لحظات مؤلمه للكاتب محمد مالك

البارت (١٩)

رواية لحظات مؤلمة 

البارت التاسع عشر

للكاتب المصري محمد مالك

جميع الحقوق محفوظة
شيرين .. ايه دا ؟!! السلم مليان ازاز مكسر ليه كدا ؟!! انا اتعورت في رجلي يا اكرامي الحقني !!
اكرامي .. طب علي مهلك طيب .. عدي .. خلي بالك .. واضح ان هيثم كان مطلع حاجة شقته وكان فيها ازاز ووقع اتكسر !!
وفجأة يسمعون صوت هيثم يجيب قائلا
هيثم .. دا النيش !!
شيرين تخاف .. اعوذ بالله من الشيطان الرجيم !!
اكرامي يوجه الضوء لأعلي فيجد هيثم واقفا علي السلم
هيثم . متخافيش يا مرات اخويا انا مش شيطان عشان تستعيذي بالله مني !!
اكرامي .. ايه الازاز المكسر دا كله يا هيثم ؟!
هيثم .. ما انا قلت النيش !! العمال وهما طالعين بيه فوق وقع منهم فالازاز بتاعة اتكسر ميت حته
اكرامي .. طب كنت تكنس السلم !! ولا انت غاوي اذي يعني ؟!! اهي شيرين اتعورت في رجلها !!

هيثم .. لا الف سلامه عليها .. حقك عليا يا مرات اخويا
شيرين لا تعيره اهتماما
شيرين .. يلا بينا اكرامي
هيثم .. هو انا حقير للدرجه دي عشان مترديش عليا يا مرات اخويا ولا أيه ؟!!
شيرين .. من فضلك متتكلمش معايا خالص
هيثم .. اشمعنا ؟!!
شيرين .. مش عاوزة اتكلم معاك انا حره يا اخي !!
هيثم .. يرضيك الكلام دا يا اخويا ؟!! مراتك محتقراني ومش عاوزه تكلمني ؟!!
شيرين .. انا حره يا اخي !! ايه ده .. مشوفتش كدا خالص بصراحة ؟!!
هيثم .. ولا عمرك هتشوفي !! علي مهلك وانتي طالعة يا مرات اخويا .. علي اقل من مهلك
ثم ينصرف وشيرين تعلق قائله
شيرين .. انسان بارد ومعندوش دم !!
اكرامي .. علي مهلك عشان هنا فيه ازاز .. خلي بالك
ونذهب الي الضابط هشام حيث دخل عليه مكتبه الضابط وحيد يخبره بنتيجة تقرير الطب الشرعي
وحيد .. معالي الباشا التقرير المبدئي للطب الشرعي وصل
هشام .. لمين فيهم ؟!!
وحيد .. للأتنين
هشام .. معقول !! طب تمام وريني كدا
هشام يقرأ تقرير الطب الشرعي بكل تركيز
هشام .. الاولاني بيقول ان نورا اتوفت بسبب حدوث انفجار بالمخ نتيجة ارتطام الرأس  بشئ صلب من مسافة حوالي ١٢متر !!
وحيد .. اللي هي طبعا الارض لما وقعت من الدور التالت
هشام ..لا والمرحومة كانت سمينة شوية !!
وحيد .. الله يرحمها
هشام .. والتقرير التاني بيقول ان صبحي اتوفي نتيجة قطع عرضي بشرايين الرقبه !!
وحيد .. دا لما دبحوه سعتك
هشام .. ايوا بس مين اللي دبحه ؟!! ودبحه ليه ؟!!
وحيد .. بس انا ما اعتقدش انه فايز
هشام .. هو فعلا مش فايز
وحيد .. اكيد مش هو وبعدين الدم اللي كان علي البيجامه بتاعته طلع فعلا دم فرخه
هشام .. طب مين بس اللي عمل كدا ؟!! واشمعني اتقتل في التوقيت دا بالذات !! بعد ما شيرين قالت انه كان بيشاورلها تدخل جوة هي واختها وكأنه كان خايف من حاجة معينه !! طب ايه الحاجة دي ؟!! ممكن يكون كان خايف انها تقع من فوق مثلا ؟!!
وحيد ..وبالفعل وقعت من فوق !!
هشام .. معقول تكون نورا وقعت من فوق بفعل فاعل مش انتحرت زي ما هيثم بيقول ؟!!
وحيد .. اول مره اشوف قضيه كلها الغاز بالشكل دا !!
هشام .. ولازم نحل الالغاز دي عشان نوصل للحقيقة .. اسمع يا وحيد عايزك تعملي تحريات عن اكرامي واخوه واي حد من اهله قاعد معاه في نفس البيت والتحريات تكون علي مكتبي في اقرب وقت
وحيد .. تمام سعتك .. طب وفايز هنسيبه في الحجز ؟!!
هشام .. لا افرج عنه..  بس حطه تحت المراقبه وحيد .. علم وينفذ معالي الباشا.. طب مش مدام شيرين المفروض تيجي تقول اذا كان هو دا الراجل اللي كان بيشاورلها ولا لا
هشام .. كلمتها .. وهتيجي بكره ان شاء الله .. بس انت روح اعمل اللي قلتلك عليه
وحيد .. تمام يا فندم بعد اذن سعتك
ونذهب الي فايز حيث تم الفراج عنه وعاد الي منزله ودخل ليستحم وعندما خرج من الحمام وجد امامه شخص ما فيرتجف من شدة الخوف
فايز مرتبك وخائف .. انت !! اقسم بالله ما اتكلمت ولا فتحت بقي بنص كلمه !! ارجوك متموتنيش ابوس ايدك .. حرام عليك متموتنيش

وفجأة يتم طعنه بسكين طعنه نافذه في القلب فيسقط فايز علي الارض غارقا في دمائه ونري القاتل بعد ذلك يمسح السكين بمفرش السفره ويتحرك ناحية باب الشقة ويفتح الباب وينصرف
تابعوني والبارت التالي .. تحياتي..