أحببناها مريمية ( ٣ أجزاء )

تنويه ♥️

بعتذر اني انهيت الحلقه بدون تفاصيل .. بس مشغوله شويه  🙈
تمام ..
دلوقتي ان شاء الله الجزء التاني كده خلص .. وان شاء الله هبدأ في الجزء التالت كتابه لسا .. ومش هنحتاج في الجزء التالت اننا نتذكر احداث كتير من الجزءين الأوائل .. بمعني ..
الجزء التالت هيقتصر علي نفس الابطال بزياده كام شخص .. هتكون احداثه اكثر عصريه واكثر اثاره وتشويق بأمر الله .. الفكره موجوده والشخصيات موجوده والعقده موجوده .. بس اللي مش موجود لسا هو رأيكم .. يعني انا فكرت في فكره اننا نألف كلنا الجزء الثالث .. حضراتكوا هتقولولي عايزيني اتكلم عن اي ؟.. اي الحاجه اللي قصرت فيها في الجزئين الأوائل عشان اعوضها في التالت .. اي نوع العلاقات اللي عايزيني اتكلم عنها ..

كلنا هنعمل الجزء التالت .. وبأمر الله بكل طاقتي هحاول اخليه اكثر جاذبيه واثاره وتشويق بأمر الله ..

مش هقدر حاليا اوعدكم بمعاد معين .. لكن اقدر اوعدكم اني متأخرش كتير ..

ناقشوني في الجزء الاول والتاني .. الاخطاء والتقصير وخلافه .. بحيث اتجنبها في التالت .. وكمان ناقشوني في نوع العلاقات اللي محتاجين اني اتكلم عنها سواء اجتماعيا او دينيا  .. علاقات حب او اخوه او صداقه او معرفه سطحيه كمان .. ايا يكن انا معاكم وان شاء الله هخرجلكم عمل كويس  🧡

تقريبا ده كل اللي محتاجه اقوله بخصوص الروايه  .. ولو في حاجه تانيه ان شاء الله هنزلها في بوست تاني بامر الله 🙈

طيب ..
انا حابه اشكركم جميعا .. جميعا بلا استثناء  ♥️
اللي شاركني بلايك او كومنت او مجرد قراءه  .. اللي شجعني وقواني .. اللي وقفوا جنبي ودعموني وفضلوا يدوني امل اني اكمل .. شكراا من قلبي  ♥️

بتمني اكون قدرت ارسم البسمه علي وجوهكم .. وبتمني اكون قدرت اوصل امانتي في الرساله المراد توصيلها من خلال الروايه .. وبتمني اننا نتغير للأحسن كلنا بلا استثناء .. بتمني نكون قدرنا نعرف معني الحب الحلال وازاي انه بييجي بالقرب من ربنا .. بتمني نكون عرفنا معني الصاحب اللي بجد .. الصاحب الساحب اللي بيشدنا للخير ولطريق ربنا .. الصاحب الصريح اللي لما تغلط يقولك غلطت وصلح غلطك .. الصاحب اللي لو لسا مزعق ومتخانق معاه ومبهدله لكن مجرد ما تحتاجه تلاقيه .. الصاحب ساحب .. الصاحب ساحب .. وللمره التالته الصاحب ساحب ..
بتمني نكون قدرنا نعرف يعني اي اخ بجد .. نكون عرفنا ان الحضن ده دفء وامان .. اوقات بيبقي الاخ او الاخت مش محتاجين اكتر من حضن .. حضن يقولهم احنا جنبكم وبنحبكم ومهما حصل هنفضل نحبكم .. بتمني نكون عرفنا ان التمييز بين الابناء بيوصل لمشاكل ربما منقدرش نلمها .. بتمني نكون عرفنا ان السر بيفضل سر .. مينفعش يطلع وخصوصا لو ممكن يهد علاقات وبيوت .. بتمني بجد نكون قدرنا ننتبه لحاجات صغيره قد تكون مش ملحوظه بس في الواقع تأثيرها كبييير اوي ..

اسفه لو طولت عليكم بقا .. وكمان اسفه عشان لسا مردتش علي كومنتات الحلقه الاخيره .. بس بأمر الله اول ما افضي بس هفتح ارد علي الجميع عيوني 😍 .. انا خطفت وقت عشان اكتب البوست ده 😂 💔 .. فبعتذر عن التأخير في الرد ..

وبالمناسبه انا نجحت 😂🙈♥️

هتوحشوني اوي 💙 💙

في امان الله يا عائلتي الجميله   😍 😍