معا نمضي للفردوس

نخلةة يا بيه؟؟!!

_ نخله يا بيه ؟!
= هو مش كان اسمه ورد يا بيه ؟!
_ ورد ايه بس يا بيه. الورد مبيأكلش عيش، تاخد نخله ؟!
طب بالله لتاخد نخله 😂
كنت بسمع فيديو ل شيخ أحمد العزب و هو بيشرح حديث عظيم جدا، كان من ضمن الحديث " مَن دَعا إلى هُدًى، كانَ له مِنَ الأجْرِ مِثْلُ أُجُورِ مَن تَبِعَهُ "

بيقول إن اللى بيدعى لخير و حد بيستجيب له و يعمل بالخير ده انت ليك الأجر زيه..

ف قال مثال و تقريبًا كان مبسوط أوى و هو بيقوله 😂

لو انت مثلاً قولت ( سبحان الله العظيم و بحمده ) هيتبنى ليك نخله فى الجنه..
الله حلو أوى، قولوا كده سبحان الله العظيم وبحمده ، أهو يا سيدى اتبنالك نخله ، أما أنا بقى اتبنالى ( ضحك و مكملش ) قولوا اللهم بارك كده و بلاش عينكم تبقى من النخل الوقتى و اللى فى المسجد قعدوا يضحكوا 😂

طب قولوها تانى، قولوا سبحان الله العظيم وبحمده، الله جميل أوى يلا قولوا سبحان الله العظيم وبحمده تانى😂🖤🖤🖤

و غالبًل الشيخ نسى نفسه و قعد يقول الوقتى كتير 😂 و قال يعنى انت مثلًا الوقتى لو روحت و قولت ل أمك مش أنا كنت فى المسجد النهارده و الشيخ بيقول إن من قال سبحان الله العظيم وبحمده له نخله فى الجنه ؟!
لا والله حلوه أوى، فلما أبوك يرجع من الشغل تقوله اووسكووت مش ابنك كان فى المسجد و الشيخ بيقوله لو قولت سبحان الله العظيم وبحمده مره بيتزرع لك نخله فى الجنه، كده ابوك بقى له نخله و أمك لها نخلتين و انت تلاته و أنا أربعه بالصلاة على النبي 😂😂

أنا من كتر ما أنا مبسوطه والله و طمعت فى الأجر وقفت المحاضره و حكيت الموقف، يلا حد عايز نخله ؟!
نخله يا بيه ؟!
محتاج نخله ؟!

أنا والله حاسه إنى عندى طاقه جباره دلوقتى بتقولى امشى قولى للناس نخله يا باشا ؟!  عايز نخله يا باشا ؟!
طب قول سبحان الله العظيم وبحمده ، الله حلوه يلا قولها تانى بقى ، الله شطور قولها تالت يلا يا عسل 😹🙈

*سبحان الله العظيم وبحمده* 🤍🕊️