مروه متقدملك عريس زى الورد
=حطيه فى زهريه
أنتى بتهزرى
-أمال أسيبك تهزرى لوحدك
ي بنتى ده متدين وملتحى حتى كمان بينزل بوستات دينية على الفيس
-بينزل بوستات دينيه على الفيس يالهوى يبقى متدين فعلا أنتى مبتكدبيش
أتريقى برحتك أنتى حرة بس هو متدين فعلاً أنتى الخسرانة
-خسارة إية أنا دوول بخاف منهم أصلاً ،ده ممكن بعد شهرأكلمه على الفيس يقولى مين معايا الصفحة أتهكرت
ليه أهبل
-لأ غبى !
هو مين ده ؟!
اللى جه اللى جاى اللى هيجى هو أسمه إيه صح؟
أسمه محمد باين
-باين يعنى مش متأكده طيب
أفكر
إيه هو جاى بكرة أصلاً
-كمان !!
......
دخلت أوضتى صليت العشا وقريت سوره النجم بحب صورة النجم أووى علشان بتتكلم عن النصيب ، فضلت أدعى كتير وأنا عندى يقين أن الدعوات هتتقبل 💙
وخرجت تانى
....
فكرتى ؟!
-إدعيلى بس أنتى قولى اللهم إن كان رجلاً لبقى أقصد أن كان خيراً لبقى !
ضحكت،أدخلى نامى ي لمضة
.........
أنتى لسة مجهزتيش ؟!!
-جهزت أهو فاضل بس ال..،ال أيه الباب بيخط !
خلصت وخرجت ،لقتيه قعد كان لابس تيشرت أقصد قميص أبيض كان ماسك سبحته فى إيديه وباصص فى الأرض !
....
أده هو ده
-ماما نولينى منديل
ما فى إيدك اهو
-لأ من بتاع اللهم بارك لكما وبارك عليكما ده !
أبتسمت ،وهو تقريباكان سامع وعامل نفسة مش سامع متدين أأوى !
قربت وأقعدت جمبه هو قاعد، قاعد على الشمال وأنا قعدت جمبه على اليمين رفع راسه وبصلى ،أنا ساعتها نسيت كل خاجة ومفتكرتش غير الأيه اللى بتقول "سيماهم فى وجوههم "
هو تقريباً مكنش عارف يبدأ بإيه فقالى :
فستانك حلو أأوى
أنا أبتسمت
تعرفى أن أنا بحب البنات اللى بتلبس فساتين أووى
أبتسمت تانى
وأنتى بقا بتحبى الناس اللى بدقن ؟
-أنا بحب اللحيه عموماً ،بس مش بحب كل الناس اللى عندهم لحية !
ليه؟!
-علشان مش كلهم زى بعض
إزاى!!
-ساعات اللحية دى بتبقى فيك !
ضحك ،فيك !!
-اه فيك
اه وإيه كمان ؟
-وساعات بتبقى منظر بس !
منظر !!
-اه منظر
طب ولحيتى ؟
-حلوه
فيك ؟
-لأ
عرفتى إزاى ؟!
-"سيماهم فى وجوههم"
#حكاوى من كام سطر
مروه ناصر
