الفصل السادس و الأربعون من رواية حياة أسرت قلبي
🌺🌺🌺🌺🌺🌺🌺🌺
يمر الوقت بالبطئ دون اى اخبار
فارس:هو فى ايه مفيش اى حد بيطلع يطمنا ليه
ثم يضع اذنه على باب غرفة العمليات:انا مش سامع صوت لا سامعها بتصوت زى مابشوف فى الأفلام ولاسامع صوت عيل بيصرخ هو فى ايه بالظبطمحمود:اهدى بس ممكن تكون بتولد قيصريه
فارس :يعنى حيفتحولها بطنها يادى النيلهشيرين :وانت مزعل نفسك ليه هو انت اللى بطنك حتتفتح واللا هى
فارس :مش مراتى وخايف عليهافجاة تفتح احد الممرضات الباب فيجرى عليها فارس
فارس:طمنينى الله يخليكى
الممرضه :الف مبروك جالكم ولد زى القمر
فارس :مراتى مراتى عامله ايه
الممرضه :كويسه الحمد لله بس هى دلوقتى حتدخل الافاقه
وبعدين ندخلها اوضتها
شيرين :فين البيبي لو سمحتى
الممرضه :البيبي بيدوله دش جوة وحيلبسوه
شيرين :يلبسوه يالهوى ده احنا مجبناش هدوم معانا
الممرضه :متقلقيش يامدام احنا هنا عاملين حساب المواقف الحرجه دى والمستشفى بتوفر ملابس للبيبيهات
اتفضلوا الاوضه جوه والبيبي حيجيلكم حالا
تدخل شيرين وهنا الغرفه بينما يظل محمود وفارس خارجها
محمود :الف حمدلله على سلامة المدام ويتربى في عزك ان شاء الله
فارس :الله يبارك فيك يا محمود انا اسف على تعبكم معانا
محمود :عيب متقلش كده احنا اهل
يجد فارس اتصالا من والده
فارس:ايوة يابابا
فهمى وهو يتكلم خارج القاعه حتى يبتعد عن الأصوات العاليه:انتوا فين يافارس انا مش لقيكم لاانت ولا مراتك ومازن قالب المكان على شيرين
فارس :احنا في المستشفى يابابا
فهمى :مستشفى مستشفى ايه وليه
فارس:ملك ولدت يابابا
فهمى:ملك ولدت بجد يافارس ملك ولدت بجد
فارس :ايوة والله وانا معايا شيرين ومحمود اخو شهد ومراته
فهمى :كده بردو من غير ماتقولنا يابنى عشان نكون جمبك فى موقف زى ده ده احنا بقالنا سنين مستنيين اللحظه دىفارس :خفت الفرح يبوظ يابابا قلت نيجى من غير ماحد يحس
فهمى :طب طمنى يابنى على ملك
فهمى :هما دلوقتى بيفوقوها والبيبي بيلبسوه
فهمى :طب ياحبيبي احنا حنيجى دلوقتىيغلق معه الهاتف ويتجه سريعا الى داخل القاعه حيث الاغانى والرقص وسعيد وفريد ومالك يرقصون مع اسر ومؤمن وتولين وعلا وسيلين وفرح ويسر وشهد يرقصون مع حياة ونور
فهمى:عايده
عايده :فارس رد عليك
فهمى :مبروك يا حبيبتى حفيدك شرف للدنيا
عايده:ايه انت بتقول ايه يافهمى انت قصدك ملك ولدت بجد ملك ولدت
فهمى :ايوة والله الحمد لله ياحبيبتى وهما دلوقتى فى المستشفى
عايده : انا عاوزة اروح لهم حالا
فهمى :اصبري بس ياعايده لو قمنا اسر حيلاحظ بصي ياستى محمود ومراته وشيرين معاهم الفرح بس يخلص والعرسان يروحوا يركبوا الطيارة بتاعتهم واحنا نروحلهم على طولعايده :الف حمد وشكر ليك يارب اخيرا حشيل ابنك يافارس يابنى ياما انت كريم يارب
فى المستشفى
هنا تحمل البيبي :الله بصي ياشيرين امور ازاى
شيرين :ايوة امور اوى
فارس :عقبال ماربنا يقومكم بالسلامه انتوا كمان
محمود :اللهم امين
ملك:اه تعبانه مش قادرة
فارس :تعبانه ياقلبي
ملك:مش قادرة يافارس الم فطيع مش قادرة حسه انى حموت انا عاوزة مسكن هاتولى مسكن ياناس
فارس :وطى صوتك فضحتينا فى المستشفى
ملك:ادعى عليك بايه منك لله مانت مش حاسس باللى فية انا بطنى مفتوحه يابنى ادم اااه مش قادرة