* يعنى أيه هربت
- معرفش ... وده اللى هيجننى ، أحنا كنا بنحب بعض بس ليه تهرب ليه ؟؟
* والعمل ايه دلوقتى والمعازيم والفرح
- فرح ايه دلوقتى بس .. انا عايز اعرف هى فين وليه سابتنى وف الأخر سايبالى حتة ورقة انها مش هتكمل
* ى حبيبى أهدأ
- هو مش انتى اخر واحدة كنتى معها ف الأوضة
* أيوة بس انا طلعت اجبلها عصير وعندها الميكب ارتست
- بوجوم : الميكب ارتست !!
* أيوة
بصلى وبعدها مشى وانا مستغربة .. ازاى واحد كان متعصب فجأة بقى هادى كدا ،
النهاردة كان فرحه وقبل الزفة عروسته هربت وسابتله رسالة أنها مبتحبوش ومش هتكمل، فضلت طول الليل مستنياه ومرجعش ... تانى يوم رجع وهو هادئ بطريقة غريبة
* على
- بصلى شوية : نعم
* كنت فين طول الليل
- كنت بتمشى ومأخدتش بالى من الوقت
* طب اطلع ارتاح دلوقتى
- اوك
مشى خطوتين والتفت : صحيح صاحبى هيجى فابقى صحينى
* حاضر
مشى بهدوء تام ودخل أوضته .. لكن هدؤه ميطمنش ، على من النوع العصبى وخاصة لو خسر حاجة روحه فيها .. ومريم مش مجرد بنت خطبها أو زوجة مثالية زى ما بيقولوا .. لكن دى حب تلات سنين
------
ع المغرب جه صاحبه ونظراته غريبة جداً
*مين
- انا كيان صاحب على
* ثوانى هناديه
- اتفضلى
خبطت ع باب على وخمس دقائق وفتح الباب
* صاحبك بره
- طب معلش ى فرح اعمليلنا قهوة مظبوطة
* اوك
عملتها وقدمتها ليهم وانا مستغربة نظرات كيان ، كأنه بيحاول يقتحم افكارك ..
-----
أتقى شر الحليم إذا غضب ، لكن لو الغضبان هدى يبقى أتقى شره أضعاف المرات .. وده اللى اتبعته مع على
* على
- نعم
* عايزة أسألك عن حاجة
- ايه
* يعنى انت هادى من وقت الفرح ودى مش عادتك
- هستفاد ايه لو عصبت
* بس هدوئك مخوفنى .. لو ف حاجة قولى انا اختك
- اتنهد : مفيش غير أن مريم مهربتش
* انت بتقول ايه والرسالة
- المعمل الجنائى أثبت أنه مش خطها !!
* تقصد أيه
- مريم اتخطفت
* نعمم !!
--------
- آلو
* مريم .. انتى فين قوليلى
- معرفش ... الحقنى ى على البنت دى مجنونة
* بنت مين
- الميكب آرتست
* مر.... آلو آلو
فجأة رمى الفون بقوته ع الكرسى وهو بينفخ ووشه أحمر
- والله ما هسيبيها إلا لما أخليها تندم عاللى عملته
مسك فونه ومشى بسرعة بره البيت وخطواته مبتعلمش ع الأرضية
-----
بدأت التحقيقات ف موضوع الخطف وكان دائما على وكيان مع بعض ف كل خطوة
الفون رن بنفس الرقم
- آلو
* اذيك ى على
- مين أنتى
* معقول نسيت صوتى .. معتقدش سنتين قادرين ينسوك
- سنتين ايه وليه أخدتى مريم لو بينا عداوة مدخليهاش بينا
* تؤتؤ كل واحد يخصك له دخل
- بعصبية : هوصلك ولو ف آخر الدنيا
* وده اللى عايزاه ... أوصلى لو تقدر وانا هستنى اللحظة دى
الخط اتقفل وهو معصب وبص لكيان
-------
بالليل
- آلو
* مريم
- انا هربت ى على ... تعال خدنى بسرعة
* طب أهدى وقوليلى انتى فين
- انا ف بيت الساحل
* طاايب خليكى جوه وانا دقائق وهوصل
-------
بعد أسبوع .. ع الساحل
- قتلتيهم ليه
* بصيتله بضعف مخلوط بإنتصار : ف حكايتى كنت أنا المظلوم والظالم والمجنى عليه والجانى ... هما قتلونى وانا قتلتهم
- طب أيه ذنب فرح ... ليه تقتليها
* مجرد وسيلة ... هى كانت لازم تضحى عشان اوصل لإنتقامى ... عارف من سنتين كنت ضعيفة وكان الخوف من العلاقات متملك كل جزء من تفكيرى ... لكن هو كسرلى خوفى واوهمنى بحبه ، بحياة مليانة أمان ، عطانى كل شعور حلو وانا سلمته قلبى وأيه المقابل ... كسرنى قتل كل شعور جميل ومشى بدم بارد ... حولنى من واحدة كل هدفها شوية آمان لواحدة هدفها أنتقام وبس
- وعشان تنتقمى قتلتى تلاتة
* بعصبية : مكنتش عايزة اقتلهم كنت عايزاه ينهار، يحسوا بكل حاجة وأذى سببوهالى
------
باااك
دخل على بسرعة البيت وهو شايف مريم قدامه وفجأة حس بخبطة قوية ع رأسه ووقع ... بعد ساعة فاق وهو مربوط ومريم جمبه بتعيط بفستان فرحها ومربوطة .... بص قدامه
- بصدمة : فرح !!
