معا نمضي للفردوس

الحلال جنة 🌸

حبيتة !

أنا حبيت واحد يا إسراء حبيتة حب زي الادمان كدة بالظبط والله كنت كل يوم بسهر أكلمة ع النت والموبايل وكان تقريباً يومي كلة بيضيع في تفكيري فية .. المهم كنت كل يوم أطلب منة يتقدم ليا زهقت من الحرام انا عاوزة الحلال .. الحلال وبس ولما أتقدم وأتخطبنا حسيت أنة متغير

- محمد

- نعم يا الاء

- في اية يامحمد مالك من يوم ما أتقدمت وأنت متغير معايا

- ولا حاجة يا ألاء

- لافي أحكيلي

- ألاء ممكن أسألك سؤال !

- اة يامحمد

- هو لو غيري كان كلمك كنتي هتوافقي !

- يعني اية يامحمد !

- ولا حاجة ولا حاجة سلام دلوقت

" صحابة دايما كانوا بيلعبوا في دماغة ان البنت اللي سلمت قلبها مرة لولد تقدر تسلمة لغيرة وأن دا اسمة رُخص والبنت الشريفة هي اللي تحافظ علي قلبها بس ... بس أنا كنت .. أنا كنت بحبة والله !

- تيجي نجيب فستان الخطوبة بتاعتك يا ألاء

- هو محمد فين ياطنط

- محمد قال ليا انة مش فاضي عندة شغل

- كل ما برن علية مبيردش

- والله يابنتي ما اعرف

- حاضر خلاص

" روحنا جبنا فستان الخطوبة فعلا وأتخطبت رسمي لية خلاص "

- محمد ماتيجي نلتزم بضوابط الخطوبة

- يعني اي بقي ضوابط الخطوبة دي

- " كلمتة عن ضوابط الخطوبة "

- ههههههه يعني هنقضيها قبل الخطوبة ونيجي ف الخطوبة نلتزم بضوابط خطوبة !

- يامحمد خلاص ربنا رزقنا ببعض ماتيجي نكمل صح بالله عليك الطريق

-ماشي ماشي

" زي مايكون خدها حجة لكل حاجة ؛ مبقاش بيجي نهائي عندنا ولا بيكلمني ولا أي حاجة ،عدي شهرين "

- الاء انامش مرتاح

- يعني اي يامحمد

- يعني مش مرتاح يا الاء انا مش شايفك تنفعي ام لولادي !

- طب وقلبي وحبي ليك هو يا محمد ... محمد فهمني في اية

- أنا مش مرتاح كلمتي كام واحد قبلي ! انا اية اللي ضمني اني أول واحد في قلبك فعلا وأنك مش بتكدبي ! قابلتي كام واحد غيري !

- محمد خد دبلتك وأمشي من حياتي خالص

" خد دبلتة فعلاً يا إسراء وأختفي مظهرش تاني .. انا وقتها أتاكدت من جملة لو خدتية بمعصية ربنا ربنا هيذلك بية ويعذبك .. قررت أن قلبي هقفلة نهائي مش عاوزة جواز بقي أنا قلبي تعبان تعبت بجد حسسني أني رخيصة بجد .. "