معا نمضي للفردوس

🙈🙈

فى بنت من اوروبا اتجوزت ولد تونسى ولما الولد حصلتله مشاكل مادية واترحل !! سافرت معاه لتونس ’ لما رجع لبيته -- أمه واخته طردوه وقالوله خد الصايعة اللى انت جايبها وامشى برة "
الولد فضل كام يوم ينام فى الشارع والبنت معاه ومتخلاش عنها - صحفى تلفزيونى عرف بقصته خده وعمل معاه حلقة وهو بيحكى عن جدعنة البنت عيط وقال أن مرمطتها معايا جدًا وهى متستاهلش كفاية اللى شالته عنى لما كنت فى الغربة !! انا مش عاوز غير سكن بدل نومة الشارع ’  البنت مسحت دموعه وقالتله " أنا مش عاوزة سكن أنا سكنى فى اى مكان معاك ويكفينى أنّى أسكن قلبك "

🌸🌸🌸🌸
فى سؤال إتسأل فى صفحة  كان بيقول  أول مرة العريس جه اتقدملك جاب معاه ايه ؟؟
بنت قالت إن والدته كلمت والدتي وبعدها بأسبوع اعتقل بس انا كملت وقولت مليش دعوة بالاعتقال وروحتله واخدت بوكس فيه مصحف ومسبحة الكترونية وشوكلت وقالي كان المفروض انا اللي اجيلك " سامحيني  إتخطبنا وبعد سنتين خطوبة اخد حكم مؤبد ’  بس انا مش هسيبه ولا عمري هتخلى عنه عشان بحبه ..
🌸🌸🌸🌸

فى بنات جدعان جدًا ’ ولاد أصول  هتلاقيهم شاربين من الطينة الطيبة ’ لما تتجوزها مهما الزمن جه عليكم تلاقيها دايمًا فى ضهرك !! بتقويك وتسندك ’ بتأخدك على المُرة معاها قبل الحلوة -- مش بتشوف شكلك ولونك وفلوسك -- بتدور على معدنك الطيب -متربية وعينها شبعانة -ايدها فى ايدك على مُر الزمن وقسوة الأيام

وفى بنات مع أول مطب فى حياتك بتلاقى القلم المتين وتقولك السكة اللى تودى -- مبتجريش غير ورا رغباتها وحبة المظاهر اللى عاوزة تدارى بيهم كلاكيع قلبها !!

عشان كده لما تلاقوا الحُضن اللى تناموا فيه وانتم مطمنين - اوعوا يوم تتخلوا عنه أو تؤذوه ’ حاجوا اوى على كل ايد حنينة بتمسح شقاكم بابتسامة أمل ورضا - وبتطمنكم إن بكرة دايمًا أحسن  :))