"مختلفة ولكن "

الفصل السادس

الفصل السادس
☆☆☆☆☆
دلف سيف في إحدى الغرف ، فيجد أماني تجلس علي الفراش وهي تميل رأسها للأمام ...
سيف : أماني
لتنظر له وهي تقول : نور عامل اية ؟
سيف : أنتي كويسة الأول
أماني : زي مانتا شايف إيدي اتكسرت و رجلي فيها كدمه والخدوش اللي في وشي دي
سيف : هو اية اللي حصل
أماني بضيق : آلاء السبب في كل حاجة هي السبب
سيف بعدم فهم : هي السبب ازاي
قصت عليه أماني ما حدث بالتفاصيل لتنهيها بكلمة " نفسها اللي فرضها علينا دي هي السبب "
سيف : أماني الفترة اللي جاية نور هيكون محتاجك جمبو جدا
أماني بقلق : هو اية اللي حصلوا
سيف : نور مبقاش يقدر يمشي
أماني بخضة : أتشل
سيف بآسي  : اه عشان كدا هيكون محتاجنا كلنا جمبوا هو هيستمد مننا كلنا القوة عشان يقدر يتعايش مع حالته الجديدة ...
تنظر له أماني بقلق لتقول : أنا اتصلت بي بابا وهو قلق وجاي يخدني
سيف : تمام
أماني : هبقي أجي أطمن علي نور بكرة
سيف : حمدلله علي سلامتك تعالي أوصلك لتحت لغاية مبباكي يجي
أماني وهي تقف فيقترب منها وتستند عليه : يلا
        ******************************
تقع جمال أرضا فور سمعها جملة مديحة " عنتر مات يا جمال عنتر مات " وقعت وهي تحاول استيعاب هذا ، هربا دمعة من عينيها لتقف في غضب وتذهب إلي نوال التي كانت تصرخ ...
جمال تحاول أن تظهر بتماسك فتتحدث بصوت مرتفع : مات ازاي قوليلي مات ازاي
مديحة من خلفها : اخوكي مكنش بيروح المدرسة وبيشتري مناديل و زينه للعربيات ويبعها ...
جمال وقد ظهر الحزن والتعب علي وجهها : عايزة اشوفه
أشارت مديحة لها فتدلف جمال في تثاقل ، تذكرت قبلتها له علي جبينه ، وضحكته العريضة التي كانت تملئ وجهه ، نظرات الحب عندما يجدها حزينة فيحاول أن يهون عليها ، نظرات الامتنان عندما يجدها قد أحضرت له قميص جديد ، نظرات العصبية عندما تقول له شيء قد نرفزه ، نظرات الغيرة ، نظرات الشفقة والحزن عليها ، ها قد وصلت أمامه ، تزيح الوشاح الأبيض من علي وجهه ، وجهه مسترخي باسم ...
جمال بدموع وهي تتحدث في حزن وأسي : أنا مجتش الأجازة اللي فاتت عشان كنت بشتري شقة ، عشان نبعد عن القرف اللي ابوك كان معيشنا فيه ، كدا تشتغل من ورايا ومتكملش دراستك كمان ، كدا تكسرني وتمشي يا عنتر
ثم أجهشت في البكاء ، بكت وصرخت كثيرا ، حتي دلف عليها بعض النساء وأخرجوها ...
خرجت وجلست في ركن وحيدة تبكي وتندب حظها ، تبكي بحرقة ، أتت مديحة لها باكية هي أيضا لتحضنها جمال وتبكي أيضا حتي أتت لهم الممرضة وهي تقول " شدي حيلك يابنتي والبقاء لله وكلنا فانيين ، فين ابوكوا عشان يخلص الإجراءات دا اكرام الميت دفنه "
تنظر لها جمال فتأتي لتقف ولكنها تقع لتساعدها الممرضة فتقف جمال وهي تقول : احنا ملناش اب مات ممكن بس تساعديني علي الاجراءات عشان ندفنه ، أخبرتها الممرضة البالغة من العمر الكثير ، ثم ذهب لوالدتها قائلة " متتصليش بيه وقولي لمديحة محدش يتصل بيه " ...
