وحش اوي لما لقيت كل الواقفين بيبصوا عليا
نور : هههههههههههههههههههههههههه محدش ضربك بالقلم
آلاء : سخيف
يرن هاتف نور ليجدها أماني
نور : طيب اقفلي من عندك يا آلاء عشان جالي مكالمة مهمة
آلاء : حاضر سلام
نور : سلام اقفلي بسرعة من عندك
لتغلق آلاء في ضيق منها كانت تعلم انها ليست مكالمة عمل انما حب !
في هذه الأثناء ...
نور : عاملة اية ياحببتي
أماني بضيق مصطنع : كنت بتكلم مين وسيبني علي الويتنج " "waiting
نور : ههههههههههههههه8ههه بتغيري ولا اية
أماني : ومغرش ليه بئا
نور : ههههههههههههههههه
          *********************************
يأتي ثاني يوم علي الأبطال ، في السيارة حيث تسوق زيزي وتجلس جمال بجانبها ...
جمال : متتصلي بالست آلاء تيجي النادي وتشوفها أصلها وحشاني والله
زيزي :حاضر يا جوجو
يرن هاتف جمال لتجيب : ايوة يابيه ... يابيه مخلصني قلت حاضر هحاول متكلمش كتير ... يوة بئا والله اروح وارجعلك فلوسك مانا مليش خلق ...خلاص خلاص بضحك معاك ...سلام يا بيه
زيزي : سيف ؟
جمال : هريني من الصبح بيتصل مكنش غدا دا
زيزي : مهو لازم يقلق النادي دا عالم لوحده يابنتي هتشوفي حاجات مش متعودة عليها
جمال : متقلقيش يا هانم انا قدها وقدود
        ****************************
في النادي تجلس زيزي وجمال يرتشفن العصير لتأتي لهم آلاء ...
زيزي بانبهار : آلاء
آلاء مبتسمة : حبعمري عامل اية
زيزي : حبعمرك مش مصدق انتي بتعملي دايت
آلاء : طيب سلمي الأول يا عرة
زيزي وهي تحضنها : معلش بس اتفجئت عاملة اية
آلاء : الحمد لله وانتي اية اخبارك
زيزي : الحمد لله ها اية اللي خسسك كدا
آلاء وهي تسلم علي جمال وتقبلها : وزنت نفسي قبل ماجي لقتني خسيت 9 كيلو والله مصدقتش
زيزي : من اية
آلاء : هتصدقي لو قلتلك مليش نفس اكل
زيزي : انتي فضلك 20 كيلو كمان وتبقي مظبوطة
آلاء : هههههههههههههه كله علي الله ، وانتي ياست جوجو اية الجمال اللي بقينا فيه دا
جمال مازحة : عشان اكون اسم علي هههههههههههههه
آلاء : يا تقيلة هههههههههههههه
جمال وهي تغمز : هرسيكي علي الدور بعدين قوليلي بس عاملة اية مع الحت
آلاء : ههههههههههههههههه حت
يقاطع كلامهم سيف الذي سلم علي جميعهم ثم قبل يد جمال كان يعلم ان هناك من يراقبه ، ومن ثم جلس بجانبها ...
سيف يعطي لها نظارة شمس : خدي حطيها عشان الشمس
جمال : تسلم مجايبك يابيه
سيف وهو مبتسما ولكنه يجز علي اسنانه : مجيبك اية شكلك هتبهدلي الدنيا
جمال : ماحنا قاعدين لوحدنا لما يجي حد هظبطلك الدور ....
يقاطع حديثهم ذاك الشاب الذي يظهر علي ملبسه الثراء ذات بشره قمحاوية وليس بقصير ومعه هذه الفتاة  البيضاء وشقراء الشعر تضع من مساحيق التجميل ما يزيد جمالها ولكنه يظهره انه جمال اصطناعي ...