* ههههههه طلعت مزيف ف كل علاقاتك ى على مش بس ف الحب حتى ف الأخوة
- تقصدى ايه
* انا مش فرح انا إيمان فاكرنى
- ليه
* بغضب : نفس ما هتجاوبنى .. ليه خدعتنى ليه دمرتنى ومشيت ... ليه وعدتنى لما انت هتكسره .. ليه قربت لما هتبعد .
بصيت لمريم بدموع : تعرفى من سنتين قابلته ع الساحل هنا وكنت وحيدة وضعيفة وهو استغل جهلى وغبائى واوهمنى بحبه وبكمية وعود واولهم أنه مش هيسبنى إلا ع موته أو موتى ... بس عشان يسبنى موتنى بإيده وبكل بساطة عايزنى امشى وانسى وكأنى مخسرتش أى حاجة .. عايزنى اعمل زيه واعيش وافرح ولا كأنى سبت شخص مدمر ورايا
- قولتلك مقدرتش احبك وانى لسه بحب مريم .. مقدرش اخدعك واخدع نفسى ولا مريم
* طااب ليه وعدتنى لما مش هتنفذ .. قولتلك أنى ف غضبى سيئة وانت طنشت
- مكنتش أعرف أنك سيئة للدرجة دى
* بسخرية : صنع إيدك
- طب سيبى مريم ملهاش ذنب
* تؤتؤ كله هيموت زى ما نا مت مليون مرة وف كل ثانية.
اتحركت خطوتين ومسكت مسدس
- هتعملى ايه
* موجه السلاح ع راس مريم: هشوف مقدار حبك ...
- بخوف : هتعملى ايه
بصيتلهم شوية وفكيت إيد مريم
* إيمان بلاش ... سيبيها وانا مستعد اعملك أي حاجة .. انتى كويسة متبقيش قاتلة
- اممم خلنى اشوف هتعملى أيه ... للأسف مفيش حاجة تصلحها .. معك حق انا كويسة
حطيت المسدس ف إيد مريم وعملته عليه واجبرتها تطلق عليه تحت صدمتهم ولفيت إدها نحيتها وطلقت عليه وهما جمب بعض قدامى .. وانا بسأل نفسى بقيت كويسة ... بس عمر السئ ما يرجع لطبعه الكويس.... قعدت جمبهم وانا بضحك بصوت وفجأة اتحول لبكاا ... بصيتلهم وانا ماشية بخطوات هادئة متأكدة من موتهم وقفت ع الساحل وانا بتزكر كل لحظة جمعتنى معه ... سعادة مؤقتة .
--------
فلاااش لبعد اسبوع
- تعرفى انا كنت شاكك فيكى من البداية ... يوم الفرح على جه ليا وانا اللى هديته وسرعت ف البحث الجنائى للخط ... كلمنا الميكب ارتست اللى حجزها وقالتله أنه لغى المعاد قبلها بيوم ... وقتها عرفنا انها مش هربت ... شكيت فيكى لما جيت ومش عرفتينى لأن فرح شافتنى قبل كده وعرفانى ... خفت اقوله ع شكى وممعيش دليل.. فسبتك وانتى تحت انظارى .. بس
* انا اتحركت اسرع مما تتوقع
- انتى عارفة انك هتنعدمى
* بشرود : عادى انا جسد بدون روح
#حكاوى_الليل
#Mariem_Sallam
#إيمان_عبدالسميع