كانت تبكي مع كل اجراء تفعله ، دفع مصاريف المشفى ، اخراج شهادة الوفاة ، وهي تقف عند باب الغرفة وهو بالداخل يغسل ، بكت كثيرا ولكنها لم تتحدث إلا قليلا للغاية ، دفن ! وجاء المساء وجهز العزاء ، وجدت أبيها "محمد" يدلف من الباب وهو شاحب الوجه فقد عرفت من امها أنه ذهب ليقضي اليوم مع اصدقائه في احدي الأماكن المخصصة لمن يشرب المخدرات ، دلف ونظرات عدم التصديق والشحوب علي وجه ، في حين جمال التي ترتدي الأسود وتسند رأسها علي يداها وتبكي في صمت ، لتهزها فتنظر لها جمال فتشير براسها تجاه باب المنزل فتنظر جمال لتجده تنهدت ومن صم اغمضت عيناها لتقف وتذهب تقف أمامه ، نظر لها وهو رافع حاجبيه وعيون مستفهمة ، ووجه حزين ...
جمال  بحدة : جاي ليه
محمد وقد نظر في الأرض بخذلان : متصلتيش بيا ليه
جمال : واتصل ليه
محمد : دا ابني
جمال بحدة : ولما طلعتوا من المدرسة وخلتو يبيع في الاشارات مكنش ابنك ، ولما كنت بتنصص معاه في الفلوس عشان هددك انو هيقولي مكنش ابنك ، لما تنزلو في العيد يشتغل مكنتش ابنك ، اهو سابك وارتاح ابنك اللي بتسال عليه مات ، وانا صممت انو محدش يقولك وتيجي زي الغريب تعزي ومش هقبل منك عزا ليه لانو مات بسببك انتا ، روح مكان مجيت روح شم واشرب الساعة اللي اخويا مات فيها كنت ميت معاه ، لتبكي بشدة وتصرخ وهي تقول اطلع برا اطلع برا حسبي الله ونعمه الوكيل فيك روح ربنا يورني فيك ايام مش يوم واحد
تأتي نوال بحدة : ميصحش تكلمي أبوكي كدا
جمال بعصبية شديدة : محدش يقولي ينفع ومينفعش انا لو اتكلمت هطلعكو انتم الاتنين غلطانين ضيعتونا ومش بس كدا وموتو اخويا متقوليش مينفعش مش دا اللي كل يوم تشتكي منو مش دا اللي خرجني من المدرسة وخلاني اشتغل خدامة في البيوت ، مش دا اللي طلاعني من الكلية عشان الفلوس اللي بدهالو قليلة مش دا اللي رضي يخلي اختي تمشي مع الحشاش عشان بيقللو في الفلوس ودا كله وانتي ساكتة محولتيش تدفعي عننا يا جدعان خلوني ساكتة وكافية لحد كدا وانتا اطلع برا بئا انا بكرهك ...
خرج ورأسه مائلة للأمام في خزي ، ليجلس جلسة القرفصاء بجانب المنزل من الخارج ويضع رأسه بين يديه ويبكي !
           ******************************
في اليوم الثاني في المشفى بعدما استفاق نور ...
سيف : حمدلله علي سلامتك يا بطل
نور بتعب : الله يسلمك أماني عاملة اية
سيف : كويسة اديها بس اللي اتكسرت واتجبست
نور : أومال هي فين
سيف : باباها قلق عليها جامد وجه خدها امبارح
نور بتعب : طيب وأنا هقدر أخرج أمتا
يدلف الطبيب عليهم ...
الطبيب وهو يجس نبض نور : ها عامل اية دلوقتي
نور بتعب : عايز أخرج مدام فايق وكويس
الطبيب : تخرج اية دلوقتي دا انتا جايلنا امبارح بس هههههه استني لسة هنعمل شوية اشاعات علي رجلك كدا وبعدين هنشوف هنعمل اية
نور وهو ينظر لسيف : ليه مالها رجلي أنا مش حاسس بيها هو مش دا من البنج
الطبيب : الحادثة أثارها كان علي الحبل الشوكي عندك خليك قوي كدا يا بطل وان شاء الله خير
ثم يتركهم ويذهب ...
نور وهو يشيح وجهه بالاتجاه الأخر بعيد عن سيف وقد فرت دمعه حارة منه : خلاص مش همشي تاني
سيف : استهدي بالله يا نور انتا قدها وبعدين الدكتور قال احتمال كبير ترجع تمشي عليها كلها مسألة وقت ، اوعي تزعل ربنا بيقول" ان بعد العسر يسر" ...
نور : ونعمة بالله بس صعبة اووي
سيف : "لا يكلف الله نفسا إلا وسعها " وانت قدها والا ربنا مكنش ابتلاك بيها الحمد لله أهم حاجة انك وسطنا
نور : الحمد لله
دلف عليهم فكرية وعنتر ليخرج سيف ذهب تجاه العناية المركزة وجلس بجانب عمه الذي لم يغادر مكانه منذ أمس ...
