-ايه
-امممممم
-انتي فتحتي فيس النهارده
-لا.....ليه
-اصل في واحد ااااا
-واحد ماله يايارا
-في واحد عامل بوست بيشتمك فيه وبيقول انك عامله محترمه وبتحبي في واحد وبتكلميه ومش مكسوفه وبتكتبي دا ع الفيس وان دا محن بنات
-بتهزري صح
-لا بتكلم جد.......حتي شوفيه
-لا مش عايزه اشوفه
-مش هتردي عليه
-لا
-ليه
-لانه عامل كدا عشان ارد عليه .....دا غير انه صعبان عليا لانه اللي بيعمله دا قذف محصنات وكمان اساءه ظن بيا ودا غير طبعا اكيد اغتابني ونم فيا يعني كولكش ذنوب كفايه عليه كدا
-طيب مش عايزه تعرفي مين اللي ناشر
-ليه هو انا اعرفه
-لا ..... ودا اللي مستغرباه اننا منعرفوش بيشتمك ليه.....
-انا اديقت منه ولا زعلت عليه مش عارفه بس بجد تعبت .....ايه كميت الرسايل اللي جيالي دي
-جبانه مش هتردي طبعا ههههه اكيد لو عندك رد كنت رديتي
-ايه دا عملي منشن في البوست عشان يتأكد اني هشوفه وكمان باعتلي رساله يهني فيها ....طيب مش راده...بس دا اسمه أسر وقع الاسم عليا قلبي دقله .....يعني كان لازم اسمك يكون أسر ....أنا مش عارفه لحد دلوقتي أنا بحب الاسم دا ليه
-هههههه وعملالي فيها محترمه
-يادي النيله هو الواد مورهوش غيري كل اسبوع بوست شتيمه فيا هو العالم فهوش غيري أنا
-اتمني البوست يعجبك هههه
-لا بقي انا هرد عليه
-نعم حضرتك عايز مني ايه
-ولا حاجه بعرف الناس حقيقتك وانك عملالي فيها شيخه وانتي اصلا مش محترمه
-ربنا يسامحك وع العموم شكرا ع الحسنات اللي باخد ها منك بسبب اللي بتكتبه وانك كدا بتقذف محصنات يا أستاذ سلام
-اوووف انا ايه خلاني ارد .....بس اصلا اتخنقت منه ومن بوستاته دي
-بوستي الاسبوعي اما اشوف شتيمه المرادي ايه
-انا عمري في حياتي مافي حاجه اثرت فيا بس كلامه كان صعب لدرجه اني عيطت ....هو فيها ايه لما اكون بكتب لواحد لسه مقابلتوش فيها ايه لما اطلع مشاعري في الحلال ....ليه لازم اكون بحب حد وبعدين انا مش بنصح حد بحاجه وعملت محترمه انا اصلا انطوائيه ومش بتكلم كتير مع حد ...هما ليه عبادك كدا يارب دايما يسئوا الظن في غيرهم .....يارب انا تعبت
-اتمني يكون الكلام وصفك بجد
-انت عايز مني ايه
-عايزك تظهري ع حقيقتك وتطلعي من دور المحترمه اللي عايشه فيه
-هو انت ليه مقتنع اني بحب حد واني بكتبله مش يمكن بكتب لحد لسه ماشفتوش ليه بتصدقوا الشر والاساءه ومش بتحسنوا الظن
-.......
-ع العموم مش مستنيه رد منك .....وربنا يسامحك.....والبوست فعلا وصفني شكرا
-شفتي بوست اسر النهارده يا يوشه
-ايه دا هو بدل بوست كل اسبوع بقي كل يوم .....
-لا دا بوست بيعتذر فيه عن اللي كتبه عنك
-بتتكلمي بجد ....
-اه والله
-ربنا يهديه
-شكرا
-ع ايه
-البوست
-انا اللي اسف
-وفجأه وانا بكلمه تليفوني رن برقم غريب ..... رديت علطول
-سلام عليكم ...مين
-.......
-ألو .....ألو
-أنا أسر .....حبيت أعتذر
-التليفون وقع من ايدي ......صوته قوي مش عارفه عمل فيا ايه بس وقع صوته ع قلبي كان مختلف حسيت ان قلبي مسكاه في ايدي وبيهتز .....
-انا أسف ماكنش قصدي ومش هطلبك تاني كانت دي أخر رساله بعتها من اسبوع ومن ساعتها مسح كل بوستاته اللي شتمني فيها وكمان مابعتش رسايل بعدها
-حسيت بفراغ يمكن اتعودت ع بوسته الاسبوعي ....ويمكن اتعودت اكلمه .....او ممكن صوته كان أقوي من ان قلبي يتحمل ما يضموش .....لو صوته بيتحضن
لقيت نفسي بكتب علي صفحتي ......
