"اسكريبت جديد"💛🌻
الساعه2 بليل..
رحمه: انت مش بترد عليا ليه، استنا هنا متسبنيش وتمشي! اعااااااااا
مي: رحمه أصحي بتسرخي ليه
رحمه: نا لسه هنا..مشي مشي ي مي
مي: ي رحمه ارحمي أمي،مش كل يوم تحلميلي بسلطان بتاعك دا واول م الحلم يخلص ويمشي تسرخي وترعبيني!
رحمه: أترعبي بس ميمشيش
مي: طب ها شوفتي شكله المرادي
رحمه: لء بس كلمته هو كان مديني ضهره، كنت حساه مبتسم ونا بكلمه، نا كلمته وقولتله نا مشتقالك ومشتاقه لوجودك فعلياً ،هو رد عليا بس مش فاكره ولا كلمه من كلامه وبعدها حسيته أبتسم ومشي
مي: ولما انت كل حاجه بتحسي فيها كده محستيش شكله بالمره ليه!
رحمه: انت بتتريقي! نامي نامي
مي: تصبحي ع خير
رحمه: قوليلي تصبحي ع سلطان
مي: هنام قبل م اتشل
::::::::::::::::::::::::::::::::::
مريم: الو ي رحمه
رحمه: صاحبي
مريم: مجتيش ليه لحد دلوقت المدير هايعمل مننا بطاطس محمره
رحمه قامت من ع السرير: ثبتيه وقوليله ف البدروم لحد م اجي بسرعه
مريم: مبكذبش نا
رحمه: هاقول ل مامتك انك لسه بتشربي قهوه ومبطلتهاش
مريم: كذبه بيضه عادي!
رحمه: ايون دي بيضه عادي مش عليها سيئات كتير
مريم: خلصي ي إستغلاليه
رحمه: بلبس اهون باي
:::::::::::::::::::::::::::::::::
المدير كان واقف بيزعق للموظفين: والانسه رحمه لسه جايه! دي مش جريده، دي بقيت كوفي شوب
رحمه: نا كنت ف البدروم
المدير: وبتعملي ايه ف البدورم
رحمه: مريم, مريم كان ف ورق..بصراحه مريم قالتلي..حضرتك نا لسه جايه
المدير: الله الله، كله ع مكتبه والانسه رحمه ورايا ع المكتب
رحمه: حاضر ي فندم..
مريم بتبص وتضحك
رحمه: والله لأقولها ع القهوه
مريم: وانا مالي ي لمبي ..الله
المدير: ي انسه رحمه
رحمه: ماشي ي سنجوبه ..حاضر ي فندم حاضر
::::::::::::::::::::::::::::::::
المدير: ف موظف جديد جاي وعايزك تفهميه كل حاجه هنا بما انك الأقدم..هو دماغه عاليه وهايستوعب الشغل بسرعه
رحمه: حاضر ي فندم
المدير: هو اول لما يوصل هابعتهولك ع مكتبك
رحمه: حاضر ي فندم
المدير: وي ريت تيجي بدري..شكلك وحش اوي لما تكوني الأقدم وبتيجي متأخره كده
رحمه بضحكه:الأقدم بقا ي فندم
المدير: نعم!
رحمه: اقصد حاضر
::::::::::::::::::::::::::::::::
مريم: ها قالك ايه!
رحمه: انت تخرسي
مريم: يبنتي انت هبله! انت اللي اعترفتي!
رحمه: م نا ملقتش الصاحب اللي يساعدني..ي رب خودها وريحني
مريم بحزن مصتنع: ياخودني!
رحمه: ياخدك ويجيبك ف بيتنا علشان بتوحشيني ي غبيه
مريم: بتثبت ي حكومه
رحمه بضحكه: غوري بقا ويلا ع مكتبك ي استاذه
مريم: حاضر ي استاذه
:::::::::::::::::::::::::::::::::
سبحان: انسه رحمه
رحمه: ايه الحيلوه ده لا وبدقن مشاء الله، ايه الحلويات اللي ع الصبح دي ي جدعان,... احم ايون نا
سبحان: نا زميلك هنا اللي المدير كلمك عني
رحمه: ايوه..اتفضل اقعد
سبحان: كنت عايز اعرف طبيعه الشغل علشان اشوف هاعرف اتأقلم ولا لء
رحمه ف سرها هو بيطلع كلام ولا عطور! اول مره يطلع القمر مع الشمس بالنهار..لا وبيتكلم!، نا مالي اتخطفت كده ليه..
رحمه: حضرتك الشغل..... *وفهمته الأوضاع*
سبحان: تمام عن اذنك
رحمه: رايح فين
سبحان: للمدير اشوف فين مكتبي
رحمه ف سرها..تعالا اقعد ف مكاني لكن متسبنيش ي سلطان..، تمام اتفضل
:::::::::::::::::::::::::::::::::::::::
"بعد م وقت الشغل خلص"
رحمه: مريم نا شوفته ف الحقيقه شوفته نا مش مصدقه
مريم: دا مين
رحمه: هو ف غيره!
مريم: بتهزري! سلطان! لا لحظه اسجد للمولي
رحمه تتلفت حواليها: بس مش عارفه هو مشي ولا لسه!
مريم: بجد ي رحمه..!
رحمه: وهو سلطان يتهزر فيه..يست دا موظف جديد
مريم: واشمعنا دا اللي خلتيه سلطان؟
رحمه: نا من قبل م اشوف سلطان ف اتصال روحي م بينا، اوقات كنت احس بيه، وأوقات كنت احس اني مبسوطه وان الامبساط دا بسبب فرحته، وأوقات بيكون قلبي مقبوض وخايفه عليه..ولما بيجيلي ف منامي بحس احساس غريب وحلو ف نفس الوقت..والاحساس دا نفسه حصل اول لما دخل المكتب, حسيت بكل تفاصيله..نا شوفت ناس كتير ولسه هاشوف, لكن سلطان لء ميتقارنش..بحبه بكل الزخرفه بتاعته، هو توأم روحي ي مريم..ف حد مش بيحس بروحه!
مريم: تراني اتأثرت، وف ذات الوقت مبسوطه أن قلبك دق له ف الواقع خلاص، مبسوطالك ي رحومتي، هو اسمه ايه؟
رحمه: تصدقي نسيت اسئله! او ممكن علشان نا مسمياه اصلا
:::::::::::::::::::::::::::::::::
"تاني يوم"
المدير: الانسه رحمه جايه بدري مشاء الله
رحمه: نا عندي الالتزام ثم الالتزام ي فندم
:::::::::::::::::::::::::::::
سبحان دخل المكتب ع رحمه: صباح الخير ي رحمه
رحمه ف سرها بيموت فيا بيموت فيا...احم صباح النور ي سلطان
سبحان: سبحان قصدك!
رحمه: انت اسمك سبحان!
سبحان: ايون
رحمه: من امتا دا
سبحان: نعم
رحمه: قصدي اسمك حلو ونفس الوزن والقافيه
سبحان: انت بتقولي ايه؟
رحمه: قول ي سبحان قول كنت عايز ايه
سبحان: كنت عايز رأيك ف حاجه
رحمه ردت بسرعه: موافقه
سبحان: نا لسه قولت
"رحمه اهدي بالله عليك الواد هايفهمنا غلط ".. اتفضل رأيي ف ايه
سبحان: مقال كاتبه وكده
رحمه: انت بتكتب!
سبحان: ايوه
رحمه ف سرها والله العظيم تلاته هو ي جدعان هو
-طب سيبه هاقرأه واقولك رأيي
