لحظات مؤلمه للكاتب محمد مالك

الفصل (٢١)

رواية لحظات مؤلمة 

البارت الحادي والعشرون

للكاتب المصري محمد مالك

جميع الحقوق محفوظة
الضابط هشام .. اتقتل ازاي يا حضرة النقيب ؟!!
وحيد .. لقيناه مطعون بسكين في منطقة الصدر الناحية الشمال
هشام .. ومين اللي طعنه بالسكين ؟!!
وحيد .. لحد الآن القاتل مجهول بالنسبه لنا يا فندم !!
هشام .. ازاي مجهول ؟!! انا مش قايلك يتحط تحت المراقبه ٢٤ ساعة ؟!!
وحيد .. وتم يا فندم من ساعة ما خرج من هنا .. لكن اللي كان بيراقبه من عندنا مشافش حد دخل او طلع من عنده نهائي !!

هشام .. يعني ايه يا حضرة الظابط ؟!! اللي دخل قتله كان لابس طقية لخفة ولا ايه ؟!!
وحيد .. الله اعلم يا فندم .. حكاية تحير فعلا !!
هشام .. طب والتاني دا كمان اتقتل ليه ؟!!
شيرين.. هو في ايه بالظبط ؟!! انا بدأت اخاف بجد
هشام .. متخافيش يا مدام شيرين
شيرين .. مخافش ازاي وحضراتكم مش قادرين تعرفوا تفسير للي بيحصل دا !! والناس دي بتتقتل ليه ؟!! ومين قتلها ؟!
هشام .. هنعرف كل حاجة اكيد احنا مش ساكتين ابدا !!
وتعود شيرين وكلها حيره وخوف من المجهول.. الغاز كثيره محيره واجاباتها مجهوله حتي الآن واثناء الاقتراب من المنزل حيث المنطقة المحيطه به فارغة تماما من الماره !!  تري امرأة عجوز تتكأ علي عكاز .. تراها تنظر في الارض حول المنزل وكانها تبحث عن شئ ما ربما فقدته
شيرين .. مساء الخير .. حضرتك بتدوري علي حاجة وقعت منك ؟!!
المرأة العجوز تلتفت لها ويبدوا عليها الحزن والحسرة وايضا الخوف الشديد
المرأة .. انتي مين ؟!!
شيرين .. انا ساكنه في البيت دا
المرأة تشاور علي المنزل وتقول
المرأة .. دا ؟!!
شيرين .. ايوا
المرأة تتغير معالم وجهها فجأة ويبدوا عليها الضجر الشديد
المرأة .. انتي مين ؟!! انا ما شوفتكيش قبل كدا في البيت دا ؟!!
شيرين .. انا الدكتوره شيرين مرات الدكتور اكرامي
المرأة .. اكرامي !! هو انتي مراته الجديدة ؟!!
شيرين .. ايوا
المرأة .. يا حسرة قلب امك عليكي يا بنتي ؟!!
شيرين .. نعم !! مش فاهمه .. حضرتك تقصدي ايه ؟!!
المرأة ..مش قصدي حاجة
شيرين .. طب انتي بتدوري علي ايه وانا اساعدك ؟؟!!
المرأة .. بدور علي فردة الجزمة التانية بتاعة بنتي اخت الفرده دي !!
شيرين .. طب هي وقعت في الحته دي يعني ؟!!
المرأة .. ايوا وقعت من هنا
المرأة تشاور علي بالكونة شقة اكرامي وشيرين تنظر الي حيث تشير المرأة فتصاب الدهشة
شيرين .. تقصدي البيت دا ؟!!
المرأة .. ايوا .. وقعت من بالكونة الدور التالت
شيرين .. الدور التالت !! دي شقتي !! وقعت ازاي بقي ؟!! ودي جزمة مين اصلا ؟!!
المرأة .. دي جزمة بنتي مروة مرات اكرامي .. وقعت من فوق وماتت من اكتر من سنه ومن ساعتها وانا بدور علي فردة الجزمة التانية ومش لاقياها !! والنبي يا بنتي لو لقيتيها ابقي خليها عندك وانا كل يوم بعدي من هنا الساعة ٨ بالليل ابقي ارميهالي من فوق
شيرين .. استني لو سمحتي .. حضرتك بتقولي ان بنتك اسمها مروه وانها كانت مرات اكرامي؟ !!
المرأة .. ايوا للأسف يا بنتي
شيرين .. هي بنتك ماتت ازاي ؟!!
المرأة .. كانت واقفة في البلكونه جمبي وفجأة بصيت لقيت حاجة كدا انا مش شايفاها شالتها مره واحده ورمتها من فوق .. وقعت علي الارض وماتت في الحال !!
المراة تبكي متاثرة جدا
شيرين .. بالظبط زي ما حصل مع نورا اختي ؟!!
المرأة .. نورا اختك! ! اختك هي كمان وقعت من البالكونة ؟!!
شيرين .. ايوا .. وانا كنت واقفه جمبها .. وبرضوا هي كمان حست ان في حاجة بتشدها وعايزة ترميها من فوق !!
المرأة .. يا حسرة قلب امك يا بنتي
شيرين ..من فضلك يا طنط عاوزة اسألك سؤال .. هو البيت دا فعلا مسكون بالعفاريت ؟؟!!
المرأة ترتبك بشدة وترتعش فجأة
المرأة .. بس بس . اسكتي خالص .. اسكتي خالص .. يا حسرة قلب امك يا بنتي
ثم تنصرف من امامها وهي تردد تلك الجملة وشيرين في قمة الدهشة .. تدخل الي المنزل وتصعد الي اعلي واثناء مرورها علي شقة هيثم تجد الباب مفتوح لاول مره والنور مضاء من الداخل .. تسمع صوت هيثم عالي جدا يتحدث بعصبية شديدة وكأنه يتشاجر مع شخص ما !! يأخذها الفضول نحو معرفة ماذا يحدث بالداخل فتقرر الدخول الي شقة هيثم فتصاب بالصدمة الشديدة ؟؟؟!!!
تابعوني والبارت التالي .. مع خالص تحياتي ..