معا نمضي للفردوس

يجب الاستعداد لرمضان قبله

📌 عايز تنطلق إلىٰ اللّٰه في "رمضان". ❓
❓ عايزة تفوزي "برمضان"🌙

يبقىٰ البداية مش إن الواحد يقول لك إنا هبدأ في "رمضان". لكن يستعد من قبلها...

↙️كنا رايحيين الصعيد في مؤتمر مرة واحنا  رايحيين نزلنا مطار "أسيوط" مش فاكر مطار إيه يعني جاء واحد من إخواتنا كده معاه عربية🚙 زيرو وهو أصلا سواق يعني هو شغال علىٰ العربية فجاء ليوصلنا ركبنا من المطار طرق الصعيد طرق مفتوحة ومغرية للإنطلاق فطار علىٰ
0⃣5⃣1⃣ أو 0⃣6⃣1⃣ في الساعة ⏰

وأنا قاعد أقرأ في كتاب كده 📚واحنا ماشيين شوية لقيت العربية بتتهز

وأنا ببص قدامي لقيت موتوسيكل 🏍🏍فجأة ظهر قدام العربية لا أدري طلع منين.
◀️فالسواق حاول يتفاداه قام مفرمل أول العربية ما فرملت لقيت العربية قامت خارجة عن الطريق أصلا

وراحت الحارة الثانية وبعد كده راحت لفت 0⃣8⃣1⃣ درجة وقامت راجعة في الحارة بتاعتنا تاني.

↙️يعني لو كان في عربية ورانا كنا احنا الإثنين فرملنا مع بعض وبعد كده قامت مقلوبة أربع مرات، وقفت علىٰ حرف ترعة الترعة دي صخرية مش طينية

ومافيش فيها مياه يعني لو كنا نزلنا اللفة الخامسة كانت العربية اتعجنت وبعد كده خرجنا من العربية.

⤵️بالطبع أنا خارج من العربية أنا معلوماتي عارفين الوزة 🦆لما تتذبح مابتقعش الوزة لما تذبح تفضل ماشية كده وبعد كده تقوم واقعة فجأة

فأنا خارج من العربية🚘 كل اللي بيدور في دماغي  إن أنا خارج من العربية علىٰ رجلي وفجأة الواحد هيقع.

↩️وأنا خارج الحمد للّٰه أيقنت إن مافيش حاجة المهم ربنا نجانا بلطفه.

〰فالواحد اتعلم إن مافيش عربية في الدنيا مهما كانت زيرو مهما كانت جديدة تقدر وهي طايرة علىٰ سرعة 0⃣5⃣1⃣ تقوم مفرملة فجأة مافيش الكلام ده.

🔽أهو بالضبط كده أنتَ دلوقتي طاير في الدنيا طايرة في الدنيا وفي حب الدنيا.
كل واحد فينا 🤷‍♂فاكر إن أول ما "رمضان" هييجي هيقوم مفرمل ويبدأ ينطلق في الدين مش هينفع هتتقلب مش هينفع لازم تفرمل من بدري لازم من دلوقتي تفضل تجهز.

⏮يا إخواننا الثانوية العامة النصف درجة فيها بتفرق في مستوى الطالب بدل ما يدخل الكلية اللي هو عايزها بيدخل كلية تانية ،وفي بلد تانية ،ويفضل ندمان أربع خمس ست سنين وهو بيسافر رايح جاي، ويقول يا ندمي دي كانت نصف درجة.

نصف درجة يعني ماتش كورة بدل ما كنت ألعبه كنت أذاكر ، يعني ليلة بدل ما أنامها كنت أسهر وأذاكر  نصف درجة.

▪️▪️ يا إخواننا عارفين يعني إيه نصف درجة يعني كلنا سمعنا الكلمة دي من أهلينا من والدك أو من والدتك يقول لك يا ندمي يابنتي، يا ندمي يا ابني.

ده كان الأرض الفلانية اللي المتر فيها دلوقتي ب0⃣3⃣ ألف جنيه أو0⃣4⃣ ألف جنيه كانت معروضة عليَّ بربع جنيه بالتقسيط كمان.

⏮وأنتَ تقعد تقول آه كان زماننا أغنياء دلوقتي دي يا ندمي الخاصة بالدنيا، ما بالك ياندمي الخاصة بيوم القيامة شكلها إيه، يا ندمي الخاصة بالآخرة شكلها إيه.

📌عايزين مرة نستعد للشيطان قبل ما يستعد لنا عايزين مرة نجهز للشيطان قبل ما هو يجهز لنا.

⏮ عايزين نصدق إن الشيطان مش عايزنا نبقىٰ كويسين......

( إِنَّ الشَّيْطَانَ لَكُمْ عَدُوٌّ فَاتَّخِذُوهُ عَدُوًّا) صدق ربنا _سبحانه وتعالىٰ_ إن احنا نصدق إن في حد بيستعد علشان احنا مانعرفش نوصل لربنا.
عشان احنا مانعرفش نرضي ربنا.
عشان احنا مانقدرش نقرب من ربنا _سبحانه وتعالىٰ_ عايزين نعرف خطورة الاستعداد "لرمضان"