رواية لحظات مؤلمة
البارت التاسع والعشرون
للكاتب المصري محمد مالك
جميع الحقوق محفوظة
شيرين متعجبة بشدة .. انت جبت فردة الجزمة دي منين ؟!! دي بتاعة نورا فعلا !!
هيثم .. اها .. ما انتي لما اختك وقعت من فوق انا كنت ساعتها موجود في الدكان وانتوا طبعا كنتوا مخضوضين وملخومين يا عيني لحد ما الاسعاف جت شاليتها فانا لمحت فردة الجزمة دي كانت واقعة علي الارض قمت اخدتها عشان ماتضعش
شيرين .. وانت لما لقيتها واخدتها مقلتش ليه ؟!! وما اديتهانيش ليه ساعتها ؟!!
هيثم .. بصراحة نسيت اقلك.. وبيني وبينك حبيت احتفظ بيها لنفسي قلت اهي حاجة من ريحة المرحومة تفكرني بيها وبلحظاتنا الجميلة مع بعض
شيرين .. وجزمة المرحومة مروه مرات اكرامي ايه جابها في الدولاب ؟!!
هيثم .. ما هي نفس الحكاية بالظبط .. اكرامي لقيها فا حب يحتفظ بيها .. حاجة برضوا من ريحة المرحومة .. اصل احنا بصراحة اوفياء اوي ومبننساش ابدا الذكريات الجميلة ولا اللحظات الحلوة اللي بنقضيها مع اقرب الناس هيثم يضع يده علي كتف شيرين قائلا
هيثم .. ايه مالك بتبصيلي ليه كدا ؟!! مش مصدقاني ولا ايه ؟!!
شيرين .. لا مستغربة بصراحة !!
هيثم .. مستغربة من ايه بقي ؟!!
شيرين .. اصل مش باين عليك خالص لا حزن ولا حتي حنين للذكريات اللي انت بتقول عليها دي !! كل اللي باين في عنيك كدب ومكر وخداع!!
هيثم .. لا هو انتي متعرفيش ان احنا بنحزن ونتقهر اوي كمان بس بنتحفظ بدا جوا قلوبنا ومش بنحب نبين دا ابدا للي حوالينا.. وبعدين انتي واخدة فكره وحشة اوي عني ليه كدا ؟!!
هيثم يدفعها ببطئ نحو سور البالكون وشيرين تلاحظ ذلك
شيرين .. انت بتزقني لورا ليه كدا ؟!!
هيثم .. انا !! ابدا انتي بس بيتهيآلك .. زي حاجات كتير بيتهيآلك انها بتحصل مع انها مبتحصلش خالص!!
شيرين .. ابعد ايدك عني من فضلك !!
هيثم .. ولو ما بعدتش ايدي هتعملي ايه يعني ؟!!
شيرين .. بقلك حوش ايدك عني وارجع لورا احسنلك
هيثم .. لا مش هاحوش ايدي ولا هرجع لورا يا شيرين
شيرين .. انت اتجننت ؟!! انا كدا هقع من فوق !!
هيثم .. وماله .. هو انتي احسن من اللي وقعوا قبلك ؟!! حتي عشان تجربي نفس احساسهم ويوصلك نفس شعورهم وهما بيقعوا من فوق وتعرفي اذا كان الشعور اللي حسوا بيه جميل ولا لا !!
شيرين تصبح ملاصقة لسور البالكون تماما وتبدا في فقدان توازنها
شيرين .. هيثم انا هقع ؟!!!
YOU ARE READING
لحظات مؤلمه للكاتب محمد مالك
ChickLitانا شيرين البستاني ٢٦ سنه صيدلانيه من اسرة متوسطة الحال .. بابا علي المعاش كان شغال في السكة الحديد وماما ست بيت عندي ٣ اخوات بنات انا اكبرهم .. اتجوزت من ست شهور صيدلي زميلي بس ما اتوفقناش مع بعض واتفقنا ننفصل بكل هدوء وبدون مشاكل وفعلا انفصلت بعد...
