أحببناها مريمية ( ٣ أجزاء )

اقتبااااس قبل الأخير ♥️

مفاجأة النهارده علي شرف مفاجأه مدونة سحر الروايات .. اللي موجوده في اللينك ده 👇
https://m.facebook.com/story.php?story_fbid=169005294485237&id=100041273011055
مبارك للكيان  ودائما من نجاح لنجاح 😍

مفاجئتي هي .. اقتباس صغنن عشان نتطمن بيه علي الغايب عننا وواجع قلوبنا م الغياب والخوف عليه .. وعشان اللي زعلوا مني بسبب الاقتباس التاني لانه قلب بكآبه  🙈
يلا حبوني بقا 🙈♥️

دلفت أروى مع أريج إلى دورة المياه وتركت وليد أمام الباب بانتظارهم .. وبعد بعض الوقت .. خرجت ليصدمها قول مالك الذي أتى خلفهم تقريبًا وهو يتمتم بغل لوليد :
- مش هتكون راجل برضو عشان أبوك مات ومش هيكون جنبك .. هما بيخلوك معاهم أصلا عشان يخلوك كبير بس .. ويخلوك تنسى أبوك الميت .

صُدمت أروى من حديث الصغير ودموع وليد التي تنساب بحرقة على وجنتيه ليتآكل قلبها حزنًا من أجله .. ولم تنتبه لأريج التي خرجت وركضت تجاه وليد .. وما إن رأت دموعه حتى نظرت تجاه مالك بحقد غريب وقامت بدفعه وهي تهدر بغضب طفولي :
- إنت وحش .. عشان بتخلي ليدو يعيط .

ركضت أروى تجاههم قبل أن يتأزم الأمر .. ولكن وليد ركض من أمامهم لتمسك أروى بيد أريج ومالك وتركض خلف وليد الذي اصطدم بأحدهم ..

توقف وليد وهو لا يكاد يرى بسبب دموعه ليرفعه ذاك الغريب عن الأرض متمتمًا :
- مالك يا حبيبي بتعيط ليه ؟

رفع وليد نظره إليه لتصطدم الأعين .. ويشعر الغريب بكهرباء تسري في عروقه .. وهو ينظر لعيني الصغير .. بينما لُجم لسان وليد وتوقفت دموعه عن الانهمار .. وكتم أنفاسه .. وتمتم ببراءة :
- بـ بابا !

بمجرد سماعه للكلمة شعر بصداع يكاد يفتك مؤخرة رأسه وانتفض جسده كأن أحدهم قام بصعقه فجأه .. لكن قطع تلك الشحنات المتضاربة من المشاعر وصول أروى إليهما وهي تتحدث :
- وليد  .

ثم نظرت للغريب وهي تعتذر :
- أنا آسفـ ...

ابتلعت باقي حروفها وهي تنظر لمن يحمل وليد .. ازدردت ريقها بحلق جاف .. وشحب وجهها فورًا وهي تتمتم بعدم تصديق وصوتها لم يتجاوز شفتيها :
- جـ جود ؟

عقد بين حاجبيه لمظهرها المصدوم .. قبل أن يضع الطفل أرضًا وهو يتمتم :
- خلي بالك منه .. عشان ما يخرجش بره لإنه ممكن يتوه .

ألقى جملته وبعثر شعر الصغير بيده مبتسما بهدوء ثم غادر تاركًا أروى تحاول أن تتدارك نفسها وهي تكاد لا تصدق  :
- جود ؟.. لا ليس هو! .. إن كان هو كان ليعرفها .. أو ليعرف ابنه على الأقل !

قاطع تخبطاتها وليد الذي يجذبها من ملابسها متمتمًا :
- طنط أروى مش ده بابـ ..

قاطعته أروى وهي تنزل لمستواه قائله بهدوء :
- وليد حبيبي .. تعالى نتفق اتفاق . ماشي ؟

أومأ وليد لتتابع هي وهي تقربه منها وتتحدث بصوت خفيض :
- ما تقولش لماما حاجة عن الراجل اللي خبطت فيه ده ماشي ؟

وليد ببراءه :
- بس ده ... ده بابا .

أروى بقلب منفطر :
- لا لا حبيبي .. ده مش بابا .. ده واحد شبه بابا بس .. وأنا كمان في واحدة شبهي بس موجودة في مكان تاني غير ده .. وأريج برضو وخالو إسلام وكمان ماما .. فـ ده حبيبي مش بابا .. ده واحد شبهه .. وما تقلش لماما عشان ماما تعبانه .. اتفقنا ؟

وليد وهو ينكس رأسه بحزن :
- حاضر اتفقنا .

🖊️🖊️🖊️🖊️🖊️ دنـيا آلـ شملول ♥️ 🖊️🖊️🖊️🖊️🖊️

كده الاقتباس خلص .. وحبيت أوصل لكم رسالة صغيرة أوي .. أنا تعمدت في الاقتباسين اللي فاتوا إني أظهر إن جود مات .. وتقريبا الأغلبيه أجزموا على موته فعلا .. وده بقا اللي لازم نآمن بيه .. وهو إننا مش كل اللي نشوفه أو نسمعه أو نقراه بيكون الحقيقة .. أوقات بيكون بين السطور حقايق مخفية .. وأوقات بيكون بين المواقف كلمات ما اتقالتش وما اتذكرتش .. أوقات بيكون المقصود حاجه والواقع حاجه ..

فما نجزمش على الامور من سطحياتها .. ما ناخدش الأمور بجدية من مجرد كلمه اتقالت فأحكم فورا على الموضوع .. ما يكونش حصل موقف معين زعلك من حد وتزعل وتسكت .. لأنه ممكن يكون قاصد حاجه تانيه خالص غير اللي وصلتك .. وهو لاحول له ولا قوه ما يعرفش إنت زعلت ليه .. فديمًا نفهم الموضوع من جميع الجوانب قبل ما نحكم عليه ..

أتمنى ما يكونش حد زعلان مني بجد 🙈 وأنا بحبكوا أوي والله وكمان مؤمنة جدا إن ربنا ما بيوجعش قلب مؤمن إلا لو عالم بالخير ليه في مكان تاني .. أو ما بيعملش حاجه للإنسان إلا وفيها الخير ليه .. وما بيبعدش عننا حاجه إلا وبيعوضنا بالأفضل والأحسن .

مريم روحها في جود .. وطبعا الأعمار بيد الله ومش بعيد عن ربنا إنه يقبض الروح من قبل حتى ما تتجوزه .. لكن كرواية بنهرب فيها من الواقع رغم إنها واقعية أصلا لكن بتفضل رواية فما ينفعش يكون كل اللي فيها وجع وألم وبس .. وخاصة إن من عشق مريم لجود يستحيل هتفكر تتزوج بعده وهي لسه عندها ٢٥ سنه يعني صغيرة جدا كمان .. فكان لازم أخلي مشاعري غالبة الواقع شويه عشان نقدر نتعايش مع أجواء الروايه .

بحبكوا جدا يا أجمل فانز وأجمل عائله بجد 🙈 ♥️

إيه ضاااااه 😲.. التعليق طلع أطول من الاقتباس 🙊.. إني آسف  😂😂 .. والله أبغى أقول لكم إنه آخر اقتباس بس أستحي 😂💔 ..وهااانت باقي ١٣ يوم بس وابدأ أنزل الحلقات .. وهتزهقوا مني ومن روايتي ومن الأحداث كمان  🙈