أحببناها مريمية ( ٣ أجزاء )

قضاء ونصيب(١٦)

قضاء و نصيب ♥
الجزء الثاني من " أحببناها مـريـمـيـة" ♥️
بقلمـ : دنـيا الشملول ♥️

الحلقه السادسة عشر ♥️

جلست أريج على سور الحديقة وبجانبها ملك التي تشعر بغضب أريج ..

ملك بهدوء :
- أريج .. بلاش تكبري الموضوع .

أريج بضيق :
- أكبره ؟!!.. انتي عارفه أنا لو طولتها هعمل فيها أي ؟

ملك :
- طب انتي متضايقه منها ليه ؟.. البنت جت تشكر وليد على اللي عمله معاها .. ودلوقتي خبطت في مالك بدون قصد .. تدخلك كان غلط .

أريج :
- أي تدخل اللي كان غلط ها .. لم جت عند عمتي .. سألتني بكل بجاحه ده بيت وليد ؟.. ولما قلتلها تعرفه منين ردت ببرود تقولي يبقى بيته .. هو فين ؟.. كانت بتتعمد تتلاطف عشان تفور دمي يومها .. ولما عمتي دخلتها بصتلي باستفزاز .. ده أي كمية البرود والبجاحه دي يا شيخه ؟.. ودلوقتي خبطت في مالك عمدًا .. وأنا بقولهالك أهو .. خبطت فيه عمدا .. ما هو مش معقولة الأماكن خلصت يعني ومفيش غير المكان اللي فيه وليد ومالك اللي تمشي فيه .. ومش معقول يتزامن أوي كده وقت قومة مالك مع خبطتها فيه .. ومش منطقي كمان إن بنات الدنيا تخلص ومفيش غير زفتة البرك دي اللي تيجي وتخبط فيه ... لا وبتقول لوليد شوفت يا وليد صاحبك ؟.. تقوليش بتشتكي لـ ..

قطعت كلامها وهي تتمتم بغيظ :
- استغفر الله العظيم يارب ع المسا مش عايزه أغلط .

َملك بتنهيدة :
- طب خلاص اهدي .. انسي الموضوع .. مالك اداها اللي فيه النصيب .. ولو كانت متعمده فعلا مش هتعملها تاني خلاص كده .

أريج بتنهيده :
- قومي خلينا نمشي يلا .

ملك :
- لا أنا لسا عندي محاضرة بعد شويه .. انتي خلصتي كده ؟

أريج :
- خلصت من وقت ما كلمتك .. خلاص أنا هروح .. خلي بالك من نفسك بقا .

ملك بابتسامه :
- ماشي وانتي كمان .. وبالله عليكي لو صدف وشوفتيها ما لكيش دعوه بيها . ماشي؟

أومأت أريج عدة مرات ومن ثم غادرت .

تحركت ملك متجهه لمدرجها ولكن أوقفها صوت ربما تعلم صاحبته .. التفتت للخلف بهدوء لتجد سبأ قادمه تجاهها ..

ملك بابتسامه هادئة :
- أهلا .. في حاجه ؟

سبأ بتنهيده :
- ممكن نتكلم شويه ؟.. لو مش هعطلك بس .

ملك وهي تنظر لساعة يدها :
- تمام .. اتفضلي نقعد .

ذهبت الفتاتان تجاه السور مجددًا وجلستا بهدوء .
تحدثت ملك بابتسامه :
- إسمك سبأ مش كده ؟

أومأت سبأ قبل أن تتمتم بهدوء :
- ممكن أسألك سؤال ؟

ملك :
- أكيد اتفضلي .