الفصل الاول من رواية حياة أسرت قلبي
🌹🌹🌹🌹🌹🌹🌹🌹
فى احدى الشقق التى تدل طابعها على البساطه حيث نجد فتاة تستيقظ من نومها على صوت امها الذى تعشقه وتتمنى ان يظل دائما فى الدنيا فهذا الصوت هو مصدر الامان والطمانينه لها
عفاف:صباح الخير ياحياتى
حياة وهى تحتضنها:صباح الفل يااحلى ماما فى الدنيا
عفاف:ياحبيبة ماما انتى ياللا ياقلبي معاد الدرس قرب ودلوقتى حنلاقى سيمفونيه فى الشارع لو مجهزتيش حالا
حياة:هههههه اصدك البت شهد معلش ياماما انتى عارفاها شعنونه بس طيبه اوى والله
عفاف:انتى حتقوليلي على شهد ياحياة ده انا اللى مربياها ياحبيبتى والله ربنا يعلم انا بحبها اد ايه
بس ياللا بقى زمانها جايه و انتى مش حتنزلى قبل ماتفطرى
عشان تعرفي تركزى كويس
حياة:حاضر يافوفه ثوانى واكون جاهزة
تقوم حياة من على السرير وتجرى على الحمام للاستعداد للخروج لدروسها
حياة:بقولك ياماما انا النهارده معنديش غير درس واحد بس
عفاف :تمام ياحبيبتى
بصي انا النهارده حتاخر شويه فى الشغل ترجعى تذاكرى وعندك الاكل فى التلاجه تاكلى سامعه انتى اليومين دول مش عاجبانى
حياة:حاضر يافوفه بس والنبي يامامتى وغلاوتى عندك متجهديش نفسك فى الشغل انا محتاجاكى انتى يافوفه
عفاف:حبيبتى انا بجهد نفسي عشان خاطر بنتى حبيبتى
انا مستعده اسف التراب وامسح السلالم بس تحققى حلم ابوكى الله يرحمه وتدخلى كلية الطب وتبقى الدكتورة حياة احمد سعد
نفسي يبقى مرتاح فى تربته ولما اقابله اقوله انى حافظت على امانته اللى سابهالى ونفذت وصيته
حياة وهى تحتضنها :ياحبيبتى ياماما حاضر ياحبيبتى ان شاء الله ححقق حلمك وحلم بابا الله يرحمه وحكون الدكتورة حياة بس انا بخاف عليكى
ماما انا مليش غيرك فى الدنيا نفسي اوى ياماما اعوضك عن كل سنين الشقا
عفاف: ياحبببتى متخافيش علية انا كويسه
وبعدين كل حاجه فداكى ياحياتى
المهم اشوفك اسعد واحده فى الدنيا
وفجاه يسمعون الصوت
حياة حياة حياة
حياة:يالهوى البت شهد بتنده حتفضحنى هههههه
ياللا ياماما سلام
عفاف:مع السلامة ياحياتى خللى بالك من نفسك يا قلبي
وتتجه الى البلكونه وتتحدث الى شهد
ازيك يا شهد عامله ايه يا حبيبتى وازى ماما
شهد:ازيك يامزتى عامله ايه ياقمر
عفاف:مزتك اتلمى ياجذمه احنا فى الشارع
شهد:اعملك ايه حد قالك تبقى حلوة كده انا مش عارفه البت حياة مش طالعه حلوة زيك ليه بس ياقمر انتى
