الفصل الثالث والعشرون من رواية حياة أسرت قلبي
🌹🌹🌹🌹🌹🌹🌹
فى المستشفى
حياة وهى تمسك فى كتف علا:اه ياعلا مش قادرة الالم فظيع مش قادره ياعلا
علا:ياحبيبتى ياريتنى كنت بدالك ياحياة الف سلامه عليكى
حياة:بعد الشر عنك ياعلا ربنا يخليكى لولادك بس انا مش قادرة الوجع صعب اوى كانت تبكى من شدة الالم
بينما كان الدكتور متوجه الى حجرة الكشف
ابوعلا:والنبي طمنا عليها يادكتور
الدكتور :نامى ياحبيبتى
حاسه بايه
حياة:تعبانه اوى يادكتور الم فظيع اوى
يضع الدكتور يديه على موضع الالم
حباة:تصرخ حياة من شدة الالم
اه اه مش قادرة
الدكتور:احنا حنعمل اشعه حالا
تساعدها الممرضه وعلافى التوجه التوجه الى حجرة الاشعه
بعد عمل الاشعه ينظر الدكتور للاشعه
لازم تدخل العمليات حالا
ابو علا:ليه يادكتور خير فى ايه
الدكتور :متقلقش ان شاء الله خير بس الزايده لازم تتشال حالا والا ممكن لاقدر الله تنفجر
علا :يالهوى تنفجر ازاى لايادكتور اعملها حالا
الدكتور:تمام انا حطلب يجهزوا غرفة العمليات على ماتدفعوا فى الحسابات معلش والله انا اسف بس هى دى الاجراءات هنا
ابو علا:مفيش مشكله انا حروح الحسابات اشوف المطلوب وحضرتك جهز العمليات
يتجه ابو علا الى الحسابات فيجد المبلغ المطلوب اكثر مما معه فيضطر للذهاب للمنزل لاحضار بقية التكاليف
سعيد:علا انا حروح الشقه بسرعه اجيب بقية الفلوس واطمن على الولاد واوصي علا على اخواتهاوانتى خدى بالك من حياة
علا:طيب يااخويا بس خللى بالك من نفسك
يتجه سعيد للمنزل بينما تجلس علا بجوار حياة التى هدات قليلا بفعل المسكنات
علا:حتبقى زى الفل ياحبيبتى
حياة:علا هو انا ممكن اموت
تحتصنها علا بشده :بعد الشر عنك يا حبيبتى ربنا ميوريني فيكى يوم يوجع قلبي عليكى دى حاجه بسيطه وبعدين هو انا حعرف اكتر منك بردو يادكتورة يعنى انتى مش عارفه الزايدة
حياة هو تتالم :انا كان بقالى كام يوم بحس بوجع شويه بس محططش فى دماغى لكن الوجع المرة دى مش قادرة اتحمله
علا:وليه ماقلتيش ياحياة كده بردو تبقى تعبانه ومتقوليش
حياة:اه والله ماكنت فاكرة الموضوع كده
اه مش قادرة تعبانه ياعلا اه فينك ياماما انا عاوزة ماما ياعلا نفسي اشوفها بقى وحشتنى اوى ياعلا
عاوزة اشوفها قبل ماادخل العمليات ياترى انتى فين ياحبيبتى
يارب بحق الشده اللى انا فيها رجعلى امى وجمعنى بيها تانى
علا وهى تبكى تحتضنها:ربنا يجمعكم على خير ياحبيبتى وتقوميلنا بالف سلامة يا رب يا حبيبتي
