لحظات مؤلمه للكاتب محمد مالك

البارت (٢٤)

رواية لحظات مؤلمة

البارت الرابع والعشرون

للكاتب المصري محمظ مالك

جميع الحقوق محفوظة
شيرين مندهشة وبشدة من تبول اكرامي علي نفسه
شيرين .. ايه دا !! اكرامي مالك ؟!!
اكرامي يحاول ان يخلص يده والتي تقبض عليها شيرين بكل قوة
اكرامي بعصبية شديدة .. ابعدي عني !!
اكرامي يترك الغرفة شيرين في قمة التعجب
ونذهب الي اسرة شيرين حيث انهما ايضا في صدمه شديدة بعدما عرفوا ان نورا كانت تخبئ حبوب اكتئاب داخل الدبدوب
بوسي .. معقول !! نورا كانت بتاخد دوا اكتئاب ومش قايلة لحد ؟!!
مرفت بكل اسي .. باينلها كانت كدا فعلا !!
بوسي .. يعني كلام هيثم صح !! ومش كداب زي ما كنا فاكرين !!
الام .. انا مش قادره اصدق ابدا ان بنتي كانت بتاخد دوا اكتئاب !! لا الكلام دا مش صحيح
مرفت .. ازاي مش صحيح واحنا مطلعين البرشام من قلب الدبدوب بتاعها !!
الام .. معقول با ناس !! بنتي كانت عيانه بالاكتئاب وبتاخد دوا كمان ومن غير ما تقول لحد !! انتي متاكدة يا مرفت ان دا دوا اكتئاب ؟!!
مرفت .. للأسف يا ماما .. دوا اكتئاب فعلا
بوسي .. يعني كدا المفروض نورا انتحرت ومش عفريت رماها من فوق زي ما كنا فاكرين !!
الاب منفعلا .. عفريت ايه وزفت ايه اللي هيرميها من فوق !! كفاية تخاريف بقي !! الحقيقة خلاص بانت .. اختكم للأسف كانت بتعمل حاجات غلط من ورانا كلنا
مرفت .. الله يرحمها بقي يا بابا
الاب .. بس قعدتوا تقولولي ان هيثم كداب ومفبرك المكالمات والفيديوهات واهو طلع لا كداب ولا حاجة !! انا فعلا حزين اني معرفتش اربي بناتي كويس
ثم ينهض من علي الكرسي الذي كان يجلس عليه وينصرف نحو غرفته
ونذهب الي الضابط هشام حيث يجلس في مكتبه ويدخل عليه الضابط وحيد
وحيد .. معالي الباشا
هشام .. تعالي يا وحيد اقعد
وحيد .. تقرير المعمل الجنائي وصل
هشام .. بيقول ايه ؟!!
وحيد .. ان مافيش اي بصمات او اي اثر لحد غريب دخل شقق الضحايا!! وان البصمات والاثار اللي داخل الشقق تخص الضحايا وتحركاتهم داخل شققهم وبس !! ومفيش اي علامات تدل علي كسر بيبان الشقق او حتي محاولة فتحها بالقوه!!
هشام .. طب الجاني ارتكب جريمته ازاي ؟!!
وحيد .. شئ محير بجد !!
هشام .. وبعدين التحريات اكدت ان صبحي وفايز ملهمش اي اعداء وعايشين في حالهم من زمان وبعدين القتل مكنش بغرض السرقة ولا حاجة !!
هشام .. اللي قتلهم كان ليه غرض تاني خالص !!بس مين هو ؟!! وقتلهم ليه ؟!! قلي عملتلي التحريات اللي طلبتها منك عن هيثم وعيلته ؟
وحيد .. ايوا .. واكتشفنا حاجات غريبة جدا !!
هشام .. ايه هي ؟؟!
تابعوني والبارت التالي بعد قليل .. تحياتي