سيف : نور فاق
شوكت : الحمد لله عقبال آلاء يارب
سيف : إن شاء الله
وجد سيف الممرضات يدلفن إلي الغرفة المتواجدة بها آلاء وبعدهم الدكتور ليقف هو وعمه في قلق ، دقائق طالت عليهم ويخرج الطبيب...
سيف : خير يا دكتور
الطبيب بأسي : دخلت في غيبوبة
سيف بخضة : اية !
شوكت : وهتفوق امتا يادكتور
الطبيب : والله كله في علم الغيب ممكن انهاردة وممكن بكرة وممكن بعد اسبوع
شوكت مكملا : وممكن شهر ؟
الطبيب : كله بايد ربنا دلوقتي
شوكت بحزن : ونعمة بالله
تركهم الطبيب ليجلس علي الكورس في صدمة يحاول أن يتماسك ليتحدث في أسي : بنتي بتضيع مني يا سيف ...
سيف وهو يرتب علي كتفه : قضا أخف من قضا يا عمي الحمد لله وربنا كريم
شوكت وهو يومأ برأسه : الحمد لله
        ******************************
دلفت لغرفته نظرت في جميع أرجاءها ، ذهبت تجاه الدولاب لتخرج ملابسه أخذت تشمها وقد هربت منها عبارة حارة أعلنت عن وابل من العبارات والصرخات أخذت تتأوي وجعا علي فراقه ، دلفت لها مديحة تواسيها لتصرخ جمال وهي تقول في بكاء : ضهري اتكسر يا مديحة اتكسر والله
مديحة ببكاء : أنا جمبك والله ومش هسيبك ابدا
جمال بين شهقاتها : كان نفسي اشوفه داخل الجامعة وجايب تقدير في الثانوية كان نفسي احس اني تعبي مش بيوقع في الأرض ، كان بيفرحني لما يتحمق ويبقي نفسوا يشتغل هو كان .....
تصمت وقد دعت عباراتها تتحدث عنها ، أخذت مديحة تطبطب عليها حتي نعست دعتها تنام علي الارض لم تشاء أن توقظها فتبكي مرة أخري ...
خرجت مديحة لتري أمها التي ظلت حاملة المصحف تقرأ فيه منذ أن دلفت إلي المنزل لتتركها وتجلس وهي تنظر لصورته المعلقة وهو يضحك لتبكي هي الأخرى...
         *******************************
في اليوم التالي ، استفاق نور ليجد أخيه يمدد علي الأريكة ، أشاح بوجهه في الاتجاه الأخر شرد وأخذ يفكر فيما يمر به ...
قطع شروده زيزي وهي تدلف إلي الغرفة ...
زيزي : البطل بتاعنا عامل اية انهاردة
ليستفيق سيف علي صوتها وهو يقول مازحا : البطل بتاعك صحتيه وهو عايز ينام تاني
زيزي : مش بقولك انت علي فكرة
سيف ينظر بحنق مصطنع : طب انجري هاتيلي قهوة عقبال مغسل وشي
زيزي : عيوني يا شق
سيف باستغراب : البت بقت حولة ولا اية يابت دانتي لسة كسفاني من شوية
لتضحك وتتركه تذهب ، دلف الي الحمام ليغسل وجهه خرج وهو يجفف وجهه ليجد نور شاردا ...
سيف مازحا : مالك يا أبو الأنوار
نور وهو ينظر تجاه شباك الغرفة : كنت دايما بقول لبابا سيبه متضغطش عليه و أدلع في زيزي عشان اتربت من غير ام بس الظاهر الدلع دا خلاكم مش متحملين لأي مسئوليه خالص بتضحكو و واخدين كانكم رايحين رحلة مش داخلين مستشفي مش مقدرين ظروفي ولا احساسي ولا اني مبقتش خلاص اقدر اتحرك محدش حاسس بيا ( ليصرخ وهو يقول ) وانا مخنوق و أماني هتسبني ...
يمسح وجهه بيده ويتنهد ...
سيف وهو يتجه للخارج : هاروح أشوف جهزو الغدا ولا لاء
خرج سيف وهو في قرارة نفسه لا يريد أن يدخل معه في أي نقاش وهو علي يقين انه سيفوز فيه ، تركه مراعاة لما يمر به من ظروف خاصة ...