زياد : ازيك يا سيف
سيف وقد وقف ليسلم : الحمد لله وانت عامل اية
ومن ثم مد يده لصافي : ازيك يا صافي
صافي بدلع : ازيك انت سيف
سيف : كويس
صافي : ازيك يا آلاء ازيك زيزي
آلاء وزيزي : الحمد لله
صافي موجه كلامها لجمال : ازيك يااااا
جمال وهي مازالت جالسة وتضع قدم علي أخري وتتحدث بتكبر : جوجو قوليلي جوجو
صافي وقد تغاظت من تكبر جوجو : اه ازيك جوجو
جمال ومازالت علي موضعها : الحمد لله
زياد : كنت جاي ادعيك علي مسابقة رقص بليل هنعملها شلة مع بعض في القاعة المغطاة عارفها طبعا
جمال بدلع وهي تتصنع المفاجأة : مسابقة راقص واااو
صافي : ليكي في الرقص
جمال : يعني مش اوي
صافي موجه كلامها لسيف : مين دي يا سيف
لتقف جمال وتضع يداها علي كتف سيف قائلة : صحبتوا اشمعنا بتسألي السؤال اللي ملوش علاقة بكلمنا دا
صافي بتوتر : لاء عادي بس عشان مشفتكيش قبل كظا في النادي
جمال بدلع : مانا كنت عايشة في الغردقة لغاية متعرفت عليه هناك وعرفت انو عايش في كايرو هنا فقلا لبابي اني عايزة اعيش هنا ووافق بس بعد زن انتي عارفة الدادز بتوع الأيام دي بجد خدت يجي شهرين اتحايل عليه
صافي : اممم كويس انو وافق
جمال موجه كلامها لزياد : المهم مسابقة رقص اية شرقي يعني
صافي وهي تنظر لسيف : في شرقي و التانجو ودي هتترأس الرقصات هناك
جمال بميوعة : التانجو ! نو نو نو مش هقدر اجي طبعا ولا اية يا سيف
سيف : طيب نف......
قاطع كلامه صافي وهي تنظر لسيف : نو ليه مش فاهمة
جمال بميوعة : دي راقصة جريئة اوي جدا خالص علي فكرة انا روحت تو كلاسس فيها ""two classes
وبابي الله يجحمه بقصدي الله يكرمه  اول معرف ان اسم الرقصة اللي بروحها التانجو رفض تمام قالي الرقصة دي مش كويسة ليا لو هرقصها تبقي مع جوزي ثم تنظر لسيف وهي تبتسم ومن ثم تمسك يديه ليمسك هو الأخر يدايها ويبتسم ، تشعر صافي بالحنق لتتركهم وتذهب في غضب ...
زياد : طيب يا سيف هامشي انا بس لازم تيجي علي الاقل اتفرج وهات جوجو معاك علي الأقل تتعرف علي الشلة
سيف : تمام
آلاء التي كانت تجلس بجانب جمال تمسكها من ياقتها وهي تقول مازحة : انتي مين يا ولية وفين جمال
لتضحك جمال بشدة وهي تقول لسيف : ها عجبتك
سيف بتفاجأ : مكنتش مصدق اتغاظت اوي
آلاء : دا مخدش بالو منك اساسا
جمال وهي مبتسمة : ولسة في أول يوم اسبوع بالكتير كمان وهتلاقيها جيالك بس اتقل كدا مش عمال تسبلها من ساعة مشوفتها انتا اللي هتكشفنا
سيف : لاء خلاص همسك نفسي يلا هسيبك وهجيلكم علي بليل
زيزي : اشطة يلا سي يوو بيبي
ليضحك وهو يقول : سلام
        ************************************
يتحرك سيف ليمر بجانب احدي المنضدات التي تجلس عليها صافي التي لم تسقط عينيها من عليه ، بادلها هذا بتجاهل نهائي منه ...
أماني : متجمدي يابنتي مش كدا
صافي بغيظ : مانتي مش عارفة حاجة
أماني : اية اللي مش عارفاه
صافي : بصي هناك البنت اللي قاعدة علي التربيزة مع اخته والاء هناك
أماني : مين دي
صافي : اسمها قال اية جوجو ومايعة كدا ومش مظبوطة وهو عايش اوي معاها
أماني : طيب متيجي اغيظ آلاء اخليها طلع غيظها عليهم ويمشوا ويجي سيف بليل مش يلقيهم وتمارسي مهامك عليه
صافي بحماسة : بجد هتعملي كدا
اماني : استني وهوريكي ولا اقولك تعالي اتفرجي
         ****************************
في هذه الأثناء علي منضدة زيزي وآلاء ...
زيزي : عرفتي منين الكلام الانجليزي دا ورقصة التانجو دي كمان واية طريقة الكلام دي اول مرة اشوفك بتتكلمي كدا
جمال بنصف ضحكة : ياست هانم انا خرجت من اولي جامعة
آلاء بتفاجأ : نعم ! ودا حصل ازاي دا
جمال : انا بشتغل من وانا في رابعة ابتدائي كنت اهو مقضياها في الدراسة وبمسح سلالم البيوت وكدا لغاية مكنت في اولي اعدادي لقيت اختي حبيبة بتقولي انها نفسها تبقي زيي وانها هتقلدني واني هبقي قدوتها بيني وبينكم محستش بنفسي غير اني عايزة اكون حاجة حلوة اوي عشان تقلدني وتبقي كويسة وشاطرة في الدراسة ذاكرت وتعبت مع الشغل ابويا كان مصمم يشغلني ودخلت ثانوي تجاري وذاكرت جامد فيها مع شغلي كنت بنام اربع ساعات بس وجبت مجموع يدخلني كلية تجارة ودخلتها واتعرفت علي شلة بنات كانو عايزين يبقو حاجة وفي اول سنة بدأو يأخدو كرس انجليزي روحت  اخد معاهم ابويا شك فيا بنزل من الساعه 6 وبرجع 10 و الاراد صغير كان بيعدي لغاية مزهق وبدا يراقبني وعرف اني بروح الكلية من وراه اصله مكنش هيوافق حبسني واداني حتة حلقة مش هنساها في حياتي وبئا يخليني اروح الشغل ويجس هو معايا شهرين علي الحال دا عرفت انو مفيش أمل اكمل دراسة بقيت اشتغل واديلو فلوس قليلة بردو وكان يمد ايده ويضرب ويفتشني وبردو ميلقيش معايا فلوس فبدأ يضغط عليا باخواتي ويضربهم وكان عايز يمنعهم من التعليم لغاية متفقت معاه اني هديلو الفلوس كلها بس يسبهم يتعلموا وافق وانا بقيت اصتنصح واخبي فلوس واديلو الباقي انا متعلمه بردو يا هانم بس ميغركيش طريقة كلامي بس عشان متعودة عليها واغلب كلامي مع رجالة و ستات ناصحة فمينفعش ابان بنت ناس عشان ميستهيفونيش لازم ابان بت جامدة وشديدة ومبسبش حقي لغاية متعودت انا اقدر اغير طريقة كلامي بس مليش مزاج مش عايزة مش فاضية كدا يعني بصي السبب الرئيسي.....
يقاطع كلامهم أماني التي اتت ...
أماني : هاي يا بنات
آلاء: هاي أماني ازيك
أماني وهي تجلس وبجانبها صافي التي ظلت تنظر لجمال : تمام اية مش باينة بقالك فترة
آلاء: اه فعلا كان ورايا كام حاجة مهمة كنت بقضيهم
أماني بمياعة : اهااا بس فاتك المسابقة بتاعتي انا ونور هنا
آلاء : مسابقة اية
أماني : اية دا هو مقالكيش اتصلت بيه من اربع ايام كدا نعمل مسابقة سباحة هو شقي اوي بس كسبته بردو
آلاء : اممم كانت بليل علي كدا
أماني : اه علي الساعة 9 المهم انتي عاملة دايت ولا اية
آلاء : لا خالص هو انا باين عليا اني خاسة اوي كدا ؟
أماني : ولا باينه ولا نيلة انا بس مش شايفة أي اكل في ايدك فاستغربت هههههههههههههههه
لتضحك وتنظر لصافي التي ضحكت هي أيضا
زيزي مغيرة الموضوع : اختك مني عاملة اية صح وحشاني
أماني : موحودة عند ملعب التنس روحي شوفيها
زيزي : بجد طب تعالي وريني فين
لتذهب زيزي مع أماني حتي تبعدها عن آلاء التي نظرت لهم بحنق شديد ...
جمال : مديقيش نفسك ياست  آلاء دي واحدة مريضة عايزة تتنمر علي اي حد
آلاء وهي تنظر أمامها كالشاردة : انا اتصلت بنور وانا خايفة ومرعوبة عشان يجي يشوف الطفل اللي رجله اتكسرت كان هيجي بس هي اتصلت بيه بعديا فراح معايا واتصل بيا يعتزرلي ! هو ممكن يكون موقف عادي لاي حد بس دا اول شخص يجي في دماغي وقت مخفت وقلقت وملقتهوش ...
جمال : انتي بدأتي تهتمي بنفسك ياست هانم فاضل بس تهتمي بيه بئا البعيد عن العين بعيد عن القلب
آلاء : والجمعية اسبها لمين وبعدين مسمعتهاش انا ولا خسيت ولا نيلة
جمال : ياست هانم انتي عشان قصيرة باين عليكي التخن انما انتي خمسة كيلو كمان وتبقي مزة والله
آلاء : زيزي بتقول 20 كيلو
جمال : 20 كيلو دي عشان توصلي للجسم المثالي وتبقي معصصه اوي انما 5 كيلو تبقي مزة بامكانيات كدا
آلاء بفرحة : صح والله
جمال : اه والله
آلاء : طيب هنعمل اية لنور دا بئا
جمال : خليكي ورايا ومش هتندمي
تنظر لها بفرحة : ماااشي
      **********************************
في المساء يمشي سيف مع اخته ...
سيف بتفاجأ : دا كله من جمال
زيزي : اه والله انا اتفجئت زيك كدا
سيف : دي طلعت اسم علي مسمي راجل فعلا
زيزي : بس بتكره ابوها اوي
سيف : انا نفسي كرهته يا زيزي هما فين دلوقتي ؟
زيزي : آلاء خدت جمال وراحو يشوفو المسابقة دي جمال عايوة تتفرج
سيف : طيب يلا نروحلهم ...
في القاعة المغطاة بالنادي يجلس كل مجموعة مع بعض علي اريكة ، كانت الاريكة التي تجلس عليها جمال في مقابل الاريكة التي تجلس عليها صافي وأماني مع اصدقائهم ، يأتي سيف ويجلس بجانب جمال لينظر أمامه بالصدفة فيجدها تنظر له تتلاقي الأعين ، ينظر لها بعيون جامدة كأنه يخبرها أنه لا يكترث بها في حين هي التي تنظر له بعيون معاتبة تقاطع جمال نظراته لها ...
جمال : متحترم البقرة اللي جمبك
سيف وهو لايزال ينظر : اديكي قلتي بقرة والبقر عندنا بيأكلو برسيم
تلامس أناملها ثغره الأيسر وتحركه ليتحرك وجه بالكامل تجاهها وهي تقول مع ابتسامة : مش قولنا نتقل احنا لسة في اول يوم
كانا قريبين من بعضهم لبعض بشدة ، لم يجب عليها فقد ظل ينظر في عينيها عن قرب يريد أن يعرف هذه المختلفة الجريئة القوية هذه العيون التي تحمل كثير من مشاهد التعب والبكاء والكسرة كيف تستطيع أن تظهر هذه القوة ، في حين هي التي سرحت مع عينيه المرسومتان التي رغم حدتها ولكنها تحمل الكثير من الحنان شردت في عينيه أم نقول سرقتها عينيه من شده جاذبيتها !
زيزي مقاطعه : ألحق دي صافي هترقص مع زياد
يستفيق سيف سريعا وينظر شعرت بتوتر شديد لتنظر هي الأخرى ، ومن ثم تنظر عليه الذي وضع تركيزه عليهم وهم يرقصن وعينيه يتصاعد منها الغضب لدرجة انه لم يشعر ان جمال تنظر له لحظات ومن ثم يقول : دي عايزة تطول كمان ليقف في غضب لتمسك جمال يديه وهي تقول .
جمال : اهدي يا سيف بيه انا هتصرف بس عشان متضيعش اللي بعمله
سيف يبعد يداها بعنف ولكنها كانت متشبثة به وبقوة وقد وقفت وهي تقول : اصبر بالله عليك
آلاء : استني يا سيف جوجو هتتصرف
ذهب جمال ووقف بالقرب الشديد منهم وعلي وجهها ابتسامة بلهاء نظر لها زياد لتقول : شكلكو حلو ههههههههههه
زياد وقد توقف عن الرقص وابتعد قليلا : تيجي ؟
جمال بخفوت متجاهلة صافي وهي تشير بطريقة متخفيه حتي لا يراها سيف : سيف هنا هيدايق اوي
ثم تعلو صوتها : هرقصلكم شرقي
لتذهب إلي منظم الأغاني وتخبره علي اسم أغنية معينه لتبدأ الموسيقي وهي تتحرك في منتصف المكان ...
آلاء : أول ما جمال تبدأ ترقص روح امسكها من ايديها واتعصب كدا كأنك غيران
سيف بضيق : لسة هستني
كان قد بدأت جمال الرقص بتحريك خصرها برشاقة ، لتتفاجأ بيد سيف تمسك ذراعها بقوة وهو يتحدث بضيق مكتوم : اية اللي بتهببيه دا
جمال بخفوت حتي لا يلاحظ احد ماذا تقول : مستنتش ليه ادخل في الاغنية انا لسة مبدأتش اساسا كدا هيقولو عليك أهبل
سيف يشير إلي آلاء و زيزي أن يأتيا ويتحرك للخارج وهو مازال ممسكا بذراعها ...
جمال بضيق : خلاص يا بيه انتا استحلتها ايدي اتخلعت
سيف بضيق : اية اللي كنتي هتهببيه جوا دا
جمال : عجبتك صح وبعدين انا لحقت كنت عايزاك تيجي اه بس لما ابدأ شوية كدا مش قبل مبدأ...
سيف بضيق : الحركة دي متتعملش تاني خالص
جمال بانفعال: مانتا كنت هتفضحنا وتروح تزعقلها كان لازم اتصرف قبل متبوظ الدنيا وهتكشفنا وهيضيع تعبني وهتضيع الفلوس عليا كمان ...
زفر بشدة وأشاح بوجه لتأتي آلاء وزيزي ...
آلاء : قعدت اقوله استنا مسمعش الكلام
زيزي : طب يلا نروح عشان مش هينفع نخش تاني منظرنا هيبقي وحش
سيف بجدية : يلا
ليذهب ويتحركن خلفه ، تصعد آلاء وجمال السيارة وتجلس زيزي بجانب اخيها ليسوق في صمت من الجميع ...
جمال : شغلي الراديو ياست زيزي بدل النكد اللي قاعدين فيه دا
زيزي : هههههههههههه حاضر
تقوم بتشغيل الراديو بالفعل ، ليسمعن إلي احدي الأغاني (يلي تعبنا سنين في هوا عامل نفسه ميعرفناش ....)
جمال : انا بهديلك الاغنية دي يا سيف بيه انتا والست صافي انتو كدا مع بعض علي فكرة
ثم تبدأ تصفق وتغني مع الاغنية (شوفتو ازاي في قلوب خاينين شوفتو ازاي مفيهمش حنين ...ولا القسوة دا طبع حبيبي ...ولا القسوة دا طبع حبيبي ...وانا من حرتي ولهفة قلبي بظلم بس قلوب تانين حتي ازيك مستخسرها مستكترها مبيقولهاش …)
في هذه الأثناء تصفق آلاء معها وزيزي أيضا ليعلو صوت آلاء في احدي المقاطع ( سبكم بئا من قوله أه سيبو الكلمة متتعبوها دا اللي تعبنا سنين في هواه عامل نفسه ميعرفناش ...واهو دلوقت لما بقبلوه عيني في عينه منزلهاش ....)
جمال مشجعة بحماسة : الله أكبر اللهم ما صلي
ليضحك سيف علي أسلوبها ، مر الوقت في السيارة بسرعة بنسبة لهم ، ذهب كل شخص إلي غرفته وذهبت آلاء التي صمتت أن تبيت معهم اليوم أيضا إلي غرفة زيزي …
يتبع^^
رأيكم مهم جدا بلاش المتابعة في صمت ولو لقيت تفاعل حلو هكتب فصل وانزله انهاردة ✋
منشن او دعوة لاصحابكم للاعجاب بالصفحة 
#هلوسات_هامستر