(زرعت روحك بداخلي والان تريد نزعها مني ....وكيف انزعها بدون اذائي )
بعدها لقيت رساله وصلاني مش عارفه ليه حسيت انها منه وفعلا كانت منه
(ارواحنا اشتبكت في معضله لاسبيل لفكها)
لقيت نفسي برد ....(فأين المفر من وقوع روحي بكفك).....مش عارفه ازاي بعتها بس بعدها قفلت تليفوني وكأني حسيت باهتزاز قلبي حسيت اني هيقع مني وانا مسكاه .....خفت من ايه مش عارفه بالعاده انا مش بيأثر فيها حاجه بس كل اما اكلمه بحس اني خايفه من اني فعلا اقع فيه انا مش كدا ....
-ايه ...مالك
-هاااا لا ماليش يا يارا كويسه
-حاسه اني بكدب ع نفسي انا مش كويسه انا قلبي بيتألم معقول اكون حبيته لما وصل تفكير لحد كدا خفت بجد ....انا بكتب عن حب وعارفه انه مرتبط بالألم ....خايفه اتوجع بجد بس الحب ألمه بيخليك تنضج ....هو لو نضوج كنت فعلا كلمت واحد معرفوش كنت استنيت رساله من حد عمري ما شفته ولقيت نفسي بكتب ع صفحتي .......
-حين هممت بندائه وجدت نفسي اقول يا أنا .....ثم وجدت نفسي اهرب ...اهرب من اعترافي بانه يسكنني بان روحي وقعت به ولا استطيع انتزاعها منه هربت وانا اجري في الطرقات كل ما اريده هو الهروب كان الجميع يراني اهرول ظنوني رايت شبحا واهرب فزعه منه لكني لااهرب منه بل اهرب من نفسي من اعترافي المخجل بحبي له اهرب لاني محطمه ومبعثره ولا طاقه لدي لاتحطم اكتر اهرب لا منه بل له وجدت نفسي الهث وتقطعت انفاسي وعلي غفله وجدت يد تنتزعني مني...
-تريدين الهروب لما ..بعد ان زرعت روحك بي وبعد اعترافك لي ..يالك من قاسيه ..
-نعم انا قاسيه ولا اريدك مع قاسيه مثلي نفصت يده مني واكملت ركضي ...في طريقي اوقفوني سألوني لما تعذبيه برحيلك .....اخبرتهم ان اعذبه برحيلي خير من ان اقتله ببقائي ....انا لعنه اقوم بإذاء من حولي لا اريد ايذائه لا اريد هذا ابتعد عنه وانا لا اقوي ع ان انسل روحي منه ولا اقوي ع ان اكون غيره افعل هذا لاجله لا لأجلي .....لم يبقي حولي احد إلا واذيته ولا اريده ان يوجع بسببي لهذا تركته لاتعذب انا وحدي ......
الارض تنطوي من تحتي وانا اركض الجميع يراني مجرمه بحقه نعم انا كذلك اجرمت بحبي له اجرمت باختراق جدارن قلبي واساكنه بها لا احد يري جراحي انا......لا احد يري أني اعذب بدونه ولا احد يري دموعي ولا يسمعون انيني و ضلوعي تتكسر وانفاسي تنتهي ولا احد يشعر ان روحي تنتزع مني برحيله ولكن لن أأذيه بقربي لا اريد ان ألمه لا اريد ساستمر سأرحل......
-بعدها لقيت تليفوني بيرن .....انا عارفه الارقام دي قلبي يحفظها وكأنها التصفت به للابد فتحت التليفون من غير مارد
-حتي ان اذيتني انا ارغب بهذا منك ....لماذا الهرب
-...........
-أيه ردي انا فعلا محتاجك جانبي
-حصوني تنهار صوته لا يستسلم عن اختراق هذا القلب .....انه لايرحم هشاشه خافقي
-لن تتحملني
-لم أخلق إلا لأجل انا تكوني بقرب قلبي لاتحملك ....خلقتي من ضلع قرب قلبي لكي يكون هذا مكانك قرب قلبي
-كفك لن يتحمل ثقل خيباتي
-لكنه يتحمل ثقل كفك به
-لم أجد نفسي إلا أقول له (كلما اردت محوك بداخلي وجدت نفسي ما افعل الا ابقائك أكثر فلا يوجد سبيل لفك معضله اشتباك روحين )
# الحب ألم لكنه دواء لكل الألام
#وكأننا_خلقنا_لنلتقي❤
تابعو رواية القمر
RewanAzmy