       *******************************
جمال : جهزوا نفسكم بئا هنعزل بكرة
نوال : هنروح فين
جمال : جبت شقة حلوة في مكان محترم هنعيش فيها
نوال : طب والبيت دا
جمال : البيت دا ماله خلاص مبقاش في حاجة فيه تلزمنا
نوال بحزن : مش عايزة اسيبه وأمشي
جمال بضيق : ياما فوقي بئا خلاص مبقاش موجود مات والراجل اللي برا دا مش هعيش معاه تاني في بيت واحد
نوال : روحه هتبقي في المكان أربعين يوم ومش هسبها
مديحة بعصبية : ومدام بتحبيه اوي كدا موقفتيش ليه قدامه وقلتيله مش هتشتغل وانتي عارفة انو بيفضل رايح جاي وسط العربيات لغاية معربية شطته زي الزبالة وجريت أنا تعبت واعصابي مش قادرة ومش هقعد هنا عايزة تقعدي انتي اقعدي بس أنا همشي مع جمال ...
نوال : خلاص دلوقتي بقيت وحشة جمال تقلي انتي السبب في موته وانتي كمان
جمال : العزا تلت أيام وخلاص انها اليوم التالت هنجهز الحاجة وعلي أخر الأسبوع هنمشي ...
             *************************
أخد يطعمه في صمت ، لدرجة أشعرته بالملل ليكسره قائلا ...
نور : أومال فين زيزي
سيف : عند آلاء
نور : اه صح هي حصلها اية
سيف وهو يعطيه معلقة أرز : دخلت في غيبوبة
رفع حاجبيه في تفاجأ شديد ، ليمضغ الطعام وبعد أن بلع : وهتفوق أمتا
سيف : مش عارف الدكتور بيقول الكلام دا في علم الغيب
نور وهو يجز علي أسنانه : طيب ممكن لما أكلمك في اللي حصل تدي اهتمام  شوية
سيف : بقيت عصبي أوي
نور : أنت شايف واحد في حالتي يعمل اية
سيف : يتقبل حالته ويحمد ربنا ويتقبل أن اللي حصل مش ذنبه وان ربنا عايز كدا وان دا كله اختبار واكيد في عبرة هتستفادها في الأخر ...
نور : بس لو كنت سمعت كلامها من الأول و وقفت من الأول مكنش دا كله حصل اهو دخلت في غيبوبة بسببي ...
سيف : لو دي من الشيطان ، تقبل اللي حصل الحزن مش هيعمل أي حاجة ولا الندم المهم تقبل اللي حصل ونتعامل معاه بعقل بئا
نور بهدوء : أنت مش في مكاني فمش هتحس بيا فبلاش كلام ملوش لازمة تقوله وانت ايدك في الماية الباردة ...
لم يجيب عليه فقد اكتفي بالصمت واطعامه ، أتي عنتر و فكرية ...
فكرية : كنت مع زينب اختي عند آلاء
نور : لسة مفقتش
فكرية : هي محتاجة دعواتنا كلنا دلوقتي
سيف : هاعدي اخد زيزي اوصلها واغير هدومي اللي بقالها 3 تيام عليا دي  واجيلكم
فكرية : ماشي يابني
         ****************************
أخذ أخته واوصلها للمنزل ...
سيف بصو مرتفع : يا جمال ، يا جمال
زيزي : يا خبر
سيف : اية في اية
زيزي : دي استأذنت مني تروح تشوف اخوها عمل حادثة وراح المستشفى ونسيت اتصل اصله كان في نفس يوم حادثة نور
سيف بقلق : طب اتصلي اطمني دلوقتي
زيزي وهي تخرج هاتفها : اه صح
قامت بالاتصال بها : ألو ...ازيك يا جمال ...معلش والله مقدرتش اتصل بيكي اطمن بس كان...(قاطعتها جمال ) ...طب هو عامل اية دلوقتي ...(وضعت يداها علي فمها في صدمة ، كان يتابعها سيف في قلق ، لتتحدث زيزي بتوتر ) أنا .. أنا .. أنا مش عارفة أقولك اية دلوقتي والله البقاء لله ( أغمض سيف عينيه في حزن شديد وكأنه يحاول استيعاب ما يحدث حوله) ... أنا هبقي أجيلك  ) تقاطعها مرة أخري ) شكرا علي اية ، مش لازم تيجي دلوقتي خالص اقعدي براحتك ومرتبك ماشي كانك شغالة ...ربنا يقويكم ...مع السلامة )...
