: انا خلاص هتجوز كاتبه
- طب ما تتجوزني ..!
: اتجوزك ايه انتي بتعرفي تتكلمي عشان تكتبي ..
منكرش اني زعلت هوا انا مبعرفش اجمع بس دا معاه لاني بحبه الحب دا كلمه قليله ع اللي بحسه معاه حقيقي. مش فيه ميزه تخليني احبه وانا احلي منه ودمي خفيف وهوا دبش وعصبي بس الواحد لما بيقع مبيعرفش يفرق بين الحلو والوحش ولا الصح والغلط
:حنون
- نعم
: سكتي ليه طيب
- ولا حاجه ..تصبح ع خير
: الخير اني اتجوز كاتبه ادعيلي اتجوز كاتبه
" انا بكتب عشانه هوا عايز يتجوز كاتبه وانا بكتب من صُغري حبيتها اكتر عشان هوا بيحبها عملت ايميل فيك وبنزل عليه من سنه واتشهرت وهوا بيحبها بيحب بنت مش موجوده الغبي… !. "
"انها الواحده قهرا بعد منتصف الموت "
- صداع من كتر النكد
: صاحيه دلوقت ليه
- عشان اشوف صحبي وهوا كئيب والحرامي طب خدها كوبي طيب
: عرفتي ان رحمه نزلت حاجه
- هه دا انا ببات في الاكونت بتاعها
: طب ما تكلميهالي وخليها تحبني
- عيب عليك انت راجل ياصفصف اجمد كدا
: جوزيني ليها وهبقي جامد
هنشترك ونعمل كتب انما ايه عظمه وهتتفشخري بيا قدام صحابك
- لا ياخويا مش عايزه اتفشخر خليك كدا انت حلو وعاجبني
: اي عاجبني دي يابنت عيب
- ياراجل اقفل يالا بدل ما اصحيلك عمك
: اتخمدي ياختي
"
مصطفي مهووس كتابه وهوا اصلا فاشل نفسه يحب كاتبه مسك كتاب عندي مره وقراه ومن يومها وهوا مفكر نفسه نجيب محفوظ في زمانه. بيحب كتاباتها ولا بيحبني…!!
: حنااان ردي عشان احبك
- اديني رديت هتحبني امتا بقي
: فوكك هتعرفيني عليها امتا
- ع مين
:رحمه ياحنان
" انا بحبه بس بغير عليه حتي لو من نفسي ..!! هوا انا غبيه كدا ليه ليه حبيت حد مبيحبنيش ما انا ممكن احب حد كويس و يحبني ليه انا غاويه تعب القلب
: حنان احنا لازم نتجوز في اقرب وقت مينفعش كدا
- اي دا انت فاجئتني سيبني افكر
: حنان متستهبليش
- والله اشتم انا بحذرك
: يابنتي فوقي انتي بتكلميني فصحي يعني متعرفيش في الشتايم غير تبا لك
- انت بتتريق عليا
: مش اقصد بس
- لا خلاص ولا يهمك
: تمام انا اقصد اني اتجوز رحمه
- روح اتجوزها اعتقد اني مش ولي امرك ولا الواصي ليك عشان تستاذني
: انتي زعلتي
بصيتله وابتسمت - لا ابدا وازعل ليه. انت قولت حاجه تزعل
: عارفه من صغرك وانتي كدا بتبيني انك مش زعلانه بس بسبب كلامك دا بتخلي اي حد مز'علك يكره نفسه انا اسف متكلمنيش كدا بالله بحس اني وحش اوي ياحنان
ابتسمتله ومشيت
" فعلا دي عاده عندي عمري ما لومت حد بس بمجرد ما ببصله او اقوله تمام وامشي الاقيه بيقولي اسف
معرفش ليه رغم اني ماعتبتش حد اعتقد دي من مميزاتي القليله "
دخلت بيتنا فتحت ايميل رحمه وفضلت ابص ليه معقول دا اللي مبوظ. حياتي حاجه كنت عملاها وفرحانه بيها اوي كنت مبسوطه لمجرد اني بتشهر او ناس تدعيلي بظهر الغيب دي حاجه مفروغ منها بس دي قلبت عليا وبقيت اعاني من الحاجه اللي كانت سبب سعادتي انا ايه اللي عملته في نفسي دا "
