معا نمضي للفردوس

أنا مش هقلك #البسي_نقاب

أنا مش هقلك #البسي_نقاب ولا هقلك ان القول الراجح #وجوب ارتداء النقاب إن لم تأمن #المرأة على نفسها #الفتنة

لكن هقول للبنات #غطوا_شعركم كله والله البندانة السوري معمولة عشان #تداري_الشعر كله مش عشان نقسمه نصين ونرجعها ورا ونبين #نص_شعرك

#إقفلوا_الطرحة بدبوس بلاش تبينوا رقبتكم داروها من النار وعين الناس ..

#غطوا_جسمكم بلاش تلتين كم من غير شيميز أو معصم إيدك دي من ضمن العورة والله

#بلاش_دريسات أو جيبات قصيرة من غير حاجة تداري الرجل

بلاش #بنطلون ونشمره بلاش لبس ضيق ومجسم

أنا عارف والله إننا في #زمن_الفتن فيه بقت كتيرة أوي بس كلنا بنجاهد على أد ما نقدر ونحاول مرة واتنين و عشرة لحد ما نثبت ..

إحنا كلنا بنغلط وده طبيعي ومفيش حد ملاك ولا معصوم من الغلط بس خير الخطائين التوابين

حاولو تمسكوا ف الصح بإيديكم وسنانكم أحسن العملية باظت خالص وبقى الصح عيب وتشدد ..

وافتكروا حديث رسول الله ﷺ: يأتي زمان على أمتي القابض على دينه كالقابض على جمرة من النار !

وباللي إحنا بنشوفه .. أظن إننا وصلنا للزمن ده ..

زمن الحرام والحلال بقى تشدد ورجعية وتخلف !

بقينا بنمشي ورا الموضة وبنقلد تقليد أعمى .. ومفيش أي صفة من صفات الحجاب الشرعي متحققة ف لبس البنات !

لبس البنت المفروض للستر مش لعرض الجسم وتفاصيله ..

خافوا على نفسكم .. والله ما في شيء يستحق إننا نتنازل عن الجنة علشانه

ويا عالم بكرة في إيه..  يا عالم على أي حال هيجي معادنا وتكون خاتمتنا .. يا عالم هنكون فين وبنعمل إيه وعلي أي وضع وأي حال ..

قبل ما تخرجي من البيت أقفي أدام مرايتك واسألي نفسك .. لو جالي ملك الموت دلوقت هكون فرحانة إني أقابل ربنا كده ؟!

يا رب إرحم موتانا وأحسن خاتمتنا جميعا وثبتنا على طريقك حتى نلقاك🤲🤲