انتهت من الكلام، فتنظر لسيف ولكنها لم تجده ،جلست علي الأريكة في أسي مما يحدث حولها ! في حين سيف الذي دلف إلي الحمام ليأخذ حمام ساخن وقف تحت صنبور المياه الساخن مغمض عينيه ، دقائق طالت وهو مغمض عينيه ليفتحها ويسند رأسه علي الحائط متذكرا كلام أخيه له ليتنهد بقوة ...
             ****************************
دلف عليهم ناس لتدخل جمال وتحضر لهم شنطة وتشير للغرفة فيدخلونها ...
نوال : الشنطة دي فيها اية
جمال : هدوم عنتر هتبرع بيها عشان تبقي صدقة جارية ليه
نوال بعصبية وهي تأخذ الحقيبة بقوة : محدش هيأخد حاجة من لبس ابني خلاص هتورثوني بالحيا
جمال : دي حاجة عنتر الله يرحمه مش حاجتك عشان نورثك بالحيا
تذهب جمال تجاها وتأخذها لغرفتها...
جمال بهدوء : بصي أنا سبتلك الجلبية البيضا اللي كان بيلبس ويروح يصلي بيها الجمعة عشان تصلي عليها وتفتكريه ، بس حاجته التانية هنديها لناس محتاجها يا أمي ، كفاية وجع قلب بئا ...
تمسك نوال المصحف وهي تقول : اعملي اللي عايزاه براحتك
جمال بغيظ : براحتي ! مهو براحتي مش همشي ورا حد تاني غير دماغي بس ماشي
لتذهب في ضيق ثم تتحدث مع اختها ويبدأن بلم أمتعتاهم...
         **************************
يرتدي حلته في تأني فقد كان شاردا ،حتي قطع شروده هاتفه الذي أعلن عن احد المتصلين …
سيف : أية يا زياد
زياد : أنا لقيت حته أرض كبيرة وهتنفع أوي
سيف : طب كلم المهندس بئا و ابدأ بئا في البنا زي مقلتلك
زياد : لسه مصمم عليه
سيف بحدة : واحنا كنا بندور علي أرض ليه يا زياد مش عشان المشروع دا
زياد : بس مكناش نعرف أن بكري الزيات هو اللي محتكر السوق في المجال دا
سيف : محتكر او مش محتكر مشروعي دا حلم عمري وهحققه يعني هحققه وانت يا صاحبي مش كنت بتحلمه معايا
زياد : ولسة بحلمه
سيف : وجه وقت اننا نحققه بئا
زياد : علي خيرة الله
سيف : تمام يلا سلام
زياد : هخلص اللي ورايا وهجيلك علي المستشفى
سيف : تسلم يا زياد علي وقفتك جمبي دي
زياد : بس يا سيف دا احنا اكتر من الأخوات ، داحنا متربين مع بعض يا جدع
سيف : خلاص متتحمقش اوي كدا متحسسنيش اني شتمتك بأهلك
زياد ضاحكا : هههههههههههههههه بقينا نهزر كتير ههههههههههه
سيف : طب يلا اقفل عشان اروح عشان ابويا يجي يرتاح دا شايل الشركة كلها فوق دماغه دلوقتي
زياد : اه صح وابوك لما يعرف موضوع المصنع بتاعك دا
سيف : اقفل يا زياد اقفل ياحبيبي وسبني في اللي انا فيه مش ناقص اقسم بالله
زياد مازحا : طب تصبح علي خير بئا يا لمبي
سيف بمرح : جاتلك الفوقة دلوقتي
ليضحكن هما الاثنين ومن ثم يغلقن الهواتف
        ******************************
صباح يوم جديد ، تقف سيارة كبيرة أمام منزل جمال ليخرج منها رجال ويبدأن في نقل الأثاث من المنزل إلي السيارة ، في حين خرجت جمال من المنزل وجلست بجانب والدها النائم علي الأريكة بالخارج ، تهزه فيستيقظ ويجلس ...
جمال بجدية : احنا سيبنلك البيت وهنمشي ابقي خش اقعد فيه بئا بدل قعدتك ونمتك برا البيت كدا خليت الناس تتكلم علينا وتقول علينا متربناش
محمد بحزن وهو يتحدث بصعوبة : رايحين فين
جمال بجدية : غايرين في داهية هيهمك اوي مانا مش هفضل جمبك واخليهم جمبك لغاية متموت واحدة بحسرتها والتانية تجوزخا حشاش عشان يكرمك في اللي بتطفحو
محمد : متسبونيش أنا خلاص هتغير وهشتغل واصرف عليكم ومش عايزك تشتغلي تاني ومش ...
جمال مقاطعة : في مثل بيقول ديل ال... مش عارفة اية كدا عمره ميتعدل تسمع عنه
محمد بحزن : أنا أكتر واحد موجوع فيكم انتم.....
جمال مقاطعه : موجوع فين ! ليه كان بيروح يشتغل من وراك ! مكنش بينصص معاك عشان تسيبه تروح ! متخلينا ساكتين خلينا ساكتين بئا احنا ماشيين ومش هتعرف عننا أي حاجة غير بمزاجي ...
محمد : انتي طول عمرك بتكرهيني
جمال : ودا كان من فراغ ولا بتبطر علي دلعك شوف عشان اجبلك من الاخر انت السبب في موت عنتر ومش هسمحك علي كدا واحد ميملاش عينه غير التراب...
لتتركه وتدلف الي المنزل تساعدهم ، تاركة والدها بالخارج الذي فرت دمعة حارة منه في أسي ...
       ***************************
سيف وهو يتحرك بالكورس المتحرك في حديقة المشفى : ساكت ليه
نور : وهتكلم أقول اية
سيف بضيق : ياسيدي يارب كنت أنا اللي اتشليت مش أنت عشان مشفكش زعلان كدا
نور ضاحكا : ههههههههههههههههههه لا ياعم خلاص هضحك بعد الشر عليك
يقبل رأس اخيه وهو يقول : ربنا يقويك يا كبير وترجع كدا زي زمان بمززك و سهرك وهزارك
نور : ههههههههههههههههههههه انت تعرف يمكن يكون دي الحاجة اللي استفادتها من حادثتي دي ان عرفت من صاحبي ومين بيحبني عن مين بيقضي وقت وخلاص ، هو موضوع رخم انهم يبعدو عنك في أكتر وقت محتاجهم فيه ، ساعات بتحس بالندم انك دخلتهم حياتك أصلا ...
سيف مغيرا للموضوع : تيجي نشوف آلاء
نور وقد ابتسم نصف ابتسامة : يلا
        *********************************
جاءت سيارة من النوع التاكسي لتقلهم ، صعدت نوال ومديحة دون أن يتجهوا أو يسلمن عليه ، ذهبت جمال تجاهه ومدت يداها تعطيه مفتاح المنزل ...
جمال : سبتلك مرتبه ابنك تنام عليها بس خدنا كل حاجة في الشقة كنت عايزة اسبلك الشقة بكل حاجة فيها بس مش معايا فلوس اشتري أي حاجة، سلام وخلي بالك من نفسك
تركته وصعدت السيارة ، ظل جالسا مكانه يستوعب ترك بناته له ، و موت أبنه ، تذكر كلامها ليتذكر بعدها مواقفه معاها ، تذكر عندما قام بضربها في احدي الشوارع وتدخل النسوة لإنقاذها من تحت يده وهي لا تتعدي العاشرة من عمرها ، تذكر عندما ضربها أمام احدي الكليات ضرب مبرح وتدخل احدي الطلاب لإنقاذها من تحت يده ليصرخ هو في وجوههم ويأخذها ويذهب ، تذكر وقتها انها ظلت في غرفتها تبكي بشدة وسمع وقتها كلامها مع والدتها بأنه أحرجها وسط اصدقائها ، تذكر مساومته لها حتي يداع اخواتها يتعلمن ، تذكر اغرائه لأخيها حتي يترك الدراسة ويعمل لجني المال ، وقف ودلف الي المنزل وأغلق خلفه الباب ليبكي ! بكي بشدة ...
        *************************
في غرفة العناية المركزة ، وصوت الأجهزة هو من يرن في الغرفة ، وآلاء في غيبوبتها علي الفراش ، وبجانبها نور علي كرسيه المتحرك ، قد وضع يديه علي يدايها في حزن ...
نور بأسي : أنا أسف مكنتش عايزك تنزلي زعلانه من العربية والله ، احنا اصحاب من ساعة موعيت علي الدنيا ، كنت غبي لما دخلت واحدة بينا ، أنا بجد أسف
ترك يداها وأخذ يحرك الكورس للخارج ، كان ينتظره سيف أمام الغرفة كما طلب منه نور ، فيساعده وأوصله إلي غرفته ، وتركه وذهب ، جلس سيف أمام الغرفة في حزن وتعب ...
         ***************************
ظلت مديحة وجمال يرتبن المنزل الجديد حتي المساء ، دلفت والدتهم إلي غرفتها الجديدة وأغلقت خلفها الباب ...
جمال موجه كلامها لمديحة : اية رأيك في الشقة بعد اما اتفرشت بعيدا عن العفش القديم
مديحة بعتب : حلوة والله جدا وهيبقي ليا أوضة لوحدي وليها باب كمان
جمال بنصف ابتسامة : ايوة
مديحة : انا عارفة ان لو عنتر كان عايش كان هيبقي ليه اوضة لوحدو وانا وانتي في اوضة
جمال : الله يرحمه
مديحة : أنا هحول من المدرسة وهشوف مدرسة في المنطقة هنا وهزاكر وهخش كلية وهخليكي تفتخري بيا والله هبعد عن اللي هيضيعوني وهذاكر وابقي كويسة
جمال : إن شاء الله يلا روحي خدي دش كدا فوقي بيه ...
ذهبت مديحة ، لتقف جمال في الشرفة فيرن هاتفها وتجيب ...
جمال : ألو
سيف بتردد : ازيك 
جمال : الحمد لله ازاي حضرتك يا سيف بيه
سيف بتساؤل : الحمد لله اية بالظبط ؟ هو في الطبيعي الحمد لله علي كل حال انتي بئا الحمد لله واية ؟ حالتك دلوقتي عاملة اية ؟
جمال : ههههههههه الحمد لله يا بيه
سيف : طيب  البقاء لله
جمال : ونعمة بالله
سيف : اجمدي كدا يا جوجو وخليكي قوية احنا عايزينك
جمال : جوجو! اول مرة تقولهالي
سيف بمرح : لزوم الروشنة وكدا
جمال :هههههههههه عامل اية يابيه
سيف : الحمد لله بس مش بس زيك اتعودت علي اكلك ومبقتش اكل وخسيت ، حتي قلت اعمل انا فراخ مشوية زي بتاعتك طلعت استغفر الله العظيم جميلة جدا
جمال : هههههه بقيت رغاي اوي يابيه
سيف : عدتيني الله يسامحك ياستي
جمال : ههههههههه طيب يا بيه عشان مكنش معطلاك عن صافي هانم سلام
سيف بضيق : سلام
كان يود أن يحادثها أكثر من ذلك ، ولكنها لم تعط له أي فرصة لأي شيء جعلته يشعر بالضيق الشديد ...
         ******************************
دقت الساعة الثامنة صباحا ...
جمال تحاول أن تقظ مديحة : مديحة يا مديحة
مديحة بنعاس : اييييية
جمال : تعالي نخرج
مديحة تحاول أن تستفيق : دلوقتي
جمال : أيوة دلوقتي يلا قومي البسي
مديحة : اخرجي انتي
جمال بجدية: يلا يا مديحة
        *************************
تقظ زيزي سيف ...
زيزي : قوم يا سيف عشان تفطر
سيف وهو يستفيق : طيب هاتيلي قهوة
زيزي : حاضر قوم افطر لغاية ماجبلك القهوة
سيف وقد جلس : نور فطر
نور : مستنيك نفطر مع بعض
سيف وهو ينظر لزيزي باستغراب : هغسل وشي طيب واجيلك نفطر ...
لتهز زيزي رأسها لتخبره بطريقة لغة الجسد بأنها لا تعلم ثم تتركه وتذهب لتحضر له القهوة ، دقائق وكان يجلس مع اخيه ويفطر معه ...
نور : هو هاروح البيت أمتا
سيف : في اي وقت تحبه انا قلت للدكتور نعمله الاشعة المطلوبة الأول قبل متروح
نور : يبقي احسن بردو
سيف : تمام هو قالي ان في دكتور عظام الماني هيجي الاسبوع اللي جاي فقلنا نستناه وكدا
نور: طيب علي الاقل يعني بدل مانا قاعد كدا خرجني في أي حد زهقت من قاعدة المستشفى دي مش متعود
سيف : امممم وانا بقول مش من عوايدك أفطر معاك وجو اخويا حبيبي دا
نور : عهههههههههههه طيب اعملك اية
سيف : طيب استني نستحمي بئا واحلقلك دقنك ونلبسك البدلة الحلوة ونخرج نعاكس مزز عند أول الشارع
نور بحماسة : ماشي
         ************************
جمال وهي تمشي مع اختها : تحبي نروح فين
مديحة : مش عارفة بصراحة
جمال : طب تعالي نشتري شيبسي وكاراتيه لزوم المازة اجمييل
مديحة : هههههههههههه يلا
اخذت تتناول المقبلات وهي تمشي في الشارع مع اختها التي كانت تحمل كيس كبير فيه مقبلات أخري ...
مديحة : هو انتي خرجتيني ليه
جمال : الضغط عليكي كان كبير الفترة اللي فاتت لازم تغيري جو كدا وبيني وبينك أنا كمان محتاجة أغير جو زيك
مديحة مازحة: طب تعالي نأكل كشري من عند البت فاطمة 
جمال : ههعهعهههههههههه يلا
        *****************************
سيف وهو يضع يديه في جيبه وينظر إلي النيل أمامه في تأمل ، و أخيه بجانبه ظل صامتين فترة طويلة قاطعها نور ...
نور بضيق : يلا نروح
سيف : منقعد شوية تيجي نركب المركب هتبقي اول مرة نعملها
نور بضيق : مش عايز
نظر سيف حوله ليجد أن يوجد بعض الأشخاص ينظرون له شعر بضيق شديد ، ليأخذ أخيه ويذهب مثلما أراد ...
        ***************************
جمال بعد يوم متعب لها فمنذ الصباح وهن بالخارج يتحركن ويضحكن ويأكلن الايس كريم ويدخلن محلات الملابس ، عندما دخلت إلي المنزل جلست عند اول كورس قايلها في حين مديحة التي دخلت في حماسة وهي تقول : شوفتي يا ماما جمال اشترتلي لبس اية
نوال : لبس اية اللي اشترتيه واخوكي ميت
جمال : البت صغيره ياما علي الاسود دا سبيها وبعدين هي بتروح المدرسة بالزي المدرسي مش بالبس دا وفين وفين لما بتخرج يعني مفيش حاجة
نوال : عنتر جالي في الحلم وهو بيضحك وباس رأسي
جمال مبتسمة : أنا هنزل الشغل بكرة
نوال : واخوكي اللي لسة ميت
جمال بحدة مكتومة : هي خلاص الحياة وقفت اول ما اخويا مات ، اشترت لبس طيب واخوكي اللي مات ، هنزل الشغل طيب واخوكي الي مات ، هنعمل اكل طيب واخوكي اللي مات ، خدي بالك الشغل دا اللي هجيب الفلوس عشان نعيش ، واخويا ربنا رحمه من القرف اللي كان بيشوفه ...
نوال : ربنا يرحمه
تنهدت ثم نظرت لوالدتها : هو صح مينفعش انزل الشغل
نوال وقد ذهبت تجاها وقبلت رأسها : لاء انزلي يابنتي حتي تبعدي عن البيت شوية واعصابك تهدي
جمال وهي تحضن والدتها : فعلا أعصابي تعبانه اوي
نوال : باين من كلام بقالك يومين بتكلميي بعصبية مش عوايدك
جمال تقبل يداها : أنا اسفة والله
نوال : ربنا يباركلي فيكي يارب
مديحة : وانا كمان احضنوني معاكم
نوال : تعالي يا مجنونة
        *******************************
في الصباح وكالعادة دلفت زيزي إلي الغرفة لكي تقظ أخيها ...
زيزي : سيف يا سيف
سيف بضيق : خلااااص صحيت
زيزي : مبورحه ياعم مانتا اللي نومك تقيل
سيف وقد تركها وغسل وجه : يلا روحي هاتي القهوة عقبال مفطر لينظر علي السرير ولكنه لم يجد نور ليقول : أومال فين نور
زيزي وهي تفتح له علب الطعام : جمال خادته يتمشوا في الجنينة تحت
سيف وهو ينظر بتفاجأ : اية ؟ جمال جت هنا
زيزي : ايوة دي جات البيت الساعة 6 الصبح وعرفت كل حاجة من عم محروس فلما صحيت لقيتها مجهزة كل حاجة وقالتلي هتيجي معايا
سيف بلهفة : هاروح اسلم عليه
ليتركها ويذهب في عجله من أمره لم يسمعها وهي تقول " طيب مش هتفطر الأول" .........
      

يتبع^^
رأيكم مهم جدا معلش الفصل نكدي شويتين بس دي أخر النكد خلاص😂 رأيكم مهم جدا والله بلاش المتابعة في صمت دي الله يكرمكم ...
#هلوسات_هامستر