_بحبك اوي
_وانا كمان بحبك جدا علفكره
_طيب قولي بقي هتيجي تتقدملي امتي
_مش هينفع دلوقتي يعني كمان سنه كده
_انت بتهزر يااحمد بقولك بابا كل يوم يجبلي عريس وخلاص حججي خلصت
_طب اعمل ايه ياملك انا لغاية دلوقتي مش لاقي شغل هاجي اتقدملك علي ايه ان شاء الله
_لا انت لو عايز تشتغل هتلاقي بس انت اصلا مبدورش وانا زهقت بقي علفكره
_بجد انتي شايفه كده تمام براحتك خالص وهو ده بقي اللي عندي
قفلت في وشه السكه وفضلت اعيط بالساعات انا مش عارفه اعمل ايه بحبه اووي ومعنديش حل غير اني استناه بس هستناه لأمتي انا مش عارفه وفضلت اعيط لحد مجالي رساله فيها عنوان كافيه ومكتوب جواها روحي وشوفي حبيب القلب قاعد مع مين
مستوعبتش الرساله بس قومت لبست ونزلت اجري علي الكافيه وشوفته وهو قاعد مع واحده وتقريبا بيقولها نفس الكلام اللي قالهولي قبل كده بصراحه مقدرتش اوجهه فروحت البيت وفضلت اعيط وكلمت صاحبتي رهف وخلتها تجيلي ولما جت كنت منهاره
_بيعرف بنات تانيه يارهف
_انا قولتلك ياملك اللي زي ده مش بتاع جواز ويوم ميتجوز مش هيتجوز واحده مشي معاها ابدا هو ده قانون شباب اليومين دول بس انتي مصدقتنيش
_بس انا حبيته بجد انا عمري مكلمت ولد هو اول ولد اكلمه واحبه
_انا عارفه ده كويس جدا لاكن هو ميعرفش ده وبعدين مش هو ده اللي هيصونك يا ملك اللي يقبل انك تكلميه من ورا اهلك وانك تخرجي معاه من وراهم عمره مهيصونك لانه ببساطه محفظش عليكي
_طب قوليلي اعمل ايه
_تبعتيله رساله انك مش عاوزه تعرفيه تانيه وتعمليله بلوك فيس وواتس ورقم وكل حاجه واي هدايه عندك منه ترميها وتركزي في مستقبلك انتي استعجلتي اوي في الحب انتي لسه في اولي ثانوي
_حاضر هعمل كده
_واوعي تكوني بعتاله صورك
_لا والله دي انا سمعت كلامك فيها ومبعتلوش ولا صوره ليا
_تمام قومي امسحي دموعك ده ميستهلش انك تنزلي دمعه واحده عليه انتي دموعك غاليه اوي وافهمي جمله واحده اللي بيحبك بجد هيدخلك من باب البيت مش هينط من الشباك
_ابتسمتلها وحضنتها وقولتلها بحبككككك اوي
_وانا كمان بحبكككك اوي ياملوكه يلا بينا بقي ننفذ ونرمي هدياه كلها
_يلا بينا ياروفه
وفعلا رميت كل الهدايا وعملتله بلوك واهتميت بدرستي لحد مبقيت في تانيه كلية اعلام اتقدملي واحد معرفش ليه كنت مستريحه فوافقت وجه هو واهله وبعد شويه مامته قالت نسيبهم لواحدهم شويه
وفعلا خرجو كلهم وبعدها فضلنا شويه ساكتين كده لحد ما قال
_طبعا انتي متعرفيش عني اي حاجه فاسألي وانا اقولك
_مش عايزه اعرف غير حاجه واحده بس عندك استعداد انك تبقي اب واخ وصاحب ليا قبل متبقي زوج هتصوني وهتحافظ عليا وهتراعي ربنا فيا ولا لا
انا عارفه ان ده بالفعل مش بالكلام بس انا محتاجه اطمن لو مش هتعرف بلاش توجع قلبي
_وغلوتك عندي انا هعيش عمري كله علشان سعادتك
وعلفكره بقي انا بحبك بقالي سنين كتير بس مكنتش عايز اشغلك عن دراستك وبرضو مقدرتش استني اكتر من كده فأنا هتجوزك وتكملي دراستك في بيتي قولتي ايه
_موافقه يا كريم
_احلي كريم يانااس علي طالعه منك انتي
ضحكت وبصتله بأمل ان بكره احلي واني هعيش معاه اللي معشتوش ولا حتي مع احمد وده فعلا اللي حصل اتجوزت كريم وحقيقي عمره مخلف وعده ليا وكان عايش بس علشان سعادتي وعمره منيمني زعلانه في يوم حتي لما بنتخانق كان هو اللي بيصالحني وخلفنا حور وادهم ويوسف وكنا عايشين احلي ايام عمرنا بحبنا لبعض وبخوفنا علي زعل بعض وعلفكره انا حكتله علي احمد قبل الجواز وهو قالي انا ميهمنيش قبل متعرفيني عرفتي مين اللي يهمني بعد معرفتيني وكلنا بنغلط محدش معصوم من الغلط المهم انك فهمتي الدرس كويس وهو اللي بيحبك هيحافظ عليكي لحد متبقي مراته حلاله وهيدخل بيتك من بابه مش هينط من الشباك زي الحراميه😉
ده اول اسكريبت ليا عارفه انه بسيط كده بس مستنيه رأيكم فيه علشان اتشجع واكتب اسكريبات تاني
YOU ARE READING
اسكربات بقلمي/menna Mohamed
Romanceاسكربات رومانسيه وكوميديه ودراميه هتعجبكم جدا ان شاء